Hebreea 11:7 - BII BILA

⁷ Le laalan Noe ndóò nɔ-o, mí Hala cɔm ndu dɛnnda vanaa ci vɔ le lan. Mí Noe luɛi sɔɛi Hala-e yii, mó toosiaa dɛ̀ndɛ̀ mamɛn bɛndoo le yungu ndɔɔ ciindiaa. Le hee, mí Noe cɔm maa dɛnnda vanndacieea o ceendo coo la niŋ te. O kon mí Hala ca ndu vana sandaa le laalan ndɔɔ.

Hebreea 11:7 Referans Kwoze

O Kandɔɔ 6:13

O kon, mó dimul Noe aa: «I cii kiolɔɔ o kɔl nuu nin le vanndacieea ciiyo o ceendo coo. Kani a cii ceendo tɛɛmbuu a kɔlvesɛiyo. I co nda cii mì faŋa nda o ceendo coo.

1Piɛr 3:20

Kɔlta tosa lɔ́ɔ́ kon nila kalulan-ndan, telen biuvɔn Hala-o va vɔ hiovɔɔ laci-o, o palɛi Noe va dɛ̀ndɛ̀ bɛndu vanaa bɔɔ luei lenin too siɔlɔɔ-e bɛngu. Vanaa ŋɔmaa kpé a sɔla cindaa o mɛmma man nin ni.

Esekiɛl 14:14

te vanaa yáá-a ha: Noe, Daniɛl a Yɔb a va pɛ nda tɛɛn, nda pila kínɛí baŋanin yoomula ndalan le dɛnɛ nda sandaa ni. Ya Maalii, ya co Mɛlɛka-o soo nuaa ni.

Rɔmnda 4:13

Mí Hala yiilu Abraham a cuavaa ndɔa imamaa kpemaa, maa a sɔlanin ceendo kɛ́ɔ. O ve le mɛɛ o va tɔŋndo biyɔɔ yɛ le, kɛ le tùú ndóò ce ndu vana sandaa le laalan ndɔɔ-o o yiilu ndu kpema kon ni.

Luke 17:26

Ɲɛ yɔŋnun o palɛi Noe-e-o, ndu yɔŋnunnin vɛlɛ o palɛi Po vanacieo ni.

Filipea 3:9

o kon mí siŋnun vana sandaa o ndu nin, kɛ o ve sandii fula ya pila nin le tɔŋnda ya bii lan te, kɛ sandii vana sɔla o Krista laalanndo-e. Sandii fula Hala o ba, mì i nɔ tumndo o laalanndo coo-e.

Kalatea 5:5

Naa yɛ, n laalan maa siŋnunnin vanaa sandaa o balika Hala Kɔl-Diandaa bɛngu, ken naa n co cumndo a tiindanndo ni.

Esekiɛl 14:20

hali vanaa yáá-aa kan: Noe, Daniɛl a Yɔb a va bɛɛ o lɛŋnde len nin, i co yoomu! Ya Maalii mɛnan nuaa ni, ya Mɛlɛka pɛɛn, a nɔlanin poaa ndaa te kon te cuavaa ndaa laandua baŋa le. Kɛ nda pila baŋanin yoomula ndalan le dɛnɛ nda sandaa ni.

Hebreea 5:7

Telen Krista va o ceendo coo-o, o va caŋndo kpélén a mɛmɛan tuisio Hala ndóò nɔla ndu baŋaa piɔ́mndo o ba-o o lani, mí Hala tuɛi ndu diom le tùú o lo o lediom coo-o.

Rɔmnda 3:22

Hala ke vanndacieea kpow dɛnɛ sandaa ndɔɔ le laalan nda laalan Yeesu Krista-o, hɛli co le.

Rɔmnda 1:17

Kani Yoongu kɛndɛ kon cɔm maa Hala siinguu vanndacieea vanaa sandaa le laalanndo. Nduyɛ laalan kon tiw. Maa mɛɛ o sɛvan yɛ aa: «Vana sandaa vanin yoomu le laalan ndɔɔ.»

