Hebreea 11:8 - BII BILA

⁸ A laalanndo Abraham cɛl veelu Hala-o ni, mó kɔa o lɛŋnde Hala yiilu ndu kpemaa le ndu len keo kɛ́ɔ len nin, ndóò sínà vɔ bɛɛ lon te, mó kɔa.

Hebreea 11:8 Referans Kwoze

1Piɛr 1:22

La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,

O Kandɔɔ 22:18

Vanaa-mangalaa-isɔɔa súúlan kpow o ceendo coo a sɔlanin duaa cuavaa nɔmnda o ba bɛngu. Kani nɔm Abraham, a bii sɔɛi nii.»

O Kandɔɔ 12:7

Mí Mɛlɛka cɔmnun Abram, mó dimul ndu aa: «I yɔngunin cuavaa nɔmaa imamaa lɛŋnden nden.» Mí Abram cɔaw fonda-loamaa-lasálàá o fonda Mɛlɛka cɔmnun ndu kon-ndo le ndu Mɛlɛka sálàá solullo lecoo.

Rɔmnda 10:16

Kɛ o co vannda kpow le a cɛl Yoongu kɛndɔɔ le. Mí Esai dimi ndi aa: «Mɛlɛka, nɛ̀ɛ́ laalan yɛ sɔɛi naa n co yondaa-e?»

Esai 41:2

Nɛ̀ɛ́-nɛ̀ soli yɛ vana cindaa co kɔlan kɔɔli a ba paalen le can-ndo-o? Nɛ̀ɛ́-nɛ̀ mal lɛ vanaa-mangalaa-isɔɔa ndu o ba mó kɛsi ndu masaa o labɛngunin? Mɔɛi ndɔɛi cɔwve co vannda cuiyo ndu laci maa cundu, kpaasiaa ndɔɔ co nda saŋɔɔ mɛɛ hoeiye saŋ foeende nuaa yɛ.

1Piɛr 4:17

Kani o telen kon, yamɛi kandunnin kiolɔnndo a Cɛi-Hala-o o kɔɔ. Nduyɛ, te yamɛi kandun pɛ a naa, vɛ̀ɛ̀ mɛɛlula vanaa cɛl sɔɛi Hala-e le-a va yɛnin?

Hebreea 11:33

Laalanndo yɔŋ ni mí vanaa kan a nɔla masɛi, má tosa dɛnɛ sandaa, má sɔla ɲɛm Hala ndóò dimul nda-on, má kinda yàlàá sondolan.

Rɔmnda 6:17

Kɛ kɛɛmasɔlan Hala le, la va cɛa hakia, kɛ mí la bii sɔɛi a kɔlta niaalan kpow, sɔɛi pɛɛku niaa sɔla-o pɛɛn.

Esekiɛl 36:24

I faŋanin niaa vanaa-mangalaa-isɔɔa tɛɛn, mì soli niaa o lɛŋnden kpow nin, mì mingi niaa cuungiaa o lɛŋnde niaalen nin.

Esai 51:2

La yiyan-ndɔ a Abraham fuɲa niaa o kɔɔ, la loonun-ndɔ a Sara velu niaa-o o kɔɔ, kani telen Abraham va ndu pilɛ-o ya veelu ndu ni. O kon kɔɔli, mí dɔaw ndu duaa, mí tosa mó kui.

Yosue 24:3

Mí faŋa Abraham fuɲa niaa mama nɛɛ o va icali peo leeloo-a, mí yaa ndu o lɛŋnde Kanaan-nden nin, mí keeliaa ndu lenin kpow, mí soli cuawva sɛ́lɛ́ bɛndoo ndu o ipulu, mí yɔngu ndu Isaak.

Tɔŋ miingua 9:5

O co le kela niaa kɛndɛ le, o co vɛlɛ le dɛnɛ niaa sandaa le niaa co lakɔ lɛŋnde len sɔla le. Kɛ a toɲa, le tùú vanaa-mangalaa-isɔaa kan a laasian o yɔŋ vɔɔndo nin-ndo Mɛlɛka Hala niaa hialunin lɛŋnden nda o ba mò yɔngu niaa len ni. Handɔɔ o kon coo, o co niaa len ke le kpema o yiilu fuɲaa niaa mamaa Abraham, Isaak a Yakɔb-o peeloo.

