O Kandɔɔ 7:21 - BII BILA

²¹ Mí ɲaa yoomaa o lɛŋnden coo kpow a vu: kandɔɔ a yowva, cɔlua, visia yondoa, visia pɔmbɔa kela lɛŋ-nda, kɔ bii a vanndacieea.

O Kandɔɔ 7:21 Referans Kwoze

O Kandɔɔ 6:13

O kon, mó dimul Noe aa: «I cii kiolɔɔ o kɔl nuu nin le vanndacieea ciiyo o ceendo coo. Kani a cii ceendo tɛɛmbuu a kɔlvesɛiyo. I co nda cii mì faŋa nda o ceendo coo.

O Kandɔɔ 7:4

Kani o lo palɛi ndii ŋɔmmɛw mì tuisi piɔɔ bɛndu-bɛndoo o lɛŋnden coo, mò lo siaa háá palɛi belehiɔɔlu a malɔ belehiɔɔlu, mì tɛɛmbuu ɲɛ-ɲɛ co ɲɛ yoomaa.»

O Kandɔɔ 6:17

Kani i co hunɔɔ mɛmma bɛnduan soli o lɛŋnden coo, mì tɛɛmbuu ɲɛ-ɲɛ co yoomu. Ɲɛ-ɲɛ co o lɛŋnden coo co hunɔɔ yɛɛvɛ dɔwnɔn.

Rɔmnda 8:20

Kani ɲɛm Hala cɔw-von luɛi ɲɛ fondoo o ba bɛngu. O co hɛnan ɲɛm mun pila le luei mun te, kɛ Hala cɛl le ken tosanndo ni. Kɛ a kon kpow, tiindanndo co le ɲɛm mun.

2Piɛr 2:5

O mɛi ceen paandoo lon lende le, kɛ mó cuu mɛmma bɛnduan o ceen vanaa ndáà síná Hala le-a coo, fɔ Noe va diom Hala-o yondaa-o kínɛí o kanda ni a vanaa celen nda ŋɔmmɛw.

Rɔmnda 8:22

Nduyɛ n sinà maa háá sisa, ɲɛ-ɲɛ Hala cɔw co somisominndo a sangaa maa vanalanɔ pulei biŋin-ndo.

Luke 17:27

Vannda va dioo a kolɔɔ, a va laandua yilɔɔ, a va cuavaa ndaa kɛsio o nɔlan, háá paale Noé luɛi o dɛ̀ndɔ̀ɔ́ nin-nden. O kon, mí mɛmma bɛnduan ma hun, mí ma diw nda kpow.

Matie 24:39

Buulan ve nda le ɲɛ-ɲɛ le, háá mí mɛnndan ma hun, mí ma cii nda tɛɛmbuu. Lende koni o tosannin o hunɔɔ Po vanacieo ni.

Sofoni 1:3

I co vanndacieea a cɔlua tɛɛmbuu, mì tɛɛmbuu vɛlɛ yowva coocoo a suwva o peelo. I tɛɛmbuunin vanaa kɔlvesɛiya a sɔɔn nda co tosaa mà va vannda lueiyo o pɔwlan nin-ndon. I vɔɔsuunin vanacieo o lɛŋnden coo few-few. Diom ya Mɛlɛka soo-o co kon ni.»

Yɔɛl 2:3

Yinnden le co kɔlan a ɲɔɔn lomɔɔ nda laci, yelenyelenndo co kɔlan a ɲɔɔn siowvo cuuloo mungén nda kɔɔli. Paandu, lɛŋnden le vannun maa nakɔɔ Edɛn, kɛ kabi nda luɛi lenin, le siŋnun lɛŋnde veselɛile imɔnɔlen. Ɲɛ-ɲɛ helun nda le few.

Osee 4:3

Lelan dɛnɛ palaa toalnin o lɛŋnden nden coo ni. Vanaa vanin icali lenin-nda kpow a ɲawnin. Visia yondoo nin a yowva coocoo bɛɛ a ɲawnin. Hali suvaa co o mɛmma ihɛllan nin-nda co hunɔɔ cuvɔɔ.»

Esai 24:19

Lɛŋnden le sɛɛsiaa, le tɛɛndiaa, lɛŋnden le hiilun yongban-yongban.

Esai 24:6

Lelan dangaa co lɛŋnde kalalen hulɔnndo coo ni, vanaa co o lɛŋnden coo-a co sangaa sɔlaa le hakila ndalan, lelan nda co cuuo nuaa kpede ni, a pilɛn-pilɛn daama nda co lou ni.

O Kandɔɔ 1:25

Mí Hala toosiaa visia yondoa mɛɛ nda co a súúlan yɛ, mó toosiaa cɔlua cieeninnda mɛɛ nda co a súúlan yɛ, mó toosiaa visia pɔmbɔa kela lɛŋ-nda mɛɛ nda co a súúlan yɛ. Mó ca maa a naŋ.

SƐBƐ YƆB-O 34:15

vanndacieea kpede va cuvɔɔ o lepilɔɔ, mì vanacieo ndóò muungu o cundoo nin.