O Kandɔɔ 7:1 - BII BILA

¹ Mí Mɛlɛka dimul Noe aa: «Nɔm a yungu nɔmndo kpow, la luɛi o dɛ̀ndɔ̀ɔ́ nin, kani nɔm pilɛ kpé ya ce vana sandaa ya o hɔl o vannda ha kpow tɛɛn ni.

O Kandɔɔ 7:1 Referans Kwoze

O Kandɔɔ 6:9

Polale Noe len le yɔŋnun nden ni, ndóò velu poaa nda yáá: Sɛm, Ham a Yafɛt. Vana sandaa a vana diandaa Noe yɔŋnun vanndacieea tɛɛn o paale ndɔlen ni, o va kelaa o nɛi Hala-o coo.

Hebreea 11:7

Le laalan Noe ndóò nɔ-o, mí Hala cɔm ndu dɛnnda vanaa ci vɔ le lan. Mí Noe luɛi sɔɛi Hala-e yii, mó toosiaa dɛ̀ndɛ̀ mamɛn bɛndoo le yungu ndɔɔ ciindiaa. Le hee, mí Noe cɔm maa dɛnnda vanndacieea o ceendo coo la niŋ te. O kon mí Hala ca ndu vana sandaa le laalan ndɔɔ.

O Kandɔɔ 7:13

Paale len Noe luɛi o dɛ̀ndɔ̀ɔ́ nin nda laa ndɔ, poaa ndɔa yáá-a Sɛm, Ham a Yafɛt, a laandaa poaa ndɔa ni.

1Piɛr 3:20

Kɔlta tosa lɔ́ɔ́ kon nila kalulan-ndan, telen biuvɔn Hala-o va vɔ hiovɔɔ laci-o, o palɛi Noe va dɛ̀ndɛ̀ bɛndu vanaa bɔɔ luei lenin too siɔlɔɔ-e bɛngu. Vanaa ŋɔmaa kpé a sɔla cindaa o mɛmma man nin ni.

Dɛnnda kiilaa 2:39

Kani ciɛi Hala cua-e co le niaa a le cuavaa niaa, i co vɛlɛ le vanaa co levil-la kpow a le vanaa-vanaa sɔlanin veeloo Hala naa o ba.»

Luke 17:26

Ɲɛ yɔŋnun o palɛi Noe-e-o, ndu yɔŋnunnin vɛlɛ o palɛi Po vanacieo ni.

Sofoni 2:3

Lelan, niaa vanaa tuisiaŋaa co o lɛŋnden coo-a, la muli hɔlla o Mɛlɛka lo. Niaa vanaa dɛnɛ sandaa, la nuwviaa ɲɛ-ɲɛ co dɛnɛ sandaa, la kindin le vaa vanaa tuisiannda. O kon mì la sɔla baŋaa o paale kɔltuwle Mɛlɛka len coo.»

Talelan 14:26

Vana nɔ pɛ siòòŋii Mɛlɛka-e ndu vannùn nila ɲulu, kani o kandà cuavaa ndɔa.

O Kandɔɔ 7:7

Mó luɛi o dɛ̀ndɔ̀ɔ́ nin a laa ndɔ, a poaa ndɔa a á laandaa poaa ndɔa, yɔŋii ndáà lo o mɛmma kpundɛma man nin.

Talelan 18:10

Kpakio diola Mɛlɛka lan la co ni, lenin vana sandaa viannun ni mò sɔla kandaa.

Talelan 10:9

Vana kela pɛ o sandei nin, o vannun yili, kɛ vana kela pɛ kela tuunduɛiyo, niinu ndɔɔ fulanin ceen.

Luke 1:6

Vanaa sandaa vanaa ŋiɔŋaa kan kpow a yɔŋnun Hala o hɔl ni, a va vɛlɛ tɔŋndan a tanala Mɛlɛka lan biyɔɔ ɲɛkɛndɛi.

2Samiɛl 22:24

I yɔŋnun vana sakpoo a ndu, mí mandan le dɛnɛ vɔɔndo tosaa.

Esekiɛl 14:14

te vanaa yáá-a ha: Noe, Daniɛl a Yɔb a va pɛ nda tɛɛn, nda pila kínɛí baŋanin yoomula ndalan le dɛnɛ nda sandaa ni. Ya Maalii, ya co Mɛlɛka-o soo nuaa ni.

O Kandɔɔ 6:18

Kɛ i yii kpemaa le nɔm ciindiaa. A co hunɔɔ luɛyɔɔ o dɛ̀ndɔ̀ɔ́ nin niaa laa nɔm, poaa nɔmnda a laandaa poaa nɔmnda.