Hebreea 10:22 - BII BILA

²² Lelan n sɔɔngun Hala ikɛi a laalan naa kpow a á kɔltan diandaa lan, mì pilun dialun naan a mɛmma diandan.

Hebreea 10:22 Referans Kwoze

Esekiɛl 36:25

I fasaŋanin niaa mɛmma diandan coo, o kon mì la dendu. I tɔaanin niaa le dɛnnda nɔɔlɛila niaalan kpow a le piɔmaa niaa kpede.

Nsaŋ 3:5

Mí Yeesu mulul ndu aa: «I co nɔm toɲaa dimul, te vanacieo vilun a mɛnndan, mò velun a Kɔl Hala-o le, o nɔla luɛyɔɔ o masale Hala len nin te.

1Piɛr 3:21

Tuula yinɔɔ co niaa hau ciindiaa-o va kon ni, yinɔɔ kon dindi vana le nɔɔ n'faloo le, kɛ piɛilen o co le Hala yɔngɔnndo fasɛi ni, ndu ciindiaa vana a tendul Yeesu Krista-o o kɔɔ ni.

Efɛsea 5:26

Le kunda vanaa laalannda bɛndaa Hala o hɔl, mó dindi ndu a mɛnndan a á sɔɛi.

1Korɛntea 6:11

Nduyɛ lende vanaa pum niaa tɛɛn a va paandu ni. Kɛ mí la sɔla pulɔɔ diandaa Mɛlɛka-o, mí la sɔla diondɔɔ le hakila niaalan, mí la siŋnun vanaa dɛnɛ sandaa Mɛlɛka-a o diola Maalii Yeesu Krista lan a á Kɔl-Diandaa Hala naa.

Hebreea 7:19

Kani tɔŋ Moise-o tosa dɛnɛ peelan kɛ́-kɛ̀ le. Kɛ mí tiindan hiow naŋɔɔ-o kennun naa, ndu tosá ni mí n sɔɔnguu Hala ikɛi.

2Korɛntea 7:1

Caaŋaa nia ya kaola taw-va, le tùú kpemalan-ndan la co le naa-o, fɔ mì naa pila n dindin le dɛnnda kɛ́-kɛ̀ nɔɔliaa dialun nan a yiyan naa. Mì n peelun dindin naa a siòòŋii Hala-e.

Hebreea 4:16

Lelan n sɔɔngun Hala kaola naa-o o ibuŋ a laalanndo mì n sɔla malɔɔ lahakio, mò tuinun naa iɲíí le naa malaa o telen bɛnda-o.

Hebreea 12:24

Mí la sɔɔnguu Yeesu ikɛi, o co kpema sɛnɛiyo a kooma ndɔma fasaŋan-ndan tɛɛn-ndo, má co sɔɛi hiovɔɔ kooma Abɛl-lan coo-an.

Tite 3:5

mó ciindiaa naa, o ve le dɛnnda sandaala naa pila n tosa lan te, kɛ le ɲíí o tuinun naa-e. Mó ciindiaa naa a kpaaya Hala Kɔl-Diandaa, mó pulu naa pulɔɔ sɛnɛi-yo.

Condii lisai 73:28

Kɛ ya ya, dɛnɛ kɛndɛ nuu, ndu co lou nɔm Hala o ibuŋ ni. Nɔm Maalii, nɔm co Mɛlɛka-o ya tiindan ni, i cɔmnin vannda dɛnnda nɔmndan kpow.

1Piɛr 1:2

Pua nuu Hala cii niaa hɛli mɛɛ o tuu paandu pá-pá yɛ, le tùú niaa sɔla dindio Kɔl-Diandaa o ba le sɔɛi Yeesu Krista-e biyɔɔ, mí la sɔla kooma ndɔan fasaŋiaa le dindio sɔlaa yɛ. Màá kɛndɛi a kɔlɲuloo va le niaa taw-taw!

Efɛsea 3:12

Le mɛɛ naa n yiinun a Krista mì n laalan ndu yɛ, n nɔla mì n sɔɔnguu Hala ikɛi a kɔlkɛsiaa a á tiindanndo.

Nsaki 4:8

La sɔɔnguu Hala ikɛi, ndu bɛɛ sɔɔnguunin niaa ikɛi. La dindi bala niaalan, niaa vanaa lahakia ha! La dindi kɔlta niaalan, niaa vanaa kɔlta tiɔn-tiɔnda ha!

Hebreea 9:19

Mɛɛ mì Moise ndóò dimi fɔlɔn tɔŋndan mɛɛ la co kpede vannda kpow o hɔl. O kon mí ndóò cua kooma navaa téndéa a ma cuinaa toovia, a mɛnndan, mó fasaŋa man o sɛbɛ latɔŋndo coo a vannda kpow coo a lɛvii hisɔp a á kola keese siaŋa vólotótoo.

Matie 3:11

Ya, i co niaa yinɔɔ o mɛnndan nin le cɔmndo maa la mál yɔŋ vɔɔndo mì la mangalan. Kɛ vana co hunɔɔ o ya kɔɔli-o, ndu yinnin niaa a Kɔl-Diandaa a á yinnden ni. Ndu hiow ya kpaayaa, i co bɛɛ o sɔvɛ le ndu samtalan timbio le.

Esekiɛl 16:9

Mí pulu nɔm o mɛnndan nin, mí faaŋiaa kooma va nɔm ma suinan-ndan, mí suu nɔm cuɛiyan.

Yeremi 24:7

I kenin nda sinapɛngoo, mà bii bila maa ya co Mɛlɛka ni. A muungunin ya o ibuŋ a kɔlta ndalan kpow. O kon a vanin vanaa nia, mì ya i va Hala ndaa.

Tɔŋ lasálàá 8:6

Mí Moise veelu Aarɔn nda poaa ndɔa, mó pulu nda a mɛnndan.

Nsaki 1:6

Kɛ o ɲuna ndu a laalanndo, o va a kiisan te, kani vana kiisan pɛ, ndu co macoaa maa tindile mɛmma ihɛlten, le hoeiye co hiiloo a biiŋoo len.

Talelan 23:26

Po nuu sei! Yɔngu ya kɔl nɔmndo, mì ɲɔɔ hɛnan nɔm le kelala nilan mɛɛndanndo.

Condii lisai 119:7

I sangalanin nɔm a kɔl nuu kpede, o tɔŋnda nɔmnda sandaalan pɛɛkoo nin.

Condii lisai 51:10

Tosa mì tuei condun kponyon a condun kɔlkɛndɔn. O kon mì dɔwnun ɲaale, ya vana n yimi hoo paalan-ndo.

Kundalan 8:7

Mɛɛ n bɛnda le nda dindio yɛ co hoo ni: a bɛnda ma fasaŋiaa nda mɛmma dindianndan coo, mì nda pila sendin kɔɔlen kpow a kùisiei, ma tɔɔ volɔɔla ndala cuɛinanndan, o kon, mà siŋnun a diandaa.

Tɔŋ lasálàá 14:7

O cii pɛ, o vesul vana co dindinndo a nàà kon-ndo a man bɛmbɔɔ leŋɔmmɛw, o dimi aa vana diandaa vana kon co ni. O mal yow kiyɛi kon kɔnndan o yondo bɛndoo nin levil pɔ́-pɔ́.

Hebreea 11:28

A laalanndo, mó tosa kafo-hiavaa-coo, mó dimul vannda le koovan suiyo o kèéden lacɛiyon coo. O kon mɛlɛkanɔ piɔ́mndo dii poaa tasea Israɛlla le.

Hebreea 10:19

Le kooma fula Yeesu-an puapilɛa nia, n laalan lekɛ́ndɛi maa n tiw nin ba mì n luɛi o fonda diandaa-diandaa.

Sakari 13:1

«Paale len, mɛnndan ma fulanin o soondo nin le yungu David-o a vanaa vanin Yerusalɛm-nda pulɔɔ le hakio a le dɛnɛ nɔɔlɛiyo.»

Esai 29:13

Maalii dimi aa: «A sɔɛi sondoei daama vannda ha co sɔɔnguuo ya o ibuŋ ni, a n'cɔcɔ daama nda co ya biiloo ni, kɛ kɔlta ndalan la co bɔɔ levil a ya, siòòŋii nda nɔ a ya-e, tɔŋ dɛnɛ ivanacieeyaa daama i co ni.

