O Kandɔɔ 7:11 - BII BILA

¹¹ Vɔsi Noe suili yoomu o ceendo coo vɔsilan kɛmɛ leŋɔmpum-ndo, mɛɛ paangii diinndɔɛi tiiya palɛi tɔ́ a i ŋɔmmɛw, mí lɛŋnden le tɛɛndiaa, mí mɛnndan ma fula nɛɛ-nɛɛ ka, mí halataalaa kumbin,

O Kandɔɔ 7:11 Referans Kwoze

O Kandɔɔ 8:2

Mí soonnda mɛnndan ma va fulaa nin lɛŋ-ndan la baŋul, mí halataalaa bɛɛ kindan, mí piɔɔ viangu.

Malasi 3:10

La hun a o-tɔ́ndɔla niaalan kpow o cɛi mandaa bolofaa nin, haliko mi baloo va o ya lo cɛinin. La tɔɔndan-ndɔ hau ya lende, mì la tofa, te i kumbilnin niaa diola pɔmbɔla co o halataala lan, mì tuisi niaa duaa bɛndu-bɛndu hiow ɲɔɔn kpow-vo coo le. Ya Mɛlɛka-Nɔ-Kpaayaa-Kpow-vo dimi lende ni.

Yeremi 51:16

O dimi pɛ, mɛnndan ma diinun o halataala, piɔɔ bɛndoo hel o lɛŋnden mɛɛlulan, halataalaa voli, o kon piɔɔ sia, hoeiye fula o soon ndɔɔ nin.

Yeremi 5:22

Mí Mɛlɛka ɲuna aa: ‹Mɛɛ la nɔ siòòŋii ni le? Mɛɛ la nɔla ɲiiyaa ya o hɔl te? Ya kɛsul mɛmma ihɛllan pɛɛngulan a sióónndon ni, pɛɛngula fɛɛn-fɛɛnnda ma nɔla hiovɔɔ le lan pɛɛn. Mɛ̀ɛ́-mɛ̀ɛ́ ma va biiŋɔnndo, ma nɔ kpaaya má hiaw lan te, mɛ̀ɛ́-mɛ̀ɛ́ ma kuuliaa, ma hiw pɛɛngula lan te.

2Masaa 7:19

Mí simlacinɔ cɔwvo pilɛ o simlacia masaa Israɛl tɛɛn, ó va lɔ́ɔ́-lɔ́ɔ̀ fulaa a luɛyɔɔ nda masaa latulu-o ɲuna Elise aa: «Hali Mɛlɛka buuluunin tɛɛngon o halataala, sɔɛi n dimi hee-e nɔla pá tosan?» Mí Elise mulul ndu aa: «A canin ndi o tosanndo, kɛ a dinin ɲɛm mun te.»

Esekiɛl 26:19

Kani nuaa Maalii Hala dimi ni aa: «Tuma ya siinguu nɔm ciee-piɔ́m-ndo maa kobila vanndaciee co icali nin te lan-ndo, lɔ́ɔ́ ya tuisinin nɔm o soon bɛndoo nin mì mɛmma bɛnduan ma kumbu nɔm mɔku-mɔku-o,

Condii lisai 33:7

Ndu nɛɛnuu mɛmma ihɛllan ni, mó dii man nɛɛ pilɛ, mó bii mɛmma ihɛlma bɛnduan o fondala mandaalan nin.

2Masaa 7:2

Mí simlacinɔ vanaa cɔwva, ó va lɔ́ɔ́-lɔ́ɔ̀ fulaa a luɛyɔɔ nda masaa latulu-o ɲuna Elise aa: «Hali Mɛlɛka buuluunin tɛɛngon o halataala, sɔɛi n dimi hee-e nɔla pá tosanndo?» Mí Elise mulul ndu aa: «A canin ndi o tosanndo, kɛ a dinin ɲɛm mun te.»

O Kandɔɔ 1:7

Mí Hala soli ɲɛ pandonndo, mó handu ndu pɛɛngulan mɛmma co lebɛngu-an a mɛmma co lecoo-an tɛɛn. Mí ɲɔɔ tosan lende.

Matie 24:38

Kani lɔ́ɔ́ pá mí kpundɛ mamɛnndo tosan, vanndacieea va dioo a kolɔɔ, a va nɔlan yiiyo, a va cuavaa ndaa laandua kɛsio o nɔlan, a va laandua yilɔɔ le poaa ndaa háá paale Noe luɛi o dɛ̀ndɔ̀ɔ́ nin-nden.

Esai 24:19

Lɛŋnden le sɛɛsiaa, le tɛɛndiaa, lɛŋnden le hiilun yongban-yongban.

Condii lisai 74:15

Nɔm kumbi soonnda mamɛnndan a peelan ni, nɔm veeliaa peela ve vela lɔ́ɔ́-lɔ́ɔ̀ le lan ni.

O Kandɔɔ 6:17

Kani i co hunɔɔ mɛmma bɛnduan soli o lɛŋnden coo, mì tɛɛmbuu ɲɛ-ɲɛ co yoomu. Ɲɛ-ɲɛ co o lɛŋnden coo co hunɔɔ yɛɛvɛ dɔwnɔn.

SƐBƐ YƆB-O 28:4

A tow soon bɛndoo lándán a calta vanndacieea, o fonda vanndacieea nɔla keiyo loo, lon nda landun ni, mà va hiŋnɔnndo vanndacieea levil polon.

1Tesalonikea 5:3

Telen vannda vanin dimio aa: «Kɔlɲuloo tiw, n co nila ɲulo-o», o telen kon kpeekpei dɛnɛ palaa voolunin nda maa mɛɛ telen vialaa voolu vanalanɔɔ nuaa yɛ ni, a helunnin te.

2Piɛr 3:6

O mɛmma bɛnduma man nin ceen tasoo tambu ni.

O Kandɔɔ 7:6

Tuma mɛmma bɛnduan ma hin kon o lɛŋnden coo-o, Noe ndóò nɔ vɔsilan kɛmɛ leŋɔmpum.

SƐBƐ YƆB-O 12:15

O bii pɛ piɔɔ, vaaloo luɛi, o mal pɛ mɛnndan, ma tɛɛmbuu ɲɛ-ɲɛ o lɛŋnden coo.

SƐBƐ YƆB-O 38:16

A tiiya nin pá nɛɛ mɛmma ihɛllan ma cɛn tum-nda? A kela nin o soon yingilaa nɔ lamɛɛlu loo nin?

Talelan 3:20

A dɛnɛ sinaa ndɔɔ mɛnndan o soonndan nin lɛŋ ma hel o lɛŋnden coo ni, mí yumbuyumboo va mɔ́mndo cucɔɔ.

Esai 24:18

Vana-vana ɲaanun pɛ yoondiaala isiòònndan, ndu delnin o soondo nin. Vana-vana del pɛ o soondo nin mo fula, ndu hawnin o yalaa nin. Kani diola pɔmbɔlan o halataala la kumbin, lɛŋnden le hiilun o tumndo dí.

O Kandɔɔ 8:14

O paale bidiin a leŋɔmmɛwndɔle paangii diinndɔɛi coo, mí lɛŋnden le vesa sɛ́ɛ́n.

SƐBƐ YƆB-O 38:37

Nɛ̀ɛ́ nɔ yɛ dɛnɛ sinaa le yumbuyumboo cɔmndo tɛ́kpɛ́-tɛ́kpɛ́, a le mɛmma co o halataala-an kpow cuuŋuuo