O Kandɔɔ 8:21 - BII BILA

²¹ Mɛɛ Mɛlɛka tuei hoeyii kɛndɛi sálà kon cun, mó dimi aa: «I dow lɛnin lɛŋnden danga le kela vɔɔn vanacieo le. Kani cɔn o felengiyɛi nin, yiyan tosaa yɔŋ vɔɔndo kposon co ndu o kɔl ni. I tɛɛmbuu lɛnin ɲaa yoomaa kpede mɛɛ ya tosa o laan nuaa yɛ le.

O Kandɔɔ 8:21 Referans Kwoze

2Korɛntea 2:15

Kani n co macoaa maa lasikɔlɔ cun kɛndɛ Krista-o le Hala. Lasikɔlɔ kon co le vanaa co kɔlan o cindaa nin-nda a le vanaa co kɔlan o lou nin-nda.

Efɛsea 5:2

Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.

Yeremi 17:9

Ɲɛ-ɲɛ hui vana maa kɔl vanacieo le. Vana nɔla ndu singio le, vana nɔla ndu bɛɛ bila biyɔɔ le.

O Kandɔɔ 6:5

Mí Mɛlɛka ca maa kɔlvesɛi vanndacieea va hiovɔɔ laci o ceendo coo tuŋ, mó ca maa lepalaa-lepala, yiyannda vɔɔnnda va nda o lakɔl-tan la va nda lueiyo o dɛnɛ vɔɔndo nin.

Filipea 4:18

I sɔla ɲɛm niaa yɔŋ ya-on kpow, mí n hiw kuiyo ya o ba. I pɛ, Epafrodite langa yɔngu ya ɲɛm niaa yɔŋ ya-on, n co macoaa maa lasikɔlɔ cun kɛndɛ, sálà hɛnan Hala-o.

Rɔmnda 3:23

Kani vanndacieea kpow a tosa hakio, má fola biilu Hala-o.

Esekiɛl 20:41

Tuma ya solinin niaa vanaa súúla celennda tɛɛn, mì faŋa niaa o lɛŋii niaa co a sɛŋiannda nin-nde nin, mì cuungiaa niaa-o, i cɛlnin niaa maa sálà cun kɛndɛ. O kon, i cɔmnin vanaa-mangalaa-isɔɔa diondɔɔ nuu a dɛnɛ kɛndɛ ya vanin niaa tosallo-o.

Matie 15:19

Kani o kɔllo nin yiyannda vɔɔnndan, yeemɛi diyaa n'vanndacie-e, tiɔmɔɔ, suundaa, vuilen, seile lakafalen timbio a vannda diolan tɛɛmbuuo fula ni.

Tɔŋ lasálàá 1:13

O tɔɔ ɲɛm co cɔlu kon o dembe-on a bɛngula ndɔlan. Vana-solia-lasálàá kon lom visin mun kpow o fonda-loamaa-lasálàá coo. Sálà loamaa co kon ni, o ya Mɛlɛka tuɛi cun mì ɲɔɔ hɛnan ya-o.

Vana Kɔlkaloo 7:20

Vana sandaa co o lɛŋnden coo le, o tiwba mò tosa dɛnɛ kɛndɔɔ, o kondu haki loo.

Tɔŋ lasálàá 1:9

à tɔɔ ɲɛm co ndu nin-ndon a bɛngula ndɔlan a mɛnndan, vana-solia-lasálàá pilɛ lom visin mun kpow o fonda-loamaa-lasálàá coo. Sálà ŋɔa o yin-ndo co kon ni, o ya Mɛlɛka tuɛi cun mì ɲɔɔ hɛnan ya-o.

O Kandɔɔ 3:17

Mí Mɛlɛka dimul niko vanapɔnɔɔ aa: «Le tùú n cɛl sɔɛi laa nɔm-nde, má dia kɔmnde yɔm ya kuuna nɔm le dioo-o len-ndo, i dɔw lɛŋnden danga le yɔŋ vɔɔn nɔm kon. Háá mì yoomu nɔmndo cuu o ceendo coo, fɔ mà sanga sangaa pila malan n sɔla ɲɛdiaa nɔmndo lɛŋ.

Nsaŋ 3:6

O velun a falon-ndo, falon ndu co ni, o velun yɛ a Kɔl Hala-o o, kɔllo ndu co ni.

Esai 53:6

Naa kpow n va laasianndo nɛɛ-nɛɛ ka maa n'saa, vana-vana va kɔlan pemale ndɔ kɔɔli, kɛ mí Mɛlɛka tuisi tɛɛmbuu naa kpow ndu coo.

Condii lisai 58:3

Kafalan niaa co tosaa ni. Mɛɛ hɛnan niaa co yɛ niaa co tosaa ni. Dɛnnda kɔlvesɛilan niaa co tiwvo o lɛŋnden coo ni.

Condii lisai 51:5

Kani i sina tɛɛmbuula nilan. Nduyɛ, i co haki nuu cɔnnɔnndo ya o hɔl lɔ́ɔ́-lɔ́ɔ̀.

1Nsaŋ 5:19

N sínà maa a Hala-a naa n co ni, mì ceendo kpede va o kpaaya Vana Vɔɔndo bɛngu.

Rɔmnda 1:21

Kani ndáà síná Hala tɛ́ɛ́, kɛ a ke ndu biilu bɛnda le ndu Hala-o le, a mel ndu balika le. Mí yiyannda ndalan la luei nda o laasianndo nin, mí kɔlta ndala idiɔmndan la luei nda o ɲumndan nin.

Yeremi 18:12

Kɛ yiyannda ndala vɔɔnndan tuŋ nda co kɔɔli ni, a co vɛlɛ mulio aa: «Ken vil naa le, i naa n nɔ o kɔl-le naa n tosanin ni.»

Talelan 20:9

Nɛ̀ɛ́ tiw yɛ ba mò dimi aa: «I dindi kɔl nuu valan, i dendu, haki oo haki co ya le»?

SƐBƐ YƆB-O 14:4

Nɛ̀ɛ́ nɔla yɛ mò soli ɲɛ diandaa o ɲɛ nɔɔlɛiyo nin? Vana-vana nɔla ken tosa le.

Tɔŋ lasálàá 1:17

O kon, o tɛnda yow kon o kumbanndan tɛɛn, kɛ o kilu kpali le, o lom ndu o kilin fonda-loamaa-lasálàn coo. Sálà loamaa co kon ni, o ya Mɛlɛka tuɛi cun mì ɲɔɔ hɛnan ya-o.›»

Fulaa 29:25

A cii pɛ faleŋii ken tosa, a bii mun nda o ba, a lom mun o yin o sálà loamaa co o fonda-loamaa-lasálàá coo-o coo, haliko mi tuei cun ndɔ kɛndɔɔ. Sálà ŋɔa o yin le ya Mɛlɛka-o co kon ni, o ya tuɛi cun mì ɲɔɔ hɛnan ya-o.

Fulaa 29:18

A cii pɛ, a lom visin saa kóndó kon kpow o fonda-loamaa-lasálàá coo. Sálà loamaa solìn le ya Mɛlɛka-o co kon ni. Sálà loamaa co kon ni, o ya tuɛi cun mì ɲɔɔ hɛnan ya-o.

O Kandɔɔ 6:17

Kani i co hunɔɔ mɛmma bɛnduan soli o lɛŋnden coo, mì tɛɛmbuu ɲɛ-ɲɛ co yoomu. Ɲɛ-ɲɛ co o lɛŋnden coo co hunɔɔ yɛɛvɛ dɔwnɔn.

Yeremi 8:6

I co nilan yaŋɔɔ yékén o sɔɔn ndan: a co isɔɔ mɛɛ nda bɛnda le sɔɛi yɛ le. Vana-vana co dɛnɛ vɔɔn ndɔɔ malɔɔ le, a co ɲunaa aa: ‹Yɛɛ ya tosa yɛ hoo?› Mɛɛ nda co kpede, vana-vana muungu kiltan a yeemɛi maa so co ɲaanɔnndo a yeemɛi le kɔlan o cɔwvo-o.

Esai 65:6

Tofa vɔ ɲɛ co o sɛvaa ya o hɔl-lo: I lo lɛnin o meiyo nin te, I co tofa lenin, lekɛ́ndɛi i co nda maa kon mingul,

Esai 48:8

Niáà tui-yɔ ɲɛ-ɲɛ a mun o kɔɔ le, niáà sina vɔ ɲɛ-ɲɛ a mun o kɔɔ le, sɔɔn mún, mún del-lɔ niaa o lani paandu le few. Kani yáà sina maa niáà lonin o lediom coo le, maa kabi o violɔn niaa, a va niaa veeloo aa vanaa nila kalua.

Esai 47:15

Lende dɛnɛ vanaa niaa va haa sangaa le nda sɔɔnguuo ikɛi, le nda isɔɔ ɲuna-a vanin ni. Vanaa niaa va kan yulalen tosaa latulu, kabi o felengiyɛi niɛi nin-nda, a sɛŋinnin mì vana-vana kɔɛ kpengii ndɔ. Vana-vana venin le niaa mala le.

