Hebreea 10:25 - BII BILA

²⁵ N málnùn cuungiannda naalan mɛɛ vannda pum tosa yɛ le. Kɛ n hiownun laci a siilianndo vellaa-velle mɛɛ niaa co cɔu paale Maalii len sɔɔnguuo yɛ.

Hebreea 10:25 Referans Kwoze

Dɛnnda kiilaa 2:42

A va kelaa o pɛɛkula kiilaa va nda yɔngoo lan coo, a va vɛlɛ diom pilɛ. A va dioo nɛɛ pilɛ má va Hala piɛiyo latulu.

Matie 18:20

Kani nɛɛ vanaa ŋiɔn, te kon te vanaa yaa cuungian pɛ o diola nilan, i co nda tɛɛn.»

1Tesalonikea 5:11

Lelan, la lueinan yoomuan mì la va kɔltan kennanndo vellaa-velle mɛɛ niaa co tosaa sunsun yɛ.

Hebreea 3:13

Hau-hau, Hala co hiovɔɔ laci a sɔɛi o niaa lo. Lelan, la va lɔ́ɔ́-lɔ́ɔ̀ yoomuan lueinanndo vellaa-velle telen o co vɔ sɔɛi-yo. Haliko haki luei niaa o lapɔw nin te, vana kindi vɛlɛ lani o niaa tɛɛn mò kɛɛ le sɔɛi biyɔɔ le.

Hebreea 10:24

N nɔnnan hɔlten kɔɔli vellaa-velle, haliko mi n lueinan yoomuan le kaolaa cɔmanndo a le dɛnnda kɛndɛlan tosaa.

1Korɛntea 5:4

Nduyɛ, lɔ́ɔ́ niaa cuungiaanin o diola Maalii naa Yeesu lan-ndo, i vanin niaa tɛɛn o kɔllo nin, kpaaya Maalii Yeesu-o cɔmnunnin niaa tɛɛn.

1Tesalonikea 4:18

Lelan, la vá yoomuan lueinanndo vellaa-velle a diomndan ndan.

Dɛnnda kiilaa 2:1

Paale kafo koavaa lee tiiyaa, mí vanaa laalannda kpow a cuungian nɛɛ pilɛ.

Dɛnnda kiilaa 20:7

O paale tasele lɔ́ɔ́ coo, mí n bɔɔŋian le ɲɛdiaa dioo, mí Pol va sɔɛi o vannda lo. Ndóò yeema le hiovɔɔ diimandɔɔ, mó lo pɛɛkoo háá di-tɛɛndo.

1Korɛntea 14:3

Kɛ vana-vana tɛɛngul pɛ vanndacieea diom Hala-o, ndu hivi nda laci o laalanndo nin, o luei nda yoomuan, o ɲɔɔlu nda.

Rɔmnda 12:8

Vana nɔ vallo le vannda yoomuan lueiyo-o, ndu luei vannda yoomuan. Vana nɔ vallo le kɛndɛi tosaa-o, ndu tosa kɛndɛi. Vana nɔ vllo le vannda simndan lacio, ndu tosa baala kon a dialun fulan, mì vana nɔ vallo le vannda ɲííye tuinɔnndo-o ndu tuinun vannda iɲíí a kɔlkɛndɔɔ.

Filipea 4:5

Màá vannda kpow a sínà vanakɛndɛyɛi niɛi. Maalii co nin le hunɔ̀ɔ̀.

2Piɛr 3:9

Mɛlɛka tamala le sɔɛi o dimi-e peeloo maa mɛɛ vanaa pum a yiyan yɛ le. Biuvɔnndo o biwnun niaa ni, o yeema mì vana pilɛ bɛɛ lo le, kɛ o yeema mì vannda kpow a mangalan.

Nsaki 5:8

Niaa bɛɛ, la biwnun, la kɛsi kɔlta niaalan, kani hunɔɔ Maalii-o co nin kpɛɛlun.

1Korɛntea 14:23

Te o va pɛ mì vanaa laalannda kpow a cuungian o fonda pilɔɔ, mì nda kpede a va sɔɛi o sɔɔn mangalan celen nin, mì vanaa bii dɛnɛ kon bila le-a te kon te vanaa co vanaa laalan te-a hin, vɛ̀ɛ̀ a diminin te maa la seema?

Yude 1:19

Ɛ̀ɛ̀ nda co kan ni, vanaa puusiaa vannda-a, vanndacieea n'falua nɔ Kɔl Hala le-a.

2Piɛr 3:14

Lelan caaŋaa nia, o cum kon nin, la kindikindin mo komal niaa o bɛndaa nin a ndu, o va a sɔŋ te, o va a isɔw le.

1Piɛr 4:7

Mɛɛlula ɲɛ-ɲɛ la co nin kpɛɛlun. Lelan, la kiondu kɔltan mì la va lahɔl le piɛilen.

2Piɛr 3:11

Le mɛɛ dɛnnda lan kpow la hun tosannin lende yɛ, mɛɛ la sina niko mɛɛ niaa bɛnda le tosaa yɛ! Mɛɛ mì kela niaa va o diandaa, mì la yiinun a Hala.

1Korɛntea 11:20

Te la cuungian pɛ, vɛ̀ɛ̀ o co ɲɛdiaa Maalii-o le niaa dia dio kon te?

1Korɛntea 3:13

Kɛ dɛnnda vana-vana la fulanin ceen o paale yamɛi kiolunin-nden. Kani paale len, Mɛlɛka cɔɔmunin-ndan mì la fula ceen mɛɛ yinnden le dindi ɲɔɔ nuaa yɛ.

Dɛnnda kiilaa 16:16

Paale pilɛ, n va kɔlan nɛɛ nda piɛi Hala-a, mí cɛ laandoo pum hun le naa bɔŋaa. Ɲina vɔɔndo pum va ndu nin, ɲina kon va tosaa ni mó va sɔɔn siɔdii laci-on dimio. Nduyɛ, vanaa ndɔa bɛndua va volion sɔlaa taw a sɔɔn siɔdii laci o va mun dimio-on.

Matie 10:15

Mì dimul niaa toɲaa, paale kialaa iyamalen, lɛŋnde Sodɔm-nden a lɛŋnde Komɔr len le tiiyanin sangaa sɔlaa maa kobi kon te.»

Nsaŋ 12:48

Vana kɛɛ ya pɛ, mò bii sɔɔn nun te, ndu nɔ vana yaalanin ndu-o, sɔɔn ya pɛɛku vannda-on yaalanin vana kon o paale mɛɛlaalen ni.

Hebreea 10:37

Kani nanu a telen bingi, o le cobe, mì vana bɛnda le hunɔɔ-o hin, o tamalanin bɛɛ le.

Hebreea 13:22

Puapilɛa nia, i co niaa tɛɛlɔn mì la yaŋ nilan ɲɛkɛndɛi o sɔɔn ya sɛval niaa mun le niaa yoomuan lueiyo-on. O co bɛɛ sɔɔn bɔɔ le ya sɛval niaa le.