Matie 3:7

Nsaŋ ndóò cɔu maa Faliisia a Sadusea co hunɔɔ taw le yinɔɔ sɔlaa, mó dimul nda aa: «Niaa cuavaa hɔ̀ɔ̀lɔ́a ha! Nɛ̀ɛ́-nɛ̀ dimul-lɛ niaa le kɔltuw Hala co nin hoo kpɛɛlun-ndo ɲaanɔnndo?

Talelan 27:12

Vana taasio ce pɛ dɛnɛ palaa hunɔɔ, o vennun. Kɛ vanaa bii dɛnɛ bila le-a nda kɔnndan tuŋ, sanga fula pɛ o tol nda coo.

O Kandɔɔ 7:23

Nuaa Hala cii ɲaa yoomaa va o lɛŋnden coo-a ni, kandɔɔ a vanndacieea, visia, visia pɔmbɔa kela lɛŋ-nda, kɔ bii a yowva, mí ɲɛ-ɲɛ basun o ceendo coo selemenden. Fɔ Noe a ɲɛ-ɲɛ va ndu ikɛi o dɛ̀ndɔ̀ɔ́ nin a lo yoomu ni.

2Piɛr 3:6

O mɛmma bɛnduma man nin ceen tasoo tambu ni.

2Piɛr 2:5

O mɛi ceen paandoo lon lende le, kɛ mó cuu mɛmma bɛnduan o ceen vanaa ndáà síná Hala le-a coo, fɔ Noe va diom Hala-o yondaa-o kínɛí o kanda ni a vanaa celen nda ŋɔmmɛw.

2Piɛr 1:1

Ya Simɔn Piɛr, vana baalaa a kiila Yeesu Krista-o ni. Ya co vanaa sɔla laalan sɔvɛɔ maa naa o dɛnɛ cindaa Hala naa nda Vana naa ciindiaa Yeesu Krista nin-ndo-a sɛvallo ni.

Hebreea 11:1

Laalanndo co sinaa ni maa ɲɛm vana kɛsi kɔllo coo-on toɲaa lekɛ́ndɛi n co ni, nduyɛ maa vana co mun sɔla. Seile ɲɛm vana co cɔ a lehɔl te-on o co ni.

Rɔmnda 10:6

Kɛ sandii fula o laalanndo nin-nde ndi dimi aa: «Dimin o kɔl nin te aa: ‹Nɛ̀ɛ́ hel-lɛnin o halataala?› Le kɔlan Krista tuisio lɛŋ nanu co kon ni.»

Rɔmnda 4:11

Tooma Abraham dii-o, tɔɔmasele dɛnɛ sandaa o yɔŋnun le ndu ni. Ndóò dii-yɔ bɛɛ tooma kon te, mó sɔla dío le laalanndo. Lelan o co vɛlɛ fuɲaa vanaa laalannda kpow ni, hali a dii tooma le-a, haliko mi Hala cɛl nda maa vanaa sandaa.

Matie 24:38

Kani lɔ́ɔ́ pá mí kpundɛ mamɛnndo tosan, vanndacieea va dioo a kolɔɔ, a va nɔlan yiiyo, a va cuavaa ndaa laandua kɛsio o nɔlan, a va laandua yilɔɔ le poaa ndaa háá paale Noe luɛi o dɛ̀ndɔ̀ɔ́ nin-nden.

Matie 24:25

I cii niaa ndi dimul ei!

O Kandɔɔ 19:14

Le hee, mí Lɔt fula, mó kɔa o piaandaa cuavaa ndɔa lo, mó dimul nda aa: «La cɔn mì n faŋan nanu, kani Mɛlɛka kɔngɔlan le kobio ho tɛɛmbuuo.» Kɛ mí lefua ndɔa kan ca sɔɛi ken maa sɔɛi lamamɔɔ.

O Kandɔɔ 7:5

Mí Noe tosa ɲɛ-ɲɛ Mɛlɛka dimul ndu le tosaa.

O Kandɔɔ 6:9

Polale Noe len le yɔŋnun nden ni, ndóò velu poaa nda yáá: Sɛm, Ham a Yafɛt. Vana sandaa a vana diandaa Noe yɔŋnun vanndacieea tɛɛn o paale ndɔlen ni, o va kelaa o nɛi Hala-o coo.

Rɔmnda 9:30

Vɛɛ naa n liima yɛ niko sɔɛi he? Vanaa ve dí nuwviaa le-a sɔla dío, di sɔlan a laalanndo-o.

Talelan 22:3

Vana taasio ce pɛ dɛnɛ palaa hunɔɔ, o vennun. Kɛ vanaa bii dɛnɛ bila le-a nda kɔnndan tuŋ, sanga fula pɛ o tol nda coo.

Matie 24:15

«Tuma niaa canin mì dɛnɛ nɔɔlɛi tɛɛmbua bɛndoo, ò Daniɛl vana-tɛɛngaa-diom Hala-o dimi sɔɛi ndɔɛi-yo, kɛsin o fonda diandaa-o, (vana co sɛbɔɔ ho dimio-o bɛnda mò bii bila),

O Kandɔɔ 8:16

«Fula o dɛ̀ndɔ̀ɔ́ nin a laa nɔm, a poaa nɔmnda a á laandaa ndaa.

O Kandɔɔ 6:22

Mí Noe tosa lende, ɲɛ-ɲɛ Hala dimul ndu le tosaa, mó tosa kpafii.

Esekiɛl 33:5

Kani o tuei diom buloo, kɛ o saalan sɔɛi ken te, lelan mɛɛ ndu pila cii yoomu ndɔɔ ni. Kɛ vana tuei pɛ yoongu kon, mò cɛwcɛw milin ndɔɔ, mɛɛ ndu baŋa yoomu ndɔɔ.

Matie 2:12

O kon kɔɔli, mí Hala dimul nda o lɔma sɔlaan nin maa a muungu lɛ Herɔde o ibuŋ te. Le hee, má keinun a nɛi celen, má muungun o lɛŋnde ndalen nin.

Hebreea 8:5

Vanaa-solia-lasálàà kan co vali kon tosaa o Cɛi-Hala-o nin. Kɛ vali nda co kon tosaa-o co macoaa maa vundule ɲɛ co tosanndo o halataala-o. Kani hali telen Moise va cɛi-kola-toandaa tangullo-o, mí Hala dimul ndu aa: «Toosiaa ndu ɲɛkɛndɛi mɛɛ ya tuulul nɔm ndu o pembei coo yɛ kpafii.»

Hebreea 12:25

La caa dɛ! La kɛɛ diom vana co sɔɛi o niaa lo-o le. Kani vanaa kɛɛ sɔɛi vana va nda kanalanndo o lɛŋnden coo-o-a helun dɛnɛ palaa ndóò bɛnda le nda delɔɔ coo-o le. Konin te naa, vɛ̀ɛ̀ naa n hialun yɛnin, te n mulul pɛ diom vana fula o halataala le naa kanalanndo-o kɔɔ?

2Masaa 4:5

O kon, mí cua kon faŋan Elise ikɛi, mó muungu. Mó kɔ kindan dioo kɔɔli nda poaa ndɔa. Mí poaa ndɔa kan va ndu kpángàlan yɔngoo, mí ndu pila va cuɛiyan talaa lenin.

SƐBƐ YƆB-O 35:8

Vanndacieea maa nɔm pila kon kɔlvesɛi nɔmndo nɔla ni. Sandii nɔmnde bɛɛ, vanndacieea koni i nɛŋi mako ni.