O Kandɔɔ 9:6 - BII BILA

⁶ Kani vana soli pɛ vanacieo koovan, ndu bɛɛ vanacieo sòli ndu koovan. Bau a velan ya Hala-o ya cɔw vanacieo ni.

O Kandɔɔ 9:6 Referans Kwoze

Tɔŋ lasálàá 24:17

Te vanndo dii pɛ vanacieo, vana kon bɛɛ bɛnda mò sɔla piɔ́mndo kangalan.

Matie 26:52

O kon mí Yeesu dimul ndu aa: «Míngi mɔɛi nɔmii cɔwve o boo nin. Kani vana cɔlɔba pɛ a mɔɛi cɔwve, a dii ndu a mɔɛi cɔwve.

Dɛnnda cɔɔmuanndan 13:10

Te vanndo nɔ pɛ le kɔlan o biyɔɔ nin, o biyɔɔ nin o kɔanin ni. Te vanndo nɔ pɛ le piɔ́mndo sɔlaa o mɔɛi cɔwve bɛngu, o mɔɛi cɔwve bɛngu o sɔlanin piɔ́mndo ni. Lelan vanaa diandaa bɛnda mà cɔm biuvɔn ndaa a laalan ndaa.

Kundalan 35:33

La laasiaa lɛŋnde niaa co nin-nden te, kani vana dii pɛ vanacieo mɛɛ ndu nɔɔliaa lɛŋnden. Nduyɛ le lɛŋnden dindinndo, fɔ mì vana dii vanacieo-vo sɔla piɔ́mndo.

Nsaki 3:9

A len naa n mel Mɛlɛka Fuɲaa balika ni, a len koni naa n mɛɛniaa vɛlɛ vanndacieea cɔwnun a velan Hala-o-a ni.

O Kandɔɔ 5:1

Sɛbɛ diola cuavaa Adam-nda a cuavaa ndɔa imamaa co hoo ni: paale Hala cɔw vanndacieea len, mó toosiaa nda a velan ndɔɔ.

Rɔmnda 13:4

kani baala Hala-o simlacia co tosaa ni, le dɛnɛ kɛndɛ nɔmndo. Kɛ taa tosa pɛ dɛnɛ vɔɔndo, mɛɛ yɔŋ siòònde, kani o co fondo le nda tuisi vana sangaa coo le, le baala Hala nda co tosaa-o ni, le maa ndɔɔ mingio a le kɔl ndɔ fulaa tuisio vanaa tosaa dɛnnda vɔɔnda coo.

O Kandɔɔ 4:14

Mɛɛ n cii ya hau tovɔɔ ma faŋa ya o lɛŋnde ya va vàá len coo yɛ, i co faŋan nɔm o hɔl mì kɔ vionnun levil lándán. Kani i nɔ lɛ pumbú calaa le, i siŋnun vana kelanndo o lɛŋnden coo. Le hee, vana-vana saalun ya pɛ, o dii ya.»

Condii lisai 51:4

Pulu ya cɛ́kɛ́lɛ́ le tɛɛmbuu nuu, ma dindi ya le haki ya tosa-o.

Kundalan 35:25

A bɛnda mà baŋa ndu vana cɛn le màá mingio-o o ba, mà mingi ndu o kobi vana viannun nin-ndo nin, nɛɛ ndóò kɔ vionnun nin-nda. Vana sulalle fula kon o ba mó dii vanacieo-vo lonin o viannanndo o kobi vana viannun kon nin-ndo nin háá mì bolle vanaa-solia-lasálàà nda pɔla a cuɛima diandan-ndo vi.

Tɔŋ lasálàá 17:4

o bɛnda mò hin-ndɔ fɔlɔn a cɔlu kon o cɛi-kola-toandaa-labɔɔŋianndo sondoo, mò cɔm ya Mɛlɛka ndu o Calta nilan hɔl-ndɔ maa sálà. Te o hin a ndu le, o dii ndu pɛ a ba ndɔ lende, mɛɛ o del kasi le kooma o soli man ɲɛ yoomaa-an. Kani o co mɛɛ tɔŋndo dimi yɛ le o dii cɔlu kon te. Lelan, a bɛnda ma faŋa vana kon Israɛlla tɛɛn few-few.