1Dɛnnda lemasalan 28:9

Nɔm Salomɔn po ni yɛ, sina Hala fuɲa nɔmndo. Tosal ndu baalaa a kɔl nɔmndo a á yoomu nɔmndo kpow, kani ɲɛ co vanacieo o kɔllo nin di-o Mɛlɛka tofa ni. O sina yiyannda vannda kpow. Taa nuwviaa ndu pɛ, o cɔmnunnin nɔm, kɛ taa mulul ndu pɛ kɔɔ, o malnin nɔm le lɔ́ɔ́-lɔ́ɔ̀.

Fulaa 29:4

O kon, a sɔɔnguu Aarɔn nda poaa ndɔa o cɛi-kola-toandaa-labɔɔŋianndo sondoo, a pulu nda a mɛnndan.

Hebreea 9:10

Tanala va le vanndacieea daama lan la va le ɲɛm dian, ɲɛm vana kol-lon a le faleŋun dindiaŋun yɛ́-yɛ́ɔn ni. Tanala lan kpow láà bɛnda háá o telen Hala va dɛnndan yɛlɛma-o.

1Timote 4:2

A delnin vanaa muuluannda a vanaa lacòòvaa kɔɔli, mà laasian. Vanaa kan yɛ, yiyannda ndalan la co maa mɛɛ ciliŋii tuwve i tɛɛmbuu ɲɔɔ nuaa yɛ.

Yeremi 30:21

O nda pila tɛɛn simlacinɔ ndaa fulanin ni. Vana pilɛ o nda tɛɛn vanin nda bollen ni. I cɛlnin mò sɔɔnguu ya ikɛi, kani te o co mì cɛl vana le, nɛ̀ɛ́ tɔɔndan yɛ yoomu ndɔɔ pisio le ya sɔɔnguuo ikɛi? Mɛlɛka dimi lende ni.

Yeremi 3:10

O kon kpow nin, puapilɛ ndɔɔ Yuda lo o lediom coo loo muungu ya o ibuŋ a kɔl ndɔɔ kpow le, huiyo koni o va ya ni.» Ya Mɛlɛka soo nuaa ni.

Esai 52:15

Lende koni o dindinin vanaa-mangalaa-isɔɔa taw o nda vesullo ni. Masaa nɔnin mɛɛ dimia ndu o hɔl te, kani a canin ɲɛ ndóò dimul nda loo, a biinin ɲɛ ndáà tui-yɔ loo bila.

Condii lisai 119:145

Éé Mɛlɛka! I co nɔm piɛiyo a kɔl nuu kpow, mulul-la mì tosa hɛnan nɔmndo.

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Efɛsea 6:5

Niaa cɛa, la bii sɔɔn vanaa niaa bɛndua o lɛŋnden coo, mì la ke nda bɛɛlen, mì la nɔ siòòŋii ndɛi. La bii sɔɔn mun a kɔlta niaalan kpow maa mɛɛ niáà tosal nin Krista baalaa yɛ.

Dɛnnda kiilaa 8:21

A sɔlanin ɲɛ-ɲɛ, te kon te tɔnɔ oo tɔnɔ o sɔɛi he nin te, kani kɔl nɔmndo sendu Hala o hɔl te.

Nsaŋ 8:9

Ndáà tueyɔɔ lende, má muungun a pilɛn-pilɛn, kandɔɔ a kaasonnda. Mí Yeesu lo nda vuɛɛn kon kpé, vuɛɛndo va isisi o lawvo tɛɛn.

Condii lisai 119:80

Màá kɔl nuu biandun o silala nɔmndan nin te, yɔŋii siɛmbulan la tol-la.

Condii lisai 119:69

Vanaa yongaa va ya bɛɛ sɔɔn lacòòvan hɛɛnduuo coo nuaa, ya ya, i co silala nɔmndan biyɔɔ a kɔl nuu kpede.

Condii lisai 119:58

I co nɔm nuwviaa a kɔl nuu kpow, tuinun ya iɲíí mɛɛ n yii kpemaa yɛ.

Condii lisai 119:34

Ke ya kɔlkaloo mì bii tɔŋ nɔmndo, mì bii ndu a kɔl nuu kpow.

Condii lisai 119:10

I co nɔm nuwviaa a kɔl nuu kpede, cɛl mì kpakpala tɔŋnda nɔmndan te.

