O Kandɔɔ 9:1 - BII BILA

¹ Mí Hala dɔaw Noe nda poaa ndɔa duaa, mó dimul nda aa: «La naŋ ipúlú, la kuí mì la pei lɛŋnden ca.

O Kandɔɔ 9:1 Referans Kwoze

O Kandɔɔ 9:7

Le niaa yɛ, la naŋ ipúlú, la kuí taw mì la tiw o lɛŋnden coo sɔ́.»

O Kandɔɔ 1:28

Mó dɔaw nda duaa, mó dimul nda aa: «La náŋ ipúlú, la kuí, la pei lɛŋnden ca mì la va vanaa bɛndua lecoo. La tosá masalen suvaa co o mɛnndan nin-nda, yovaa co coocoo-a a visia pɔmbɔa kela lɛŋ-nda kpow coo.»

O Kandɔɔ 8:17

Soli visia co nɔm ikɛi lon-nda kpow: yowva kpede, visia bɛndua a à pɔmbɔa faw, haliko ma sɛŋin o lɛŋnden coo, mà kui.»

O Kandɔɔ 1:22

Mí Hala dɔaw nda duaa, mó dimi aa: «La naŋ ipúlú, la kuí taw, mì la pɛ cá o mɛmma ihɛllan nin a o peelan nin. Yowva bɛɛ kuí taw o lɛŋnden coo.»

Esai 51:2

La yiyan-ndɔ a Abraham fuɲa niaa o kɔɔ, la loonun-ndɔ a Sara velu niaa-o o kɔɔ, kani telen Abraham va ndu pilɛ-o ya veelu ndu ni. O kon kɔɔli, mí dɔaw ndu duaa, mí tosa mó kui.

O Kandɔɔ 24:60

Má dɔaw Rebeka duaa, má dimul ndu aa: «Nɔm yema naa, màá siŋnun kala-mamaa le vannda vaalan o vaalan nin fɔ́! Màá polale fulanin o nɔm nin-nden le siŋnun polale kpaaya bɛndu, mì yaamɔaa ndaa cal nda o labɛngunin!»

O Kandɔɔ 10:32

Yungula poaa Noe-a la yɔŋnun ndan ni, yungula fula o ndu nin-ndan, mɛɛ nda va a diola ndalan, súúla ndalan a sɔɔn ndan mangalan yɛ. Nda yɔŋnun fuɲaa-mamaa vanndacieea o lɛŋnden kpede coo o kpundɛ mɛmma bɛndoo kɔɔli ni.

O Kandɔɔ 2:3

Mó dɔaw paale ŋɔmmɛwndɔle len duaa, mó siinguu len paale pɛngiaalen, kani ɲinkon o pɛngi a baala ndɔ cɔavaa ni.

Condii lisai 112:1

La lisa Mɛlɛka. Dɛnɛ kɛndɔɔ co le vana nɔ siòòŋii Mɛlɛka-e-o, o dɔawnun ɲaale taw o tɔŋnda ndɔlan biyɔɔ nin-ndo!

O Kandɔɔ 9:19

Poaa yaa Noe-a yɔŋnun kan ni, nda kui nuaa ni mí lɛŋnden le pia cá a vanndacieea.

O Kandɔɔ 9:2

Visia bɛndua a à pɔmbɔa o lɛŋnden coo, yowva, visia sasun lɛŋ-nda a suwva o peelo kpow a nɔnin siòòŋii niɛi. Niaa o ba bɛngu nda vanin ni.

O Kandɔɔ 35:11

Mí Hala dimul ndu vɛlɛ aa: «Ya co Hala Vana-Kpaayaa-Kpow ni. Lelan, naŋ ipúlú mà sɔla cuavaa-imamaa taw. Yungulan a vanaa-mangalaa-isɔɔa súúlan taw a fulanin o polale nɔmnden nin. Masaa fulanin o cuavaa-imamaa nɔmnda tɛɛn.