Hebreea 10:5 - BII BILA

⁵ Lelan telen Krista va luɛyɔɔ o ceendo nin-ndo, mó dimul Hala aa: «A yeema lasálà le, a yeema ɲɛm-kéa le, kɛ má toosiaa ya kɔɔlen.

Hebreea 10:5 Referans Kwoze

Esai 1:11

Mɛlɛka ɲuna aa: ‹Kpeku yɛɛ nɛ ya nɔ yɛ a sálàla niaa co lan soli bɛndoo lan? Sálàla loamaala niaa co solio a saa kóndóa lan la fula ya iyeema few-few, I sanga nin a visin macuɛin navaa téndéa. I yeema lɛ kooma navaa tovaa, kooma saa téndéa a kooma cuinaa toovia le.

Esai 7:14

Lelan, Maalii pila co niaa tɔɔmaseloo yɔngu: la tuei-yɔ, cuaambɔ laandoo cuanin folio, mò velu hɔ́ɔ́ piaandoo, ma ke ndu diolan aa Emmanuɛl.

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

Hebreea 1:6

O kon kɔɔli, telen o cuu po ndɔ tasoo o ceendo coo-o, mó dimi aa: «Mɛlɛkaa Hala-a kpow a bɛnda mà biilu ndu.»

Hebreea 10:7

O kon mí dimi aa: ‹Ya pila co hunɔɔ o nɔm ndo ni, mì tosa hɛnan nɔmndo, maa mɛɛ o co o sɛvaa a ya o kɔɔ o sɛbɛ diandaa nin yɛ.›»

Hebreea 2:14

Le tùú cuavaa kan a co cuavaa n'falua a cuavaa kooma vanacieo-vo, mí Yeesu bɛɛ siŋnun maa nda, mó cua dialun ivanacieeyan. O kon mó pial ɲina vɔɔn nɔ kpaaya piɔ́mndo o ba-o o piɔ́m ndɔɔ nin.

Hebreea 10:10

Yeesu Krista tosa hɛnan Hala-o, mí ndu pila yɔngun lepilɛ kpé, ken tosa ni mí n sɔla baŋaa a hakio.

Kalatea 4:4

Kɛ telenndo tiiyaa, mí Hala viam Po ndɔɔ, o vanalanɔɔ velu-o, o velun o tɔŋndo bɛngu-o,

2Nsaŋ 1:7

Vanaa luei vannda o pɔwlan nin-nda kui o ceendo coo taw, a kɛɛ le sɔlɔlanndo maa o falon nin Yeesu Krista hin lekɛ́ndɛi ni. Nduyɛ vanaa vaa lende a co vannda malɔɔ o pɔwlan nin ni, yaamɔa-Krista-a nda co ni.

Hebreea 8:3

Vana-vana nda suili pɛ bolle vanaa-solia-lasálàá, baala ndɔɔ co ɲɛm-kéan yɔngoo a sálàlan solio ni. Lelan, o naa bɛɛ bɛnda mò nɔ ɲɛ o soli sálàá-o.

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

Luke 1:35

Mí mɛlɛkanɔɔ mulul ndu aa: «Hala Kɔl-Diandaa hunnin nɔm coo, mì kpaaya Ó-Hiow-Ɲɔɔn-Kpow-vo kuumbun nɔm coo maa levundu. Lelan, o diandaa n vialunin-ndo sɔlanin veeloo aa Po Hala-o.

Yeremi 6:20

Kpeku yɛɛ ya nɔ yɛ a ansan co fulaa Saba-o, te kon te a ɲɛm cun kɛndɛn fula o lɛŋii celen nin pɔ́-pɔ́-on? Sálàla loamaala niaalan la hɛnan ya le, sálàla niaalan la nɛŋi ya kɔl te.»

Matie 11:3

«Mò va maa nɔm co vana naa n tuei tɔ́ɔ́ le hunɔɔ-o ni, baa o bɛnda mì n cum vana celen?»

Yeremi 31:22

Háá telen kuɛɛ n lo yɛnin balɔɔ nɛɛ-nɛɛ ka, nɔm cuaambɔ laandu lanila kaloo ho? Kani Mɛlɛka soli dɛnɛ sɛnɛiyo o lɛŋnden coo, vanalanɔɔ co nin kela vanapɔnɔɔ ni.

O Kandɔɔ 3:15

I lueinin vɔvanndo niaa tɛɛn niaa vanalanɔɔ, vɔvanndo vanin cuavaa ndɔa a cuavaa nɔmnda tɛɛn. Po vanalanɔɔ pialnin nɔm bollen, mì nɔm lɔva ndu bɛngu tííndííyo.»

Luke 7:19

mó viam nda o Maalii lo le ndu ɲunaa aa: «Vɛ̀ɛ̀ nɔm co vana naa n tuei tɔ́ɔ́ le hunɔɔ-o ni baa o bɛnda mì n cum o celen?»

Esai 40:16

Yɔmnde Liban tiw le yinnden ciŋaa le, visia co lon-nda bɛɛ tiw le sálà loamaa solio le.

Hebreea 5:7

Telen Krista va o ceendo coo-o, o va caŋndo kpélén a mɛmɛan tuisio Hala ndóò nɔla ndu baŋaa piɔ́mndo o ba-o o lani, mí Hala tuɛi ndu diom le tùú o lo o lediom coo-o.

Hebreea 10:8

Mí Krista dimi fɔlɔn aa: «A yeema lasálà le, a yeema ɲɛm-kéa le, a yeema cɔlua nda loam o fonda-loamaa-lasálàá coo-a le, a yeema sálàla malaa lahakilan te, la hɛnan nɔm te.»