Hebreea 1:8 - BII BILA

⁸ Kɛ le po ndɔɔ mó dimi aa: «Àá Hala! Masale nɔmnden le co le lɔ́ɔ́-lɔ́ɔ̀. O sandei nin n co vanaa nɔmnda masalen tosaa coo ni.

Hebreea 1:8 Referans Kwoze

Nsaŋ 10:30

Naa Pua, ɲɔɔ ndu pilɛ kpé naa n co ni.»

Rɔmnda 9:5

A fuɲaa ndaa mamaa yɔŋnun vanaa bɛndua o laalanndo nin-nda, a Krista co ɲɔɔn kpow bollen-ndo fula o polale ndalen coo o falon nin-nda. Màá biiloo va le Hala le fɛɛn a fɛɛn! Amiina!

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

Esai 7:14

Lelan, Maalii pila co niaa tɔɔmaseloo yɔngu: la tuei-yɔ, cuaambɔ laandoo cuanin folio, mò velu hɔ́ɔ́ piaandoo, ma ke ndu diolan aa Emmanuɛl.

Matie 1:23

«Cuaambɔ lembu sina vɔ dɛnɛ vanapɔnɔ loo cuanin folio, mò velu hɔ́ɔ́ piaandoo, mà ke ndu diolan aa Emmanuɛl», kɔlɔ ndɔɔ co ni aa: «Hala co naa ikɛi».

Condii lisai 145:13

Masale nɔmnden le nɔ lamɛɛlu le, sul nɔmndo vanin le fɛɛn a fɛɛn. Mɛlɛka lo o lediom coo-o n co ni, naŋɔɔ nɔmndo co o ɲɛm n cɔwvon nin kpow.

Malasi 3:1

«Má cè ya kiila nuu vomɔɔ! Ndu co ya pemalen bulio laci ni. Maalii niaa co nuwviaa-o co cɔnɔn o lepilɔɔ, mò kɔ luɛi o cɛi ndɔ biilaa nin, kiila niaa co cumndo-o co hunɔɔ kpema nuu yii a niaa. La nua vɔ ndu hunɔɔ! Mɛlɛka-Nɔ-Kpaayaa-Kpow-vo co sɔɛi nuaa ni.

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

1Korɛntea 15:25

Kani mɛɛ mò tosa masalen háá mò nɛw yaamɔaa ndɔa a n'pelu.

Nsaŋ 20:28

Mí Tomas mulul ndu aa: «Maalii nuu a Hala nuu!»

Osee 1:7

Kɛ i lonin Yudaa kaolaa tei, mì ciindiaa nda, ya Mɛlɛka Hala ndaa. O venin a kpaasiaa le, o venin a mɔɛi cɔw le, o venin a cɔw le, o venin a n'so, o venin vɛlɛ a vanaa ɲaanun o soa coo-a le ya ciindiaanin nda.»

2Samiɛl 23:3

Hala Israɛlla soo, pow kpova Israɛlla dimul-la aa: ‹Masa co masalen tosaa vanndacieea coo a sandei-yo, masa co masalen tosaa nda coo a siòòŋii Hala-e-o,

Condii lisai 99:4

Nɔm Masa kpaayaa, nɔm vana kaola sandei-yo. Nɔm soli yamɛi ni, má tosal Yakɔb dɛnɛ sandaa a dɛnɛ kɛndɔɔ.

Tɔŋ miingua 2:37

Kɛ n pilan lɛŋnde poaa Amɔn-nda le, n pilan fonda-fonda o pee pɔmbɔɔ Yabɔk kɔngɔ le, n pilan kobila co o pembon coo lan te. Fondala Mɛlɛka Hala naa dimul naa le mɛiyo lan kpow mí n mɛi lan ndon.»

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.

Nsaŋ 10:33

Mí Yuifia mulul ndu aa: «O co le dɛnɛ le naa n co nɔm viiyo a powtan te, kɛ le sɔɛi tanai n dimi-e, kani a cii siingɔn Hala, nɔm vanacieo!»

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»

Yeremi 38:15

Mí Yeremi mulul Sedekia aa: «Te i dimul nɔm pɛ toɲaa, diyɔɔ n diinin ya ni. Te i yɔngu yɛ nɔm pɛ silaa pum, a biinin ndu le.»

Esai 45:25

Cuavaa-imamaa Israɛl-la kpow sɔlanin dɛnɛ sandaa a bɛɛlen Mɛlɛka o ba.

Condii lisai 72:7

O palɛi ndɔɛi bɛngu, dɛnɛ sandaa puinin. Te paangei co vɔ pɛ, kɔlɲuloo kuinin.

Tɔŋ miingua 7:14

La sɔlanin duaa hiovɔɔ vanaa-mangalaa-isɔaa celen kpow coo. Vanapɔnɔ lɛmbɛ-vílɛ́i venin niaa tɛɛn te, vanalanɔ bɔlɔkɛ venin niaa tɛɛn te, cɔlu bɔlɔkɛ venin o cɔlua niaa tɛɛn te.

2Piɛr 1:11

O kon la sɔlanin dio le luɛyɔɔ o masale fɛɛn-fɛɛnnde Maalii naa a vana naa ciindiaa Yeesu Krista len nin.

Luke 1:75

haliko mi n va vanaa diandaa a vanaa sandaa ndu o hɔl o palɛi naa n co yoomu-e nin kpow.