1Korɛntea 11:7

O bɛnda mì vanapɔnɔɔ kumbu bollen te, kani ndu co velan biilu Hala-o ni. Vanalanɔɔ yɛ, ndu co biilu vanapɔnɔɔ ni.

O Kandɔɔ 42:22

Mí Rubɛn dimul nda aa: «I dimul niaa sɔɛi he lɔ́ɔ́ kon aa: ‹La tosa dɛnɛ kɔlvesɛi vaa nuaa mì la cua hakio a poombɔɔ ho le.› Kɛ la tui ya diom te. Bàà piɔ́m o sɔla-o co naa nihau mingulɔnndo mì n va sangaa nuaa ni.»

Fulaa 20:13

La dii vanacieo le.

Tɔŋ miingua 5:17

La dii vanacieo le.

Masaa kialaa n'yamaa 9:56

Nuaa Hala sala Abimelɛk le dɛnɛ vɔɔn ndóò tosal fuɲa ndɔ, lɔ́ɔ́ o diw puapilɛa ndɔa belaŋɔmmɛwva-o ni.

1Samiɛl 15:33

Kɛ mí Samiɛl dimul ndu aa: «Mɛɛ mɔɛi nɔmii cɔwve mɛi vanlaandua bɔɔ-bɔɔ kɔɔla fondo yɛ, lende koni kala nɔm co hau lo kɔɔ fondo vanlaandua tɛɛn ni.» Mí Samiɛl dii ndu Mɛlɛka o hɔl Kilkal lon.

2Masaa 11:16

Mí vanaa cɔwva kɔa a ndu a kpengii bɛ́ɛ̀ lemasaa. Ndáà tiiyaa o Dio-soa, má dii ndu lon.

Talelan 28:17

Vana dii vanacieo-vo lonin kiltan háá mò kɔɛ o sɛi ndɔ ndu pila-o. Vana-vana bɛnda mò simi ndu le.

Vana Kɔlkaloo 3:3

Telenndo co le diyɔɔ, telenndo co le singio, telenndo co le puusiaa, telenndo co le tangullo.

Kundalan 35:16

Te vanndo lɔɔ pɛ vanacieo a ɲɛ-ɲɛ co cilinnde mo dii ndu, mɛɛ vana diyaa n'vanndo co kon ni. Lelan, o bɛnda mò sɔla piɔ́mndo kangalan.

Tɔŋ miingua 19:11

Kɛ te vanndo nɔ pɛ nɛyɔn vanndo, mò miingul ndu yaŋɔɔlan, mò del ndu coo, mò lɔɔ ndu háá mi vana kon vi, hali vana dii kon caando-o ɲaanun bɛɛ mò kɔ vionnun o kobila lan o pum nin,

2Samiɛl 4:11

Lende koni ya tosanin a niaa vanaa kɔlvesɛyaa dii haa vana tɛɛmbuu hoo isɔɔ loo o ndu lo cɛinin, o kpele ndɔ hinia coo-a ni. Niaa bɛɛ, mɛɛ mì mingi sɔɛi piɔ́m ndɔɔ niaa pila o lebol, mì diw niaa, mì faŋa niaa o lɛŋnden coo few!»

1Masaa 2:9

Lelan, vana kɔlkaloo n co ni, mal ndu haki le, a sina mɛɛ n bɛnda le ndu biyɔɔ yɛ. A yuuvɛi ndɔɛi ken kpede, dii ndu.»

2Masaa 11:1

Atali kalaa Ahasia cɔu maa po ndɔ vi, mó can, mó viam vannda le kɔlan poaa yungu lemasaa kpow diwvo.

2Masaa 11:20

Mí vanaa va o lɛŋnde len nin-nda kpow a va kponyoo a kɔlkɛndɔɔ, mí kobio sɔla nila ɲululan. Atali yɛ, a mɔɛi cɔwve nda dii ndu o cɛi lemasaa nin ni.

2Dɛnnda lemasalan 33:24

Mí buɛyaa ndɔa yii ndu dúmbú, má dii ndu o ndu lo cɛinin.