O Kandɔɔ 9:16 - BII BILA

¹⁶ Ninginangaa hini pɛ o yumbuyumboo coo, mì tofa ndu, i loonun dɔ́ɔ́ a kpema ya yiilu ɲaa yoomaa o lɛŋnden coo le fɛɛn a fɛɛn-ndo.»

O Kandɔɔ 9:16 Referans Kwoze

Yeremi 32:40

I yiinin kpema fɛɛn-fɛɛndo a nda. I mulul-lɛnin nda kɔɔ le. I tosalnin nda dɛnɛ kɛndɔɔ mì tosa ma vo ya o kɔlta ndalan nin, o kon a kue lɛnin ya levil te.

2Samiɛl 23:5

Lende Hala co tosaa a yungu nuu ni: kani o yiilu ya kpema fɛɛn-fɛɛndo, o co o bɛɛndiaa ɲɛkɛndɛi, o co vɛlɛ o mandaa ɲɛkɛndɛi. O co cinda nuu a ɲɛ hɛnan ya-o solio mɛɛ ɲɛ và vulɔɔ.

O Kandɔɔ 17:19

Mí Hala dimul ndu aa: «Ɛ-ɛ, Sara laa nɔm kpeekpei co nɔm poo vilul ni. O velu ndu pɛ, a ke ndu diolan aa Isaak» (kon co dimio ni aa «O mam»). I yiinin kpemaa a ndu a á cuavaa ndɔa imamaa le fɛɛn a fɛɛn.

O Kandɔɔ 17:13

Vanpiaandua kpow a bɛnda mà dii toomaa, o va poaa vialunnin o polale nɔmnden coo-a, o va vɛlɛ cɛa niaa piandunin a volion-nda, a bɛnda mà sɔla tuisio. Tɔɔmasele kpema ni vanin o dialii niɛi coo-o co kon ni. La bɛnda mì la va tosaa lende le fɛɛn a fɛɛn.

Hebreea 13:20

Hala yɔngù naa kɔlɲuloo ni. Mó mingi Maalii Yeesu, vana mandaa n'saa bɛndoo, yoomu fulaa vanvílɛ́iya tɛɛn. Mí kooma sálà ndɔɔ ma siŋnun sabuo le kpema fɛɛn-fɛɛndo.

O Kandɔɔ 17:7

Kpema ya yii hoo-o co va naa tɛɛn naa nɔm, a naa tɛɛn naa cuavaa nɔmaa imamaa le fɛɛn a fɛɛn, haliko mi va Hala nɔmndo a Hala cuavaa nɔmaa imamaa nɔm kɔɔli.

Esai 55:3

La yaŋ nilan, la hun o ya lo, la yaŋnun ya mì la va yoomu. I yiinin kpema fɛɛn-fɛɛndo a niaa, mì tosal niaa dɛnnda kɛndɛla kɛ́-kɛ̀ yáà tuu le David tosallo.

O Kandɔɔ 9:17

Mí Hala cɔɔlu sondo mingi o sɔɛi he coo, mó dimul Noe aa: «Ninginangaa co tɔɔmasele kpema ya yiilu ɲɛ-ɲɛ co yoomu o ceendo coo-o ni.»

Esekiɛl 34:26

I siinguunin lɛŋnde ndalen a yondola balu pembii nii diandɛi lan duaa, mì tuisi piɔɔ a telen bɛnda-o, nduyɛ piɔɔ kon, duaa o vanin ni.

Esekiɛl 37:26

I yiinin kpema kɔlɲuloo naa ndaa tɛɛn. Kpema fɛɛn-fɛɛndo vanin naa tɛɛn naa ndaa. I minginin nda kɛsi lon mì vangala nda mà kui taw. I minginin cɛi-kola-toandaa diandaa nda tɛɛn le lɔ́ɔ́-lɔ́ɔ̀.