O Kandɔɔ 9:15 - BII BILA

¹⁵ i loonun dɔ́ɔ́ a kpema ya yiilu niaa cuàà n'vanndaciee a ɲaa yoomaa kpow-vo, kpema kon co hoo ni: mɛnndan ma tɛɛmbuu lɛnin ɲaa yoomaa o lɛŋnden coo le.

O Kandɔɔ 9:15 Referans Kwoze

Tɔŋ miingua 7:9

Lelan, la sina pɛngu maa Mɛlɛka Hala niaa, ndu pilɛ kpé co Hala kpeekpeiyo ni, Hala lo o lediom coo-o, Hala lo o kpema ndɔɔ coo-o, ó tosal vanaa kaola ndu má bii tɔŋnda ndɔlan-nda kɛndɛi háá o lambi vàá pilɛ ndɔɔ,

Esekiɛl 16:60

Kɛ ya ya, i loonunnin a kpema ni ya yii a nɔm o felengiyɛi nɔmnde nin-ndo. I yiinin kpema fɛɛn-fɛɛndo a nɔm.

Condii lisai 106:45

mó yiyan le kpema ndóò yiilu nda-o. Le tùú o kaola nda taw-vo, mó mangala tuu ndóò tuu kon-ndo,

1Masaa 8:23

«Òó Mɛlɛka, Hala Israɛlla! Kandɔɔ o halataala coocoo, háá o lɛŋnden coo nanu, Hala celen co maa nɔm te. A lò o lediom coo, a nɔ vɛlɛ ɲííye a vanaa nɔmaa baalaa co kelaa o nɛila nɔmndan coo-a.

Fulaa 28:12

Ma hol tan o kolala n'pɛngɛla kei o congúlan coo lan. Powta lan ya vanin cɔu ni mì va loonɔnndo a poaa Israɛl-la. Kani Aarɔn vanin hunɔɔ ya Mɛlɛka o hɔl a diola lan o congúla ndɔlan coo, mì va loonɔnndo lɔ́ɔ́-lɔ́ɔ̀ a nda.

Luke 1:72

O tuinun fuɲaa naa mamaa iɲíí, mó yiyan le kpema diandaa o yii-yo.

Yeremi 14:21

Le tɔ́ɔ́ nɔm kɛndɔɔ, soli kpɛŋɛ nɔm lemasa a biilu bɛndoo o baa nin te. Yiyan, kialu kpema nɔmndo a naa le!

Nehemi 9:32

Nɔm Hala naa, a co o bɔɔ, Hala kpaayaa a kpúlúnkùmaa n co ni. Nɔm manda kpema n yii a naa-o ni, má lo o lediom coo. Yandi, yiyan sangala vanaa nɔmnda sɔla lan coo, sangala masaa naa, simlacia naa, vanaa-solia-lasálàà naa, vanaa-tɛɛngaa-diom Hala-a naa, fuɲaa naa imamaa a sangala naa pila n sɔla lan pɛɛn, kandɔɔ o telen masaa Asiri-o háá hau.

O Kandɔɔ 8:21

Mɛɛ Mɛlɛka tuei hoeyii kɛndɛi sálà kon cun, mó dimi aa: «I dow lɛnin lɛŋnden danga le kela vɔɔn vanacieo le. Kani cɔn o felengiyɛi nin, yiyan tosaa yɔŋ vɔɔndo kposon co ndu o kɔl ni. I tɛɛmbuu lɛnin ɲaa yoomaa kpede mɛɛ ya tosa o laan nuaa yɛ le.

O Kandɔɔ 9:11

Kpema yiilun niaa-o co hoo ni: le fɛɛn a fɛɛn nin, mɛnndan ma tɛɛmbuu lɛnin ɲaa yoomaa o ceendo coo le. Mɛmma bɛnduma celen ma mel-lɛnin kpundɛ vaa nuaa le.»

O Kandɔɔ 9:14

Lɔ́ɔ́-lɔ́ɔ̀ ya cuungiaa pɛ yumbuyumboo coocoo, mì piɔɔ hel, te ninginangaa fula pɛ,

O Kandɔɔ 9:10

Kpemaa ho yiinun vɛlɛ le ɲaa yoomaa co niaa ikɛi-ya kpow: yowva, cɔlua, visia yondoa, ɲɛ-ɲɛ yoomaa fula o dɛ̀ndɔ̀ɔ́ nin.