Hebreea 11:1 - BII BILA

¹ Laalanndo co sinaa ni maa ɲɛm vana kɛsi kɔllo coo-on toɲaa lekɛ́ndɛi n co ni, nduyɛ maa vana co mun sɔla. Seile ɲɛm vana co cɔ a lehɔl te-on o co ni.

Hebreea 11:1 Referans Kwoze

2Korɛntea 5:7

A laalanndo naa n co kelaa ni, o co le ɲɛm naa n co cɔw-von te.

2Korɛntea 4:18

Lelan, o co ɲɛm naa n co mun cɔw-von te naa n co tofa le, kɛ ɲɛm vana ci loon. Kani ɲɛm vana ca-on mun, le telen bingi koni n co ni, kɛ n vana ci loon mun co le lɔ́ɔ́-lɔ́ɔ̀.

Hebreea 11:7

Le laalan Noe ndóò nɔ-o, mí Hala cɔm ndu dɛnnda vanaa ci vɔ le lan. Mí Noe luɛi sɔɛi Hala-e yii, mó toosiaa dɛ̀ndɛ̀ mamɛn bɛndoo le yungu ndɔɔ ciindiaa. Le hee, mí Noe cɔm maa dɛnnda vanndacieea o ceendo coo la niŋ te. O kon mí Hala ca ndu vana sandaa le laalan ndɔɔ.

Hebreea 10:22

Lelan n sɔɔngun Hala ikɛi a laalan naa kpow a á kɔltan diandaa lan, mì pilun dialun naan a mɛmma diandan.

Condii lisai 27:13

Kɛ i laalan maa i canin vanakɛndɛyɛi Mɛlɛka-e o lɛŋnde vanaa yoomaa coo.

Hebreea 11:27

A laalanndo, mí Moise faŋan Esipte, siòòŋii bii ndu le kɔl tambɛi masaa le. Mó sim yili, vanáà ca ko aa Hala vana ci loo o va cɔu ni.

Hebreea 6:12

La vá vanaa dialun vílɛ́i le, kɛ la vá velan vanaa laalaŋaa kindin má lo lecoo-a, a sɔlá ɲɛm Hala yii kpemaa-on kɛ́ɔ-va pɛɛn.

Hebreea 10:39

Naa, n co vanaa muungu a makɔɔ le lou o ɲánndávàà le naa n co le, kɛ vanaa laalan Hala le cindaa sɔlaa-a.

Condii lisai 42:11

Paalan la yomiyomi ya o n'dial, kani niinoo kpɛŋ yaamɔaa nia co ya yeowlan aa: «Kuɛɛ Hala nɔmndo co yɛ?»

1Korɛntea 13:13

Sunsun yɛ niko, ɲɛm yaan mun n co ni: laalanndo, kɔlkɛsiaa a kaolaa, kɛ o hiow lan kpow-vo co kaolaa ni.

Hebreea 11:13

Nda kpede o laalanndo nin nda lo ni má vu. A sɔla ɲɛm Hala dimi le yɔngoo-on te, telen kon vannun ndɔ lándán, kɛ mí ɲɔɔ tosan vanáà ca ko aa ndáà ce nin dɛnnda kalalan o peelɔnndo. Má dimul vannda kpendekele maa mialla a vanaa hiawnannda nda yɔŋnun o lɛŋnden nden coo ni.

Hebreea 3:14

Lelan te n hiow pɛ laci a simndan yili o tiindan naa tasoo nin, háá mi n tiiya o mɛɛlulan, mɛɛ n co va a yiinannda a Krista.

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

2Korɛntea 5:17

Te vanndo va pɛ o Krista nin, vana kon siŋnun vana sɛnɛi. Vanacieeyɛi ndɔɛi paanduei i hiow, vanacieeyɛi sɛnɛiye muungu.

2Piɛr 1:1

Ya Simɔn Piɛr, vana baalaa a kiila Yeesu Krista-o ni. Ya co vanaa sɔla laalan sɔvɛɔ maa naa o dɛnɛ cindaa Hala naa nda Vana naa ciindiaa Yeesu Krista nin-ndo-a sɛvallo ni.

Dɛnnda kiilaa 20:21

I veelu Yuifia a vanaa co N'Yuifi le-a le vulan baŋɔɔ Hala o labɛngunin, a le Maalii naa Yeesu laalanndo.

Tite 1:1

Ya Pol, ya vana baala Hala-o a kiilanɔ Yeesu Krista-o. I sɔla vomɔɔ haliko mi vanaa Hala hɛli-a sɔla laalanndo, mà sina toɲaa mɛɛ o bɛnda o laalanndo nin yɛ,

Hebreea 2:3

Nduyɛ, vɛ̀ɛ̀ naa naa n fula yɛnin o ken nin, te n luei sɔɛi cinda bɛndoo ho yii le? Maalii pila kandu sɔɛi ndɔɛi dimio ni, o kon kɔɔli, mí vanaa tuei sɔɛi cinda kon-nda peelul naa diomnde len.

2Korɛntea 11:17

Ɲɛ ya co hoo dimio-o, o co Mɛlɛka le vem ya ndu dimi le, kɛ o diɔmii nii nin ya co kuundianndo nuaa ni.

2Korɛntea 9:4

Te vanaa fula Maseduan-nda liila pɛ naa, mà kɔ komal niaa a bɛɛndiannda le, mɛɛ siɛmbulan la biinin naa taw le laalan naa n laalan niaa-o, vana cɔm ndɛnin siɛmbula biinin niaa pila lan te.

Hebreea 3:6

Kɛ sunsun, Krista yɔŋnun po tosa vallo o sandei nin-ndo, ndu co Cɛi-Hala-o bollen ni. Te n lo pɛ kɔllo kɛsio o laalan naa n tiindan-ndo coo, mɛɛ naa n co cɛi ndɔ kon ni.