O Kandɔɔ 9:22 - BII BILA

²² Mí Ham po ndɔ, fuɲaa Kanaan, kɔ komal ndu ihini tum fondo fúú, mó kɔ dimul Sɛm nda Yafɛt, nda va o bɛ́ɛ̀.

O Kandɔɔ 9:22 Referans Kwoze

Talelan 30:17

Te vanndo mam pɛ fuɲa ndɔ, mò kɛɛ le diom kala ndɔ-o biyɔɔ, basabasakoendea pee pɔmbɔa buuluunin ndu, mì kovɛa cuawva de ndu.

Kalatea 6:1

Puapilɛa nia, te la saalun pɛ vanndo pum dɛnɛ vɔɔndo tosaa, o bɛnda mì niaa co vanaa kɔlla-a mingi ndu o nɛi o fɛ́ɛ́-fɛ́ɛ́o nin. Kɛ niaa pila mandan dɛ, yɔŋii niaa bɛɛ sɔla tɔɔndanndo.

1Korɛntea 13:6

o niŋ kɔl a dɛnɛ sendu loo le, kɛ le toɲaa mò dɔwnun ɲaale.

Matie 18:15

«Te puapilɛ nɔmndo cua pɛ hakio, kɔ ma soo o ndu lo niaa ndu ŋiɔn kpé. Te o tuei pɛ nɔm diom, mɛɛ o siŋnun vɛlɛ puapilɛ nɔmndo.

Condii lisai 70:3

Màá siɛmbulan la bii vanaa co ya kɔɔli le ya diyɔɔ-a! Màá à tambu labɛɛ! Màá vanaa yeema mì dɛnɛ vɔɔndo tol-la coo-a kpow a muungu a siɛmbulan mɔ́ɔ́yɔ̀ɔ̀!

Condii lisai 40:15

Màá siɛmbulan la bii vanaa co ya kɔɔli le ya diyɔɔ-a kpow, mà tambu labɛɛ! Màá vanaa yeema mì dɛnɛ palaa tol-la coo-a kpow a muungu a siɛmbulan!

O Kandɔɔ 10:6

Poaa Ham-nda yɔŋnun haa ni: Kus, Misrayim, Put a Kanaan.

Talelan 25:9

Te sɛɛngianndo luɛi nɔm pɛ tɛɛn niaa vanndo, sɛɛngian kon n toosiaa ni, kɛ cɔɔmuu sɔɛi vana celen dimul nɔm niaa ndu kpé-e le,

1Dɛnnda lemasalan 1:8

Poaa Ham-nda yɔŋnun Kus, Misrayim, Put a Kanaan ni.

O Kandɔɔ 9:25

Mó dɔaw ndu danga aa: «Dangaa co le Kanaan. O vanin o cɛle cɛa puapilɛa ndɔa bɛngu.»

O Kandɔɔ 9:23

Mí Sɛm nda Yafɛt cua doma bɛndoo, má handun o lacongú, má muli kɔɔlan, má luɛi a makɔɔ o cɛi-kola-toandaa fuɲa nda-o nin, má kuumbuu doma bɛndu kon ndu coo. A tofa nɛɛ fuɲa nda va ihini-a le, yɔŋii ndáà cɔ ndu tum fondo.

Habakuk 2:15

Dangaa co le niaa! Le niaa vanaa co puapilɛa niaa mɔiyan keo le kolɔɔ-a, a le niaa vanaa co man talaa le caanda koesio háá mì ma bii nda, haliko mi la va a nda-a.