Hebreea 10:11 - BII BILA

¹¹ Vana-solia-lasálà kɛ́-kɛ̀ bɛnda mò sim lepalaa-lepala le vali Hala-o tosaa. Sálàla pilɛlan tuŋ o soli ni, kɛ la tiwba hakilan faŋaa le.

Hebreea 10:11 Referans Kwoze

Hebreea 10:4

Kani kooma navaa tovaa a ma cuinaa toovia ma nɔla hakilan faŋaa le.

Hebreea 5:1

Bolle vanaa-solia-lasálàà kɛ́-kɛ̀ hɛlin pɛ vanndacieea tɛɛn, baala ndɔɔ co le Hala ɲɔɔloo le vanndacieea kan ni. Mò va ɲɛm-kéan a sálàlan yɔngoo le hakilan.

Kundalan 28:3

Ma dimul nda aa sálàla niaa bɛnda le solio mì la lom ndan o yinnden nin le ya Mɛlɛka lan la co lan ni: lepalaa-lepala saa téndéa nɔ vɔsio pilɛ-a, a nɔ lenamta le-a a ŋiɔn. Le fɛɛn a fɛɛn, la bɛnda mì la va ya sálà kon solullo.

Hebreea 7:27

Yeesu ndu co maa vanaa tɔ̀a co bolle vanaa-solia-lasálàá-a le. O hewba le sálàlalan solio lɔ́ɔ́-lɔ́ɔ̀ le hakila ndala nda pila lan a le hakila vanaa celen. Lepilɛ kpé o tosa ken ni, lɔ́ɔ́ ndu pila yɔngun-ndo.

Esai 1:11

Mɛlɛka ɲuna aa: ‹Kpeku yɛɛ nɛ ya nɔ yɛ a sálàla niaa co lan soli bɛndoo lan? Sálàla loamaala niaa co solio a saa kóndóa lan la fula ya iyeema few-few, I sanga nin a visin macuɛin navaa téndéa. I yeema lɛ kooma navaa tovaa, kooma saa téndéa a kooma cuinaa toovia le.

Hebreea 10:1

Vundule ɲɛm kɛndɛn co laci-on daama tɔŋndo co ni. O yeema mi sálàla pilɛlan la va solinndo vɔsi oo vɔsi, pɛngi ve le. Lelan o tiwba mì vanaa co sɔɔnguuo Hala ikɛi o nɛi kon coo-a a peelun te.

Daniɛl 12:11

Kandɔɔ o telen nda kuuna sálàla nda solul Mɛlɛka lepalaa-lepala-o lan-ndo kɔlan biyɔɔ háá a telen nda kɛsi ɲɛ lamàà tɛɛmbua o cɛi-diandaa nin-ndo, palɛi vanin vàá pilɛ kɛmɛ lediin a belaŋɔmahiɔɔlu.

Daniɛl 11:31

O viamnin vanaa cɔwva mà hun nɔɔliaa cɛi-diandaa a kobi nda kunga a kpakio-o. A kuunanin sálà nda solul Mɛlɛka lepalaa-lepala-o, mà hun kɛsi mààla tɛɛmbualan ndon.

Daniɛl 9:27

O lɔ́ɔ́ pilɛ bɛngu, o yiinin kpema kàlà-kálàá a vannda taw. O tɛɛmbuunin sálàla n'cɔlulan a sálàla ɲɛm-vaalan o lɔ́ɔ́ táláá bɛngu. O telen kon bɛngu, o tosanin sɔɔn vɔɔŋun bɛndon háá telen kelun le mɛɛlula ndɔlan-ndo.›»

Daniɛl 9:21

mí Kabriɛl, langbanɔ ya ce o tasendɔ o vundulen nin-ndo toal-la coo púkù-pùkù tuma solia sálà paale delaa.

Daniɛl 8:11

Mó simul bolle kunda mɛlɛkaa cɔwva, mó faŋa sálàla solin lepalaa-lepala lan. Mó nɔɔliaa cɛi-kola-toandaa diandaa.

Esekiɛl 45:4

Fonda-Diandaa cuannunnin o lɛŋnde len nin-ndo vanin kon ni. Fonda kon vanin le vanaa-solia-lasálàá co vallo tosaa o cɛi-kola-toandaa diandaa nin-nda, a co sɔɔnguuo Mɛlɛka ikɛi le vaa o vali ndɔɔ nin-nda, lon cɛila ndalan la vanin ni, fonda solin sálà le cɛi-kola-toandaa diandaa-o vanin kon ni.

Kundalan 29:6

Sálàla lan la handunnin o sálà loamaa solin o paangei kandɔɔ-o a o sálà mamɔi ndɔɔ coo ni. Ndu koni handunnin vɛlɛ o sálà solin lepalaa-lepala-o, o kpeyan sálà kon a o sálà ndɔ mamɔiyo coo ni, maa mɛɛ falennde co le dɛnɛ kon yɛ. Sálàla ŋɔa o yin le ya Mɛlɛka lan la co lan ni, la ya tuɛi cun mì ɲɔɔ hɛnan ya lan.»

Kundalan 28:24

O palɛi ŋɔmmɛvii ken bɛngu, lepalaa-lepala, la bɛnda mì la va sálàá solio a ɲɛm dian mun, mì la va mun lomɔɔ o yin, cun kon ya Mɛlɛka tuɛi ni mì ɲɔɔ hɛnan ya. Ɲɛm mun co va cɔɔloo handɔnndo o sálà loamaa solin lepalaa-lepala-o a o sálà ndɔ mamɔiyo coo ni.

Fulaa 29:36

Lepalaa-lepala, a bɛnda ma soli sálàá le hakio sɔlaa malɔɔ a naw tovaa o pilɛ, ma dindi fonda-loamaa-lasálàá a faleŋun baŋan n vànin tosaa lecoo-on, ma pɔla ndu le ndu dindio le vali Mɛlɛka-o.

Misee 6:6

«A yɛɛ kpeekpei ya fula yɛnin Mɛlɛka o hɔl? A yɛɛ o ba ya baŋ yɛnin vulan Hala co coocoo-o o labɛngunin? Bàà a navaa téndéa nɔ vosio pilɛ-a ya fulanin ndu o hɔl ni le sálàla loamaalan solio?

Hebreea 8:2

O co vali ndɔɔ tosaa o fonda-diandaa nin, o cɛi-kola-toandaa kpeekpeiyo nin, o Mɛlɛka pila kila-o, o vanaciee tosa loo.

Hebreea 8:4

Te o ceendo coo Krista ndóò va ni, ndóò venin bɛɛ vana-solia-lasálà le. Kani vanaa-solia-lasálàá celen co nin, a co ɲɛm-kéan yɔngoo mɛɛ tɔŋ Moise-o co yɛ.