Hebreea 1:5 - BII BILA

⁵ Lepilɛ bɛɛ o dimul mɛlɛkanɔ kɛ́-kɛ̀ le aa: «Nɔm co po nuu ni, kandɔɔ hau, i siŋnun Fuɲa nɔm.» Nduyɛ, lepilɛ bɛɛ vɛlɛ o dimul lɔ mɛlɛkanɔɔ pum te aa: «Ya co va fuɲaa le nɔm ni, mì nɔm va po nuu.»

Hebreea 1:5 Referans Kwoze

Condii lisai 2:7

I yondanin sɔɛi Mɛlɛka kelu-e kpélén. O dimul-la aa: «Nɔm co po nuu ni. Kandɔɔ hau, ya co fuɲa nɔm ni.

Dɛnnda kiilaa 13:33

o cii ndu peelu le naa a mingi o mingi Yeesu yoomu fulaa vanvílɛ́iya tɛɛn-ndo, naa cuavaa ndaa imamaa pɛɛn, maa mɛɛ o co o sɛvaa o Sɛbɛ condii lisɛi nin bolle ndii ŋiin yɛ aa: ‹Nɔm co po nuu ni! Kandɔɔ hau, ya co fuɲa nɔm ni.›

Hebreea 5:5

Krista bɛɛ, o co ndu pila le kennun bɛɛle len le siŋnɔnndo bolle vanaa-solia-lasálàá le, Hala o ba o sɔla dí kon ni, mó dimul ndu aa: «Nɔm co po nuu ni, kandɔɔ hau, i siŋnun Fuɲa nɔm.»

2Samiɛl 7:14

Ya pila vanin fuɲa ndɔ ni, mì ndu va po nuu. Te o hun pɔw pɛ, i bandìlanin ndu mɛɛ vanndacieea bandìla vana nuaa yɛ. Te o tɛɛmbuu pɛ, i koŋ ndu mɛɛ vanndacieea koaŋ vana nuaa yɛ.

1Dɛnnda lemasalan 17:13

I vanin fuɲa ndɔ, mì ndu va po nuu. I faŋanin ndu kɔllo coo mɛɛ yáà faŋa masa va nɔm laci-o kɔllo coo yɛ le.

1Dɛnnda lemasalan 22:10

Ndu tangulnin cɛiyo le diola Mɛlɛka lan ni. O vanin poo le ndu Mɛlɛka, mì ndu Mɛlɛka va fuɲaa le ndu. O kenin masale ndɔlen kpaayaa o lɛŋnde Israɛl-ten nin le lɔ́ɔ́-lɔ́ɔ̀.

1Dɛnnda lemasalan 28:6

Mó dimul-la aa: ‹Salomɔn po nɔm tangulnin Cɛi nuu a bɛ́ɛ̀la ndɔlan n. Kani ndu ya hɛli ni, o vanin poo le ya, mì ya va fuɲaa le ndu.