O Kandɔɔ 9:5 - BII BILA

⁵ Le kooma niaan yɛ, i ɲunanin konaa le man, kani yoomu niaa co kon ni. Visi oo visi dii pɛ vanacieo, i ɲunanin ndu ɲɛ vem ndu ken tosaa-o, vanndacieea bɛɛ, vana-vana dii pɛ vanacieo, i ɲunanin ndu le kɔlɔ o tɛɛmbuu yoomu vanaciee co puapilɛ ndɔɔ-o-o.

O Kandɔɔ 9:5 Referans Kwoze

Fulaa 21:12

«Te vanndo lɔɔ pɛ vanacieo mì vanaciee kon vi, vana lɔɔ ndu kon-ndo bɛnda mò sɔla piɔ́mndo kangalan.

Condii lisai 9:12

La soli condon le Mɛlɛka, Mɛlɛka co icali Siɔn-ndo pɛɛn. La yonda dɛnnda ndɔla bɛndulan vanaa súúla celennda tɛɛn.

Matie 23:35

haliko mi dɛnɛ piɔ́m vanaa tɛɛmbuu isɔɔ le-a del niaa o lebol, vanaa nda diw o lɛŋnden coo-a pɛɛn. Kandɔɔ a piɔ́m Abɛl vana sandaa-o, kɔ bii háá a piɔ́m Sakari, po Berekia-o-o, ò niaa dii Cɛi-Diandaa a fonda-loamaa-lasálàá tɛɛn-ndo.

Tɔŋ lasálàá 19:16

La cóngù vanaa niaa co vanaa pilɛa-a le. La hɛ́ɛ́ndùù vanaa niaa co-a sɔɔn coo háá mà sɔla piɔ́mndo le. Ya co Mɛlɛka ni.

Fulaa 20:13

La dii vanacieo le.

Dɛnnda kiilaa 17:26

O soli vanaa-mangalaa-isɔɔa kpow vana pilɛ o ipulu, haliko ma tiw o lɛŋnden kpow coo. Mó kialu telenndan, mó hendul nda vɛlɛ pɛɛngula fondala ndáà bɛnda le calle lan.

O Kandɔɔ 42:22

Mí Rubɛn dimul nda aa: «I dimul niaa sɔɛi he lɔ́ɔ́ kon aa: ‹La tosa dɛnɛ kɔlvesɛi vaa nuaa mì la cua hakio a poombɔɔ ho le.› Kɛ la tui ya diom te. Bàà piɔ́m o sɔla-o co naa nihau mingulɔnndo mì n va sangaa nuaa ni.»

Masaa kialaa n'yamaa 9:56

Nuaa Hala sala Abimelɛk le dɛnɛ vɔɔn ndóò tosal fuɲa ndɔ, lɔ́ɔ́ o diw puapilɛa ndɔa belaŋɔmmɛwva-o ni.

2Samiɛl 4:11

Lende koni ya tosanin a niaa vanaa kɔlvesɛyaa dii haa vana tɛɛmbuu hoo isɔɔ loo o ndu lo cɛinin, o kpele ndɔ hinia coo-a ni. Niaa bɛɛ, mɛɛ mì mingi sɔɛi piɔ́m ndɔɔ niaa pila o lebol, mì diw niaa, mì faŋa niaa o lɛŋnden coo few!»

2Dɛnnda lemasalan 24:22

Masaa Yoas loonun kɛndɛi Yehoyada, fuɲaa Sakari tosal ndu-e le, mó dii po ndɔɔ. Tuma pá mí Sakari malnun kɔl, mó dimi aa: «Màá Mɛlɛka cɔ ɲɛ yɔŋnun-ndo, mò sala nɔm mɛɛ n tosa yɛ.»

Tɔŋ lasálàá 24:17

Te vanndo dii pɛ vanacieo, vana kon bɛɛ bɛnda mò sɔla piɔ́mndo kangalan.

Tɔŋ lasálàá 24:21

Lelan, vana dii pɛ cɔlu pilaa, o sala ndu, kɛ vana dii pɛ vanacieo, ndu bɛɛ a dii ndu.

Kundalan 35:16

Te vanndo lɔɔ pɛ vanacieo a ɲɛ-ɲɛ co cilinnde mo dii ndu, mɛɛ vana diyaa n'vanndo co kon ni. Lelan, o bɛnda mò sɔla piɔ́mndo kangalan.

Kundalan 35:17

Te vanndo lɔɔ pɛ vanacieo a pow nɔla mò dii vana-o, mò dii vana o lɔɔ kon-ndo, mɛɛ vana diyaa n'vanndo co kon ni. O bɛnda mò sɔla piɔ́mndo kangalan.

Kundalan 35:18

Te vanndo lɔɔ pɛ vanacieo a yɔm nɔla mò dii vana-o, mò dii vana o lɔɔ kon-ndo, mɛɛ vana diyaa n'vanndo co kon ni. O bɛnda mò sɔla piɔ́mndo kangalan.

Kundalan 35:21

te kon te, te o kposoŋa ndu pɛ a ba mo dii ndu, mɛɛ vana diyaa n'vanndo co kon ni. O bɛnda mò sɔla piɔ́mndo kangalan. Lelan, te vana cɛn le màá vana o dii-o mingio-o saalun dɔ́ɔ́ pɛ vana kon, o dii ndu.

Tɔŋ miingua 19:11

Kɛ te vanndo nɔ pɛ nɛyɔn vanndo, mò miingul ndu yaŋɔɔlan, mò del ndu coo, mò lɔɔ ndu háá mi vana kon vi, hali vana dii kon caando-o ɲaanun bɛɛ mò kɔ vionnun o kobila lan o pum nin,

Tɔŋ miingua 19:12

kaasoŋaa kɔlkalua co o kobi ndɔɔ nin-nda bɛnda mà vem vanndo mò kɔ hun a ndu. O hin pɛ a ndu, a mal ndu vana cɛn le màá mingio-o o ba, haliko mi ndu bɛɛ sɔla piɔ́mndo.

1Masaa 2:6

Lelan, mɛi ndu yoomu mò yuuva háá mò vi a ba ndɔ le. Kɛ yɔŋnun vana taasi o dɛnɛ kon nin dɛ!

2Masaa 11:1

Atali kalaa Ahasia cɔu maa po ndɔ vi, mó can, mó viam vannda le kɔlan poaa yungu lemasaa kpow diwvo.

2Dɛnnda lemasalan 33:24

Mí buɛyaa ndɔa yii ndu dúmbú, má dii ndu o ndu lo cɛinin.

2Dɛnnda lemasalan 33:25

Kɛ, mí vanaa va o lɛŋnde len nin-nda diw vanáà yii kan ndu dúmbú-a kpow. O kon kɔɔli, má suili Yosia po ndɔ masaa o fonda ndɔɔ.