Hebreea 1:6 - BII BILA

⁶ O kon kɔɔli, telen o cuu po ndɔ tasoo o ceendo coo-o, mó dimi aa: «Mɛlɛkaa Hala-a kpow a bɛnda mà biilu ndu.»

Hebreea 1:6 Referans Kwoze

Kolɔsea 1:18

Ndu co diallon bollen ni, kunda vanaa laalannda pɛɛn. O ndu nin yoomu sɛnɛiyo kandun ni, ndu co Po tasoo ni, vana tase muungu yoomu fulaa vanvílɛ́iya tɛɛn-ndo, haliko mo yɔŋnun vana tasoo o nɛilan kpow coo.

Tɔŋ miingua 32:43

Niaa vanaa-mangalaa-isɔaa, la tem vanaa ndɔa balan a ɲaaloo. Niaa halaa kpow, la baŋ vulan Hala o labɛngunin. Kani Mɛlɛka co màá mingi le vanaa ndɔa baalaa nda diw-va. O tuisin yaamɔaa ndɔa sanga bɛnda a nda-o coo, o salanin vanaa nɔ nɛyɔn ndɔɔ-a. Kɛ o tosa faleŋii dindiannde le lɛŋnde ndɔlen a le vanaa ndɔa ni›».

Condii lisai 97:7

Siɛmbulan la biinin vanaa co piɔmnda sooloo-a kpow, vanaa co lisanndo a halaa fondoa-a pɛɛn. Halaa kan kpow baŋnin vulan Mɛlɛka o labɛngunin.

Kolɔsea 1:15

Yeesu co vundule Hala vana ci le len ni. Ndu co Po tasoo o ɲɛm Hala cɔw-von kpow nin ni,

1Piɛr 3:22

Yeesu hel o halataala mó kɔ cal Hala o ba kɛndɔɔ coo-o pɛɛn, o nɔ̀ mɛlɛkaa, masɛi a kpaayalan kpow ndu o ba bɛngu-o.

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Rɔmnda 8:29

Kani vanaa Hala síná paandu pa-a, nda o toosiaa le siŋnɔnndo maa velan Po ndɔɔ ni, haliko mo va Po tasoo puapilɛa taw tɛɛn.

1Nsaŋ 4:9

Tofa vɔ mɛɛ kaola Hala-o cɔmnun naa yɛ: Hala vem Po ndɔ pilɔɔ o ceendo coo, haliko mi n va yoomu ndu o ba bɛngu.

Nsaŋ 1:18

Vana-vana ci vɔ Hala le, Hala Po pilɔɔ, o co o Fuɲaa nin-ndo, ndu cɔm vana ndu ni.

Hebreea 10:5

Lelan telen Krista va luɛyɔɔ o ceendo nin-ndo, mó dimul Hala aa: «A yeema lasálà le, a yeema ɲɛm-kéa le, kɛ má toosiaa ya kɔɔlen.

Nsaŋ 3:16

Kani Hala kaola ceendo háá mó yɔngu Po ndɔ pilɔɔ, haliko vana-vana laalan ndu pɛ, o kue o ɲánndávàà le, kɛ o sɔla yoomu fɛɛn-fɛɛndo.

Hebreea 1:5

Lepilɛ bɛɛ o dimul mɛlɛkanɔ kɛ́-kɛ̀ le aa: «Nɔm co po nuu ni, kandɔɔ hau, i siŋnun Fuɲa nɔm.» Nduyɛ, lepilɛ bɛɛ vɛlɛ o dimul lɔ mɛlɛkanɔɔ pum te aa: «Ya co va fuɲaa le nɔm ni, mì nɔm va po nuu.»

Matie 24:14

Yoongu kɛndɛ soo a masale Hala len o kɔɔ-o yondannin o ceendo coo kpow, haliko mi ken i va seilen le vanaa-mangalaa-isɔɔa súúlan kpow. O kon kɔɔli, mɛɛlulan la tiiya.»