Hebreea 1:10 - BII BILA

¹⁰ Mó dimi vɛlɛ aa: «Mɛlɛka, nɔm cɔw sindɛ lɛŋnden ni, nɔm koni toosiaa halataalaa a bala nɔmndan ni.

Hebreea 1:10 Referans Kwoze

O Kandɔɔ 1:1

O kandɔɔ tasoo, mí Hala cɔaw halataalaa a lɛŋnden.

Yeremi 32:17

«Àá Maalii Hala, nɔm siɛndi ba nɔmndo ni, má soli halataalaa a lɛŋnden, a kpaaya nɔm bɛndoo. Ɲɛ-ɲɛ kindu a nɔm te.

Esai 48:13

Ba nuu kila lɛŋnden ni, ba ni kɛndɔɔ tondu halataalaa ni. I veelu dɔ́ɔ́ pɛ ɲɛm mun, n cɔmnun ya dɔ́ɔ́ vellaa-velle.

Esai 42:5

O Hala dimi-o, Mɛlɛka pɛɛn, o cɔw halataala mó toandu ndu-o, o pɛngɛla lɛŋnden a ɲɛm co fulaa lenin-ndon kpow-vo, o yɔngu ɲɛ-ɲɛ yoomaa co o lɛŋnden coo yoomoo-o, o yɔngu ɲɛ-ɲɛ co kelaa lecoo hoeyii yoomuɛi-yo co hoo ni aa:

Sakari 12:1

Sɔɛi Mɛlɛka dimi a Israɛlla o kɔɔ-e. Nuaa Mɛlɛka, o pɛngɛla halataala-o, o cɔw lɛŋnden mó cɔaw yoomu vanacieo-vo dimi ni aa:

Esai 64:8

Lelan, yandi Mɛlɛka, dɔawnun tumbé mà hiow ba le, va yiyanndo lɔ́ɔ́-lɔ́ɔ̀ o biondɔnnda naalan coo le. Tofa vɔ niko, naa kpow vanaa nɔmnda naa n co ni.

Esai 51:13

Bàà ma pɔɛɛnun Mɛlɛka toosian nɔmndo, o tondu halataalaa mó kila lɛŋnden-ndo? Vɛ̀ɛ̀ ma lo ɲiiyaa a siòònde lepalaa-lepala le kɔltuw vana saangiaa n'vanndo maa mɛɛ o va o bɛɛndian le tɛɛmbuuo? Ɔ́ɔ̀ niko kɔltuw vana saangiaa n'vanndo?

Talelan 8:29

mó kilul mɛmma ihɛllan kpélénndo, ò ma bɛnda le hiovɔɔ loo. Mó kila fonda lɛŋnden le cal coo-o.

Dɛnnda cɔɔmuanndan 3:14

«Sɛval mɛlɛkanɔ vanaa laalannda Laodisee aa: ‹Ɲɛ Amiina, sei lo o lediom coo-o, o co sei toɲaa-o, o ɲɛm Hala soli-on cɔwnun o ba-o dimi-o co hoo ni aa:

Condii lisai 19:1

Condii David-e, í fula o condun simlacinɔ vanaa n'condua nin-nde.

Tɔŋ miingua 4:19

La héélù hɔlla o halataala mì la mɛɛndan paalen, paangei, loeon a ɲɛm co lon-ndon, mì la báŋ vulan mun o labɛngunin le mun sooloo le. Ɲɛm Mɛlɛka Hala niaa mel vanaa-mangalaa-isɔɔa tɔ̀a co o lɛŋnden coo kpow-va ni maa kɛ́.

Esai 40:12

Nɛ̀ɛ́-nɛ̀ tuunun yɛ mɛmma ihɛllan o ba kɔllo nin? Nɛ̀ɛ́-nɛ̀ tuu yɛ bandei a tongii halataalaa a baa piasaa? Nɛ̀ɛ́-nɛ̀ tuu yɛ cundoo o lɛŋnden coo o bonyii puuluei nin? Nɛ̀ɛ́-nɛ̀ landu yɛ pembon o bawvo le lusu ndɔɔ tuuvo? Nɛ̀ɛ́-nɛ̀ heelu yɛ pembun pɔmbɔn o ɲɛ tuvaa coo le lusu ndɔɔ tuuvo?

Esai 51:6

La heelu vɔ hɔlla o halataala, o kon kɔɔli mì la tofa lebɛngu o lɛŋnden coo! Kani halataalaa mɔɲamɔɔɲanin maa ikum, lɛŋnden le siɔŋnin maa volɔɔla cuɛinan, vanaa co icali o lɛŋnden coo-a vunin maa n'penge, kɛ cinda nuu viawnin le fɛɛn a fɛɛn, nduyɛ dɛnɛ ni sandaa fulanin mayoomu le.

Hebreea 12:27

Dimi kon lende aa: «vɛlɛ» kon co dimio ni maa ɲɛm cɔwnun-ndon, n nɔla tambeiyon, mun hiawnin. O kon mì ɲɛm nɔla itambu loon mun lo.