Condii lisai 119:2

Duaa co le vanaa co silala Mɛlɛka lan biyɔɔ mà va ndu nuwviaa a kɔlta ndalan kpow-va.

Condii lisai 111:1

La lisa Mɛlɛka. I yeema mì biilu Mɛlɛka a kɔl nuu kpow, vanaa dendu kɔltan-nda a vannda tɛɛn.

Condii lisai 94:15

Yamɛi kialunnin vɛlɛ mì toɲaa cennun, vanaa dendu kɔltan-nda kpow delnin toɲa kon kɔɔli.

Condii lisai 84:11

Paalen ten pilɛ tosaa o cɛi nɔmndo nin co fisa a palɛi vàá pilɛ tosaa nɛɛ celen. Éé Hala, o co fisa mì va vana mandaa cɛi nɔmndo a calle o cɛila-kolala-toandaala vanaa yɔŋ vɔɔnda ha nin.

Condii lisai 32:11

Niaa vanaa sandaa, la naŋ kɔl mì la dɔwnun ɲaale o Mɛlɛka nin! Niaa vanaa dendu kɔltan-nda kpow, la yonda mì la dɔwnun ɲaale!

Condii lisai 9:1

Condii David-e, í fula o condun simlacinɔ vanaa n'condua nin-nde. A ɲɛm-caan comulan o condu ndi ni.

1Dɛnnda lemasalan 29:17

Éé Hala nuu! I sina maa o kɔltan nin di n tofa vana ni, a yeema vɛlɛ dɛnɛ sandaa. Nduyɛ, a kɔl ni sandaa ya yɔngu nɔm ɲɛm-kéan mun kpow ni. I co nihau cɔu mɛɛ vanaa nɔmaa co haa nanu-a co nɔm ɲɛm-kéan yɔngoo a ɲaaloo yɛ.

1Dɛnnda lemasalan 12:33

Vanaa fula o polale Isakar len nin-nda ndáà nɔ dɛnɛ sinaa le ɲɛ Israɛlla ndáà bɛnda le tosaa-o, mɛɛ ndáà bɛnda le ndu tosaa yɛ, a telen ndáà bɛnda le ɲɛ kon tosaa-o cɔmndo ni. Vanaa lebolla a vanaa va nda o ba bɛngu-a kpow, a va n'van kɛmɛ lediin (200).

1Masaa 15:3

Mí ndu bɛɛ tuula fuɲa ndɔ, mó tosa hakila fuɲa ndɔ tosa lɔ́ɔ́ kon-ndan. Kɔl ndɔɔ ve Mɛlɛka Hala ndɔɔ coo kpow mɛɛ David fuɲa ndɔ mamaa ndóò yɔngu Mɛlɛka kɔl ndɔɔ kpow yɛ le.

Tɔŋ lasálàá 16:4

O bɛnda vɛlɛ mo cuɛinun doma lebɛngu toosian a kola keesoo-o, mò vownun lɛmbɛla lebɛngula toosian a kola keesoo lan, mò yiinun yáwle toosian a kola keesoo len, mò vownun mɔsil toosian a kola keesoo-o. Mɛɛ volɔɔla lan la co ladiandaalan Mɛlɛka o hɔl-lɛ, o bɛnda fɔlɔn mò pulun malan o vownun ndan.

Luke 1:1

Teofil kɛndɔɔ sei! Vanaa bɔɔ-bɔɔ sɛva dɛnnda yɔŋnun naa tɛɛn-ndan,

Dɛnnda kiilaa 22:16

Yɛɛ nɛ n co yɛ nihau cum? Cɔn ma sɔla yinɔɔ, mà dendu le hakila nɔmndan, mà biilu Hala o diola Maalii lan.»

Hebreea 6:11

Kɛ nduyɛ, o naa n yeema-o co ho ni, mì vana-vana o niaa tɛɛn lo lecoo háá o mɛɛlulan. O kon mí ɲɛ niaa kɛsi kɔllo coo-o tosan.

Hebreea 10:1

Vundule ɲɛm kɛndɛn co laci-on daama tɔŋndo co ni. O yeema mi sálàla pilɛlan la va solinndo vɔsi oo vɔsi, pɛngi ve le. Lelan o tiwba mì vanaa co sɔɔnguuo Hala ikɛi o nɛi kon coo-a a peelun te.