Hebreea 11:10 - BII BILA

¹⁰ Kani Abraham va cumndo le kɔlan o kobi nda caa kila ɲɛkɛndɛi-yo nin, o Hala pila tuu mó tangul-lo.

Hebreea 11:10 Referans Kwoze

Hebreea 13:14

Kani n nɔ calta fɛɛn-fɛɛn o ceendo coo nanu le, ciee bɛndu co naa laci-o naa n co nuwviaa ni.

Filipea 3:20

Le naa, ceen naa bɛndoo co o halataala. Lon Yeesu Krista naa n co cumndo-o fulanin ni, Vana Ciindiaa naa a Maalii naa.

Hebreea 12:22

Kɛ mí la sɔɔnguu o pembei Siɔn a o kobi Hala nɔ yoomoo o ba-o ikɛi, Yerusalɛm co o halataala-o, nɛɛ mɛlɛkaa co sɛ́lɛ́ a cuu cɔm te-a co-a.

2Korɛntea 5:1

Kani n sínà maa te cɛi-kola-toandaa naa n co nin o ceendo ho coo-o tambu pɛ, n nɔ cɛiyo o halataala, o Hala toosiaa le fɛɛn a fɛɛn-ndo, o vanaciee beŋ too.

Hebreea 3:4

Cɛi oo cɛi nɔ vana baŋ ndu-o, nduyɛ, vana cɔw ɲɛ-ɲɛ fee-o co Hala ni.

Nsaŋ 14:2

Fondalan la co taw o Fuɲa nuu lo cɛinin, te ndóò ve toɲa le, i va niaa dimul. Kɛ fondaa ya co lakɔ niaa toosial ni.

Dɛnnda cɔɔmuanndan 21:2

Mí ca kobi diandaa, Yerusalɛm sɛnɛiyo tolɔɔ fulaa o halataala o Hala lo, o va o bɛɛndiaa mɛɛ nda bɛɛndiaa vanalanɔɔ le ndu yɔɔ o nɔu o pɔnɔ ndɔ lo nuaa yɛ.

Hebreea 12:28

Lelan, le mɛɛ naa n sɔlanin masale hiilunnin te len yɛ, n sinàn kɛndɛi mì n melnun Hala balika, mì n tosalan ndu baalaa mɛɛ hɛnan ndɔɔ co yɛ, o siòònde a o ndu vou nin.

Esai 14:32

Yɛɛ nda mulul-lɛnin vanaa lɛŋnden le vem-nda? A mululnin nda aa: Mɛlɛka pila cɔw Siɔn ni aa: vanaa co o sangaa nin o vanaa ndɔa tɛɛn-nda a sɔlanin nɛɛ viannannda lon.

Hebreea 11:16

Kɛ o kpeekpeiyo nin, a lɛŋnde hiow lɛŋnde len naŋɔɔ len o kɔɔ nda va sɔɛi ni, halataala pɛɛn. Lelan siɛmbula bii Hala le ndu veeloo aa Hala ndaa le, kani mó toosial nda kobio.