Hebreea 10:1 - BII BILA

¹ Vundule ɲɛm kɛndɛn co laci-on daama tɔŋndo co ni. O yeema mi sálàla pilɛlan la va solinndo vɔsi oo vɔsi, pɛngi ve le. Lelan o tiwba mì vanaa co sɔɔnguuo Hala ikɛi o nɛi kon coo-a a peelun te.

Hebreea 10:1 Referans Kwoze

Hebreea 8:5

Vanaa-solia-lasálàà kan co vali kon tosaa o Cɛi-Hala-o nin. Kɛ vali nda co kon tosaa-o co macoaa maa vundule ɲɛ co tosanndo o halataala-o. Kani hali telen Moise va cɛi-kola-toandaa tangullo-o, mí Hala dimul ndu aa: «Toosiaa ndu ɲɛkɛndɛi mɛɛ ya tuulul nɔm ndu o pembei coo yɛ kpafii.»

Hebreea 9:11

Kɛ Krista ndu hin maa bolle vanaa-solia-lasálà le naa dɛnnda kɛndɛla cuu nin tosan-ndan yɔngoo. Mó luɛi o cɛi-kola-toandaa hiow vaa o bɔɔ-o nin, cɛi kon nɔ isɔw le, o co vanaciee le toosiaa ndu le, o co bɛɛ ɲɛ vaa o ceen naa ho coo le.

Kolɔsea 2:17

mun kpow, vundule ɲɛm co hunɔɔ-on daama le co ni, kɛ o Krista nin sɔɛi kpeekpeiye co ni.

Hebreea 9:23

Lende ɲɛm co o halataala-on kpede n bɛnda le dindinndo ni. Kɛ ɲɛm co o halataala-on nɔ makoo a sálàla hiow naŋɔɔ lan.

Hebreea 9:25

Vɔsi oo vɔsi, mɛɛ mì bolle vanaa-solia-lasálàá ndóò luɛi o fonda diandaa-diandaa nin a kooma ve kooma ndɔ ndu pila le-an. Kɛ Krista luei o halataala le ndu pila sálà solin bɛmbɛ lediin-leyaa le.

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

Hebreea 7:11

O tɔŋ Israɛlla nin, o cuavaa-imamaa Levii-a tɛɛn nda bɛnda le vanaa-solia-lasálàá hɛlio ni. Nduyɛ, te vanaa-solia-lasálàá fula o polale Levii len nin-nda ndáà nɔ isɔw o vali kon tosaa le, vanaa nɔ lɛnin mako a vana-solia-lasálà celen teengen maa Mɛlkisedɛk le.

Hebreea 10:22

Lelan n sɔɔngun Hala ikɛi a laalan naa kpow a á kɔltan diandaa lan, mì pilun dialun naan a mɛmma diandan.

Tɔŋ lasálàá 9:16

Mó solul Mɛlɛka sálà loamaa a cɔlua kan mɛɛ ɲɔɔ ndóò bɛnda le tosanndo yɛ.