Hebreea 1:11 - BII BILA

¹¹ Ɲɛm n toosiaa mun-ndon tambunin, kɛ nɔm a co va le fɛɛn a fɛɛn. Lɛŋnden a halataalaa siŋnunnin maa volɔɔla cuɛinan.

Hebreea 1:11 Referans Kwoze

Esai 51:6

La heelu vɔ hɔlla o halataala, o kon kɔɔli mì la tofa lebɛngu o lɛŋnden coo! Kani halataalaa mɔɲamɔɔɲanin maa ikum, lɛŋnden le siɔŋnin maa volɔɔla cuɛinan, vanaa co icali o lɛŋnden coo-a vunin maa n'penge, kɛ cinda nuu viawnin le fɛɛn a fɛɛn, nduyɛ dɛnɛ ni sandaa fulanin mayoomu le.

Marke 13:31

Halataalaa a lɛŋnden le hiawnin, kɛ sɔɔn nun hiwnin te.»

Esai 34:4

Ɲɛm cɔvun co o halataala-on kpow n puusiannin, halataalaa simbulunnin maa vala, ɲɛm cɔvun co lenin-ndon n delinin mɛɛ pei n'rɛsɛnnde deli nuaa yɛ, mɛɛ pei voosoei deli nuaa yɛ.

Dɛnnda cɔɔmuanndan 21:1

Mí ca halataala sɛnɛiyo a lɛŋnde sɛnɛilen, kani halataala tasoo a lɛŋnde taselen le ve lɛ le, mɛmma ihɛllan bɛɛ ma ve lɛ le.

Luke 21:33

Halataalaa a lɛŋnden le hiawnin, kɛ sɔɔn nun hiwnin te.»

Matie 24:35

Halataalaa a lɛŋnden le hiawnin, kɛ sɔɔn nun hiwnin te.»

Hebreea 12:27

Dimi kon lende aa: «vɛlɛ» kon co dimio ni maa ɲɛm cɔwnun-ndon, n nɔla tambeiyon, mun hiawnin. O kon mì ɲɛm nɔla itambu loon mun lo.

Esai 65:17

Tofa vɔ, i co halataala sɛnɛiyo a lɛŋnde sɛnɛilen cɔvɔɔ, vana loonun ndɛnin a dɛnndan paandu le, yiyan kon del-lɛnin vana o kɔl te.

Condii lisai 90:2

Lɔ́ɔ́ pá mí pembon fula, lɔ́ɔ́ pá mí lɛŋnden a ceendo kandun, nɔm co Hala fɛɛn-fɛɛndo ni.

Condii lisai 10:16

Mɛlɛka co masaa le lɔ́ɔ́-lɔ́ɔ̀ ni, le fɛɛn a fɛɛn pɛɛn. Vanaa-mangalaa-isɔɔa cuunin o lɛŋnde ndɔlen coo.

Dɛnnda cɔɔmuanndan 20:11

O kon mí ca kpɛŋɛ lemasa bɛndu humboo pum a vana va icali lenin-ndo. Mí lɛŋnden a halataalaa ɲaanun ndu, má kɔannun polon, vanaa ci lɛ foofo ndaa le.

Dɛnnda cɔɔmuanndan 2:8

«Sɛval mɛlɛkanɔ vanaa laalannda Smirne aa: ‹Ɲɛ vana co vana tasoo a vana mɛɛlaa-o, vana ndóò vi mó muungu yoomu-o dimi-o co hoo ni aa:

Dɛnnda cɔɔmuanndan 1:11

mo va ya dimullo aa: ‹Sɛva ɲɛ n co cɔw-vo o sɛbɔɔ nin, mà yoo kundala ŋɔmmɛwlan ndan: Efɛs, Smirne, Pɛrkam, Tiatir, Sarde, Filadɛlfii a Laodisee.›

Esai 50:9

Tofa vɔ, Maalii Hala malanin ya. Nɛ̀ɛ́-nɛ̀ nɔla yɛnin mo yaala ya kpeekpei? Nda kpow a siɔŋnin maa kola, a kɔwnin mì sɔŋndan la tɛɛmbuu nda.

Esai 41:4

Nɛ̀ɛ́-nɛ̀ tosa yɛ dɛnndan ndan? Nɛ̀ɛ́-nɛ̀ tosa yɛ lende? Ndu veelu lambilan kabi o kandɔɔ-o ni. Ya Mɛlɛka ni, ya va o tasoo a lambila taselan ni. Ya koni vanin vɛlɛ a la mɛɛlaalan ni.

Condii lisai 29:10

Mɛlɛka co icali o mɛmma nɔ lamɛɛlu le-an coo, o co icali o kpɛŋɛ ndɔ lemasaa coo le fɛɛn a fɛɛn.

Esai 51:8

Kani a kɔwnin maa kola, mà tambu, fɛlɛkpɛkpɛa dianin nda maa kola toosian a yiiŋii saa-o, kɛ dɛnɛ ni sandaa viawnin le fɛɛn a fɛɛn, cinda nuu pɛngɛlannin le lambilan o lambilan nin.

Esai 44:6

Mɛlɛka, masa Israɛlla a vana nda baŋaa soo, Mɛlɛka-Nɔ-Kpaayaa-Kpow-vo dimi aa: «Ya co vana tasoo ni, ya co vɛlɛ vana mɛɛlaa ni, o ya kɔɔli, Hala celen co le!

Condii lisai 102:26

Nɔm cɔw lɔ́ɔ́ kon lɛŋnden ni, mí bala nɔmndan la cɔaw vɛlɛ halataala.

Hebreea 8:13

Te Hala soo pɛ a kpema sɛnɛiyo o kɔɔ, mɛɛ kon co dimio ni maa kpema tasoo muungu o paandoo. Nduyɛ ɲɔɔ muungu pɛ o paandoo, o siɔŋ, o kon o lo.