Esai 47:12

La lo o mangalala niaalan coo a o kueile niaale bɛndu-bɛndulen nin. Le kueile len a mangalala lan niaa co baalaa tosaa kabi o felengiyɛi niɛi nin ni, bɔɔle la sɔlanin tɔnɔɔ lenin, bɔɔle la siŋnunnin kpúlúnkùmaa lenin.

Tɔŋ lasálàá 26:31

I siinguunin kobila niaalan bémbélan, mì siinguu sooluula niaalan pɔmndan. Sálàla niaala cun kɛndɛlan la hɛnan ndɛnin ya cun te.

O Kandɔɔ 5:29

mó ke ndu diolan aa Noe. Mó dimi aa: «Hoo yɔngunin naa kɔlɲuloo le valta naalan a le bɛpɛla naa n co hoo o lɛŋnde Mɛlɛka dɔw len danga len coo-o ni.»

O Kandɔɔ 4:12

Mɛ̀ɛ́-mɛ̀ɛ́ n tosa nin vallo lecoo, le lueilul-lɛnin nɔm tɔnɔ ndɔɔ le. A ve lɛnin icali o pumbú le. Le fɛɛn a fɛɛn nin, vana kelanndo n vanin o lɛŋnden coo ni.»

O Kandɔɔ 6:7

Mó dimi aa: «Fɔ mì tɛɛmbuu vanndacieaa ya cɔw haa mí soli nda o ceendo coo-a. I co vɛlɛ visia bɛndua, visia pɔm-pɔmbɔa kela lɛŋ-nda a yowva kpow tɛɛmbuu. I sina ɲɛ-ɲɛ vem ya nda cɔvɔɔ le.»

O Kandɔɔ 6:13

O kon, mó dimul Noe aa: «I cii kiolɔɔ o kɔl nuu nin le vanndacieea ciiyo o ceendo coo. Kani a cii ceendo tɛɛmbuu a kɔlvesɛiyo. I co nda cii mì faŋa nda o ceendo coo.

Tɔŋ lasálàá 4:31

O faaŋiaa cuɛima cuin laandu kon kpow mɛɛ nda faaŋiaa cuɛima cɔlua sálà kɔlɲulua yɛ, mì vana-solia-lasálàá lom man o fonda-loamaa-lasálàá coo, haliko mi cun ndɔɔ hɛnan ya Mɛlɛka. Mɛɛ lende vana-solia-lasálàá bɛnda ni mo tosa faleŋii baŋannde ndu coo le haki o tosa-o. O kon Mɛlɛka mal ndu haki.

Tɔŋ lasálàá 8:28

Mɛɛ nda cii cɔm, mí Moise bii nda ɲɛm mun o ba, mó loam mun o fonda-loamaa-lasálàá coo, o sálà loamaa coo. Sálà kon co sálà kandaa baalaa ni, o ŋɔa kpúlúká o yinnden nin-ndo, o Mɛlɛka tuɛi cun mì ɲɔɔ hɛnan ndu-o pɛɛn.

Kundalan 15:3

mì la yeema le ya sálàla ŋɔa o yin-ndan solullo, o bɛnda mò va cɔlua bɛndua, te kon te cɔlua pɔmbɔa. Sálà ya tuɛi cun mì ɲɔɔ hɛnan ya-o co kon ni, o va sálà loamaa, o va sálà niaa soli le yoole niaa bàá len timbio-o, o va o niaa pila soli a yeemɛi niɛi-yo, o va o niaa soli o kafola niaalan o pilɛ coo-o,

1Samiɛl 26:19

Masaa, vana ni bɛndoo, yaŋ-ndɔ nilan, ma tuei ɲɛ ya vana nɔm baalaa co dimi-o. Te Mɛlɛka vem nɔm hee ya tosallo ni, màá sálà ya co ndu solul-lo ɲulul ndu kɔllo! Kɛ te vanndacieea vem nɔm hee tosaa ni, màá Mɛlɛka dɔw nda danga! Kani vannda co ya hau tovɔɔ mà va ya kuunaa calle o lɛŋnde Mɛlɛka ke vanaa ndɔa kɛ́ɔ len nin, kon co dimio ni maa ya kɔ sooluu halaa celennda.

Condii lisai 58:4

Vanaa kɔlvesɛiya lo vɔ o demboo nin mà laasian. À fula dɔɔ pɛ kalaa ndaa o ipulu à mal nɛiyo, à kandu sɔɔn lacòòvan dimio.