5 A laalanndo, mí Enɔk hel o halataala, o ci piɔ́mndo le. Vana ci lɛ ndu le, mí Hala heelun ndu ikɛi. Sɛbɛ Hala-o dimi maa lɔ́ɔ́ pá mó hel, Enɔk ndóò hɛnan Hala.
A lo kɔlan a sɔɛi lende, mí yinnden le fula, vanáà ca len ko aa ɲɛ ɲaanan soa nan-ndo ni. Mí soa leyinnda fula, má sɛi Elii nda Elise, mí Elii helnun coocoo o hoeyii felenfelennde nin.
Nduyɛ, te o co a laalanndo le, vana-vana nɔla Hala hɛnan te. Kani, vana va pɛ Hala sɔɔnguuo ikɛi, fɔ mò laalan maa Hala co, maa o salanin vanaa co ndu nuwviaa-a.
Kɛ mɛɛ hɛnan Hala-o co yɛ naa n co sɔɛi lɔ́ɔ́-lɔ́ɔ̀ ni. Kani o handu naa kɔllo coo, mó yɔngu naa Yoongu kɛndɔɔ le niaa tiiyallo. O co hɛnan n'vanndaciee le naa n co nuwviaa le, kɛ hɛnan Hala sínà yiyannda kɔlta naalan-ndo.
Kɛ mí masaa dimul Yerameɛl po ndɔ, Seraya po Asriɛl-lo, a Selemia po Abdeɛl-lo maa a bii Baruk vana sɛvaa nda Yeremi vana-tɛɛngaa-diom Hala-o. Kɛ mí Mɛlɛka vian nda kpíŋ.
Kɛ ɲɛ naa n co taasi dɔvɔɔ-o co ni maa, mí Yeesu ndóò dɔɔnian hiovɔɔ mɛlɛkaa coo le telen bingi, kɛ sunsun, o sɔla biiloo a bɛɛlen le sanga o sanga mó vu-o. Le kɛndɛi Hala-e, mó vu le vanndacieea kpow.