O Kandɔɔ 26:3

Cal o lɛŋnde len nin. I vanin nɔm ikɛi mì dɔw nɔm duaa. Kani nɔm a cuavaa nɔmaa imamaa ya yɔngunin tàndàlan ndan kpow ni. Lende ya peelunin kpema ya cuel Abraham fuɲa nɔm-ndo ni.

O Kandɔɔ 17:8

Lɛŋnde n co len icali nin o sumialle len, lɛŋnde Kanaan-nden pɛɛn, i co nɔm len yɔngu niaa cuavaa nɔmaa imamaa mì le va lɛŋnde niaa le fɛɛn a fɛɛn. I vanin vɛlɛ Hala cuavaa nɔmaa imamaa.»

O Kandɔɔ 15:5

O kon mí Mɛlɛka soli ndu o cɛi-kola-toandaa ndɔɔ nin, mó dimul ndu aa: «Taa nɔla pɛ, mɛɛndan-ndɔ loeon o halataala ma cɔm mun. Nuaa cuavaa nɔmaa imamaa vanin sɛ́lɔ́ɔ́ ni.»

1Piɛr 3:1

Niaa vanlaandua bɛɛ, vana-vana tuisin pɔnɔ ndɔ o labɛngunin, o kon hali mì a pum o nda tɛɛn a laalan sɔɛi Hala-e le, mà sɔlan le kela laandua ndaa, o ve a isɔɔ le,

Hebreea 5:9

Nduyɛ, mó peelun o dɛnndan kpow nin. Sunsun, vana-vana bii pɛ sɔɛi ndɔɛi, o ke ndu cinda fɛɛn-fɛɛndo.

2Korɛntea 10:5

N co yiyannda lacòòvalan a sɔɔn yongan kɛ́-kɛ̀ n co dɛnɛ sinaa Hala-o simullo tɛɛmbuuo, mì n va kɔltan kpow mingio nɛɛ pilɛ le diom Krista-o biyɔɔ.

Rɔmnda 1:5

O ndu kɔɔli naa n sɔla kɛndɛi ni, mí n siŋnun kiilaa le vanaa-mangalaa-isɔɔa kpow sɔɛi ndɔɛi dimullo haliko ma cɛl ndi, mà laalan.

O Kandɔɔ 11:31

Mí Tera cua Abram po ndɔ, a Lɔt po ndɔ mama, po Haran-ndo pɛɛn, mó cua vɛlɛ Sarai lanɔɔ Abram po ndɔ, mó faŋan Ur o lɛŋnde Babilonii len nin, mó kɔa a nda o lɛŋnde Kanaan-nden nin. Mɛɛ nda tiiya Haran ciee, má cal lon.

O Kandɔɔ 12:5

Mó cua Sarai laa ndɔ a Lɔt po pɔmbɔ ndɔ-o, má kɔa a ɲɛ-ɲɛ sɔlaa va nda o ba, má kɔa vɛlɛ a cɛa ndáà pendu Haran-nda. Mɛɛ nda tiiya o lɛŋnde Kanaan-nden nin,

O Kandɔɔ 20:13

Tuma Hala faŋa ya o yungu fuɲa nuu nin mí can kelaa o lɛŋnde nin-ndo, mí dimul laa ni kalaa maa fonda oo fonda naa n tiiya pɛ, o yiyan ya coo mò dimul vanaa naa n komalnin lon-nda maa yema ndɔ ya co ni.»

Kundalan 10:30

Mí Hobab mulul ndu aa: «I co lakɔ le. O lɛŋnde nilen nin a o calta nilan ya co muungu ni.»

Matie 2:21

Mí Yosɛf can, mó cua poombɔɔ a kala ndɔ, má muungu o lɛŋnde Israɛl-ten nin.