Hebreea 1:1 - BII BILA

¹ Sindɛ Hala va sɔɛi a sondo vanaa-tɛɛngaa-diom Hala-a o fuɲaa naa mamaa lo le telennda bɔɔ-bɔɔ a o nɛila yɛ́-yɛ́ coo.

Hebreea 1:1 Referans Kwoze

Luke 24:27

O kon kɔɔli, mó tɛɛsial nda ɲɛ sɛvan kandɔɔ o sɛbɛla Moise lan nin-ndo, kɔlan a o sɛvan o sɛbɛla vanaa-tɛɛngaa-diom Hala-a nin a ndu o kɔɔ lan kpow.

Dɛnnda kiilaa 2:30

Kɛ vana-tɛɛngaa-diom Hala-o o yɔŋnun ni, ndóò sínà maa Hala óò cii nin ndu kpemaa yiilul maa vana pilɛ o polale ndɔlen nin va koma siŋnɔn masaa o fonda ndɔɔ.

Luke 1:55

maa mɛɛ ndóò dimul fuɲaa naa mamaa, a Abraham a á polale ndɔlen le fɛɛn a fɛɛn yɛ.»

Dɛnnda kiilaa 13:32

Naa bɛɛ, Yoongu Kɛndɛ kon naa hin niaa tiiyallo ho ni: o Hala ndóò dimi le fuɲaa naa mamaa-o,

O Kandɔɔ 3:15

I lueinin vɔvanndo niaa tɛɛn niaa vanalanɔɔ, vɔvanndo vanin cuavaa ndɔa a cuavaa nɔmnda tɛɛn. Po vanalanɔɔ pialnin nɔm bollen, mì nɔm lɔva ndu bɛngu tííndííyo.»

Hebreea 2:2

Mí sɔɛi Hala ndóò dimi sindɛ a sondo mɛlɛkaa-e cɔmnun kpendekele, vannda pum ndáà luei ndi yii le, a bii ndi le, má sɔla sanga ndáà bɛnda le sɔlaa-o.

Luke 1:72

O tuinun fuɲaa naa mamaa iɲíí, mó yiyan le kpema diandaa o yii-yo.

Dɛnnda kiilaa 28:23

O kon mí simlacia Yuifia hɛli paale celen le bɔɔŋian-ndo. Paale len tiiyaa, mí nda kpow a muungu Pol tofa nɛɛ o va o yiya-a. Cɔn idiiyo háá icɔllo, Pol va nda sɔɔn tɛɛsiallo a Masale Hala len o kɔɔ. O va nda kɔltan pilanndo a tɔŋ Moise-o a á sɔɔn vanaa-tɛɛngaa-diom Hala-a le nda sɔɛi Yeesu-e tiiyallo.

Nsaŋ 9:29

N sina maa mí Hala ndóò soaa o Moise lo, kɛ hoo ndu, n sina nɛɛ o fula le!»

Nsaŋ 7:22

Moise dimul niaa le toomaa, kɛ o co dɔ́ɔ́ ndu o ba le o fula le, fuɲaa naa mamaa mel naa ndu ni, mì la va yɛ niko cɛlɔɔ le vannda toomaa diyɔɔ o paale pɛngiaalen coo.

Luke 24:44

O kon kɔɔli, mó dimul nda aa: «Telen naa n va vɔ naa niaa latulu-o, mí dimul niaa maa fɔ mì ɲɛ-ɲɛ co o sɛvaa a ya o kɔɔ o sɛbɛ tɔŋ Moise-o nin, o sɛbɛla vanaa-tɛɛngaa-diom Hala-a nin, a o sɛbɛ condii lisai nin kpow-vo ndóò peelun.»

O Kandɔɔ 6:3

O kon, mí Mɛlɛka dimi aa: «Yoomu nuu lo lɛnin vanndacieea nin le lɔ́ɔ́-lɔ́ɔ̀ le. Kani ɲaa yoomaa bɛnda le piɔ́mndo sɔlaa-a nda co ni. Lelan, yoomu ndaa hiw lɛnin bandei o vɔsilan kɛmɛ a bidiin coo le.»

Nsaŋ 16:13

Telen Kɔl toɲaa hunnin-ndo, o cɔmnin niaa dɛnndan kpow o toɲaa nin, kani sɔɔn o diminin-ndon fulanin o ndu pila nin te, kɛ o dimulnin niaa sɔɔn o tuɛinin-ndon kpede, mò dimul niaa dɛnnda hun tosannin-ndan.

Dɛnnda kiilaa 3:21

Sunsun, mɛɛ mò lo vɔ o halataala háá mì paale Hala minginin dɛnndan kpow o polalen nden le tiiya, maa mɛɛ o dimi lɔ́ɔ́ kon sɔɛi ken a sondola vanaa-tɛɛngaa-diom Hala-a diandaa yɛ.

Hebreea 2:3

Nduyɛ, vɛ̀ɛ̀ naa naa n fula yɛnin o ken nin, te n luei sɔɛi cinda bɛndoo ho yii le? Maalii pila kandu sɔɛi ndɔɛi dimio ni, o kon kɔɔli, mí vanaa tuei sɔɛi cinda kon-nda peelul naa diomnde len.

Hebreea 3:5

Mí Moise ndu yɔŋnun vana lo o lediom coo-o o Cɛi-Hala-o nin kpow. Vana baalaa o va ni, ndóò bɛnda le vaa sei sɔɔn Hala va hunɔɔ dimi-on.

Hebreea 4:8

Kani te Yosue ndóò yɛɛ pɛ vannda o pɛngi kon nin, Hala ndóò suu lɛnin o kon kɔɔli a paale celen o kɔɔ le.

Hebreea 5:5

Krista bɛɛ, o co ndu pila le kennun bɛɛle len le siŋnɔnndo bolle vanaa-solia-lasálàá le, Hala o ba o sɔla dí kon ni, mó dimul ndu aa: «Nɔm co po nuu ni, kandɔɔ hau, i siŋnun Fuɲa nɔm.»

Hebreea 9:19

Mɛɛ mì Moise ndóò dimi fɔlɔn tɔŋndan mɛɛ la co kpede vannda kpow o hɔl. O kon mí ndóò cua kooma navaa téndéa a ma cuinaa toovia, a mɛnndan, mó fasaŋa man o sɛbɛ latɔŋndo coo a vannda kpow coo a lɛvii hisɔp a á kola keese siaŋa vólotótoo.

Hebreea 11:2

Le laalanndo vannda sɔla seile kɛndɛlen sindɛ ni.

Hebreea 11:18

Mí Hala ndóò dimul ndu aa: «A Isaak n sɔlanin cuavaa-imamaa solinin diola nɔmndan tɔ́ɔ́-a ni.»

Hebreea 12:25

La caa dɛ! La kɛɛ diom vana co sɔɛi o niaa lo-o le. Kani vanaa kɛɛ sɔɛi vana va nda kanalanndo o lɛŋnden coo-o-a helun dɛnɛ palaa ndóò bɛnda le nda delɔɔ coo-o le. Konin te naa, vɛ̀ɛ̀ naa n hialun yɛnin, te n mulul pɛ diom vana fula o halataala le naa kanalanndo-o kɔɔ?