O Kandɔɔ 6:9 - BII BILA

^9-10 Polale Noe len le yɔŋnun nden ni, ndóò velu poaa nda yáá: Sɛm, Ham a Yafɛt. Vana sandaa a vana diandaa Noe yɔŋnun vanndacieea tɛɛn o paale ndɔlen ni, o va kelaa o nɛi Hala-o coo.

O Kandɔɔ 6:9 Referans Kwoze

Luke 1:6

Vanaa sandaa vanaa ŋiɔŋaa kan kpow a yɔŋnun Hala o hɔl ni, a va vɛlɛ tɔŋndan a tanala Mɛlɛka lan biyɔɔ ɲɛkɛndɛi.

Hebreea 11:7

Le laalan Noe ndóò nɔ-o, mí Hala cɔm ndu dɛnnda vanaa ci vɔ le lan. Mí Noe luɛi sɔɛi Hala-e yii, mó toosiaa dɛ̀ndɛ̀ mamɛn bɛndoo le yungu ndɔɔ ciindiaa. Le hee, mí Noe cɔm maa dɛnnda vanndacieea o ceendo coo la niŋ te. O kon mí Hala ca ndu vana sandaa le laalan ndɔɔ.

2Piɛr 2:5

O mɛi ceen paandoo lon lende le, kɛ mó cuu mɛmma bɛnduan o ceen vanaa ndáà síná Hala le-a coo, fɔ Noe va diom Hala-o yondaa-o kínɛí o kanda ni a vanaa celen nda ŋɔmmɛw.

O Kandɔɔ 7:1

Mí Mɛlɛka dimul Noe aa: «Nɔm a yungu nɔmndo kpow, la luɛi o dɛ̀ndɔ̀ɔ́ nin, kani nɔm pilɛ kpé ya ce vana sandaa ya o hɔl o vannda ha kpow tɛɛn ni.

O Kandɔɔ 5:24

Mɛɛ o vili ceen ndɔɔ o diom pilɔɔ nin nda Hala yɛ, mó lo vannda o hɔl, kani mí Hala heelun ndu ikɛi.

Kalatea 3:11

Vana-vana Hala ci vana sandaa le tɔŋnda o co biyɔɔ lan te, kani o sɛvan aa: «Vana sandaa vanin yoomu le laalan ndɔɔ.»

O Kandɔɔ 17:1

Vɔsi Abram suili vɔsilan belaŋɔmahiɔɔlu a laŋɔmahiɔɔlu-o, mí Mɛlɛka cɔmnun ndu, mó dimul ndu aa: «Ya co Hala Vana-Kpaayaa-Kpow ni. Kela kela kɛndɔɔ ya o hɔl, mà tosa ɲɛ hɛnan ya-o.

O Kandɔɔ 5:22

Mɛɛ o velu Matusalɛm, mó tosa vɛlɛ vɔsilan kɛmɛ leyáá o diom pilɔɔ nin nda Hala, mó vialu cuavaa celen: a piaandua a à laandua.

Esekiɛl 14:14

te vanaa yáá-a ha: Noe, Daniɛl a Yɔb a va pɛ nda tɛɛn, nda pila kínɛí baŋanin yoomula ndalan le dɛnɛ nda sandaa ni. Ya Maalii, ya co Mɛlɛka-o soo nuaa ni.

SƐBƐ YƆB-O 1:1

Langbanɔ pilɛ va o lɛŋnde Us len nin diolan aa Yɔb. Vana sandaa o va ni, ndóò yeema dɛnɛ sandaa taw. Ndóò nɔ siòòŋii Hala-e, o va dɛnɛ vɔɔndo kpakpalaa.

O Kandɔɔ 2:4

Nuaa Hala cɔw halataalaa a lɛŋnden o ceendo kandɔɔ ni. Tuma Mɛlɛka Hala cɔw halataalaa a lɛŋnden-ndo,

1Piɛr 2:5

Niaa bɛɛ, la va maa powta kiyɛi, mì la sɔla luɛyɔɔ o tangul cɛi Kɔl-Diandaa nin, mì la va vanaa-solia-lasálàá diandaa, le sálàla kɔltan solio, la hɛnan Hala o Yeesu Krista nin-ndan,

Vana Kɔlkaloo 7:20

Vana sandaa co o lɛŋnden coo le, o tiwba mò tosa dɛnɛ kɛndɔɔ, o kondu haki loo.

Dɛnnda kiilaa 10:22

Má mulul ndu aa: «Kɔrnɛil co simlacinɔ vanaa cɔvaa kɛmɛa-o vem naa ni. Vana sandaa o co ni, o vo Hala-o, Yuifia kpow a co diola ndɔla kɛndɛlan dimio. Mɛlɛkanɔ diandaa Hala-o dimul ndu ni maa nɔm kɔ o ndu lo cɛinin, mò tuei ɲɛ n kɔ va ndu dimul-lo.»

Esekiɛl 14:20

hali vanaa yáá-aa kan: Noe, Daniɛl a Yɔb a va bɛɛ o lɛŋnde len nin, i co yoomu! Ya Maalii mɛnan nuaa ni, ya Mɛlɛka pɛɛn, a nɔlanin poaa ndaa te kon te cuavaa ndaa laandua baŋa le. Kɛ nda pila baŋanin yoomula ndalan le dɛnɛ nda sandaa ni.

SƐBƐ YƆB-O 1:8

Mí Mɛlɛka ɲuna ndu aa: «Vɛ̀ɛ̀ a dɔw pá Yɔb, vana ni baalaa, taasi? Vana-vana co maa ndu o lɛŋnden coo le, vana sakpoo a vana sandaa o co ni. O nɔ siòòŋii Hala-e o kpakpalà dɛnɛ vɔɔndo.»

Rɔmnda 1:17

Kani Yoongu kɛndɛ kon cɔm maa Hala siinguu vanndacieea vanaa sandaa le laalanndo. Nduyɛ laalan kon tiw. Maa mɛɛ o sɛvan yɛ aa: «Vana sandaa vanin yoomu le laalan ndɔɔ.»

Luke 23:50

Langbanɔ pilɛ va o kunda vanaa kialaa n'yamaa lelɛŋnda tɛɛn, diolan Yosɛf, vana sandaa a vana ndóò naŋ súú-o o va ni.

Luke 2:25

Nduyɛ fallo pum va Yerusalɛm, diolan Simeɔn, vana sandaa a vana óò lo o lediom coo a Hala-o o va ni, o va vana óò ciindiaanin Israɛlla-o cumndo. Hala Kɔl-Diandaa va ndu coo.

Habakuk 2:4

Vana nɔ tuula vɔɔnndan-ndo pɛ a yongaa ca, yiyannda ndɔlan la sendu le, kɛ vana sandaa vanin yoomu le laalan ndɔɔ.

Talelan 4:18

Maa ɲɛ-tengaa vavonndo nɛila vanaa sandaa la co ni. Ɲɛ-tengaa ndaa lo tengaa háá a paale kalalen.

Condii lisai 37:37

Mɛɛndan vana toɲaa, dɔw vana dendu kɔllo-o taasi. Dɛnɛ kɛndɔɔ co le siɔdii laci vana kɔlɲuloo.

2Dɛnnda lemasalan 15:17

Asa ndóò kaola Mɛlɛka a kɔl ndɔɔ kpow, kɛ o vi lende o faŋa tombun soolan Israɛl te.

O Kandɔɔ 48:15

Mó dɔaw Yosɛf duaa aa: «Hala Abraham fuɲa ni mama a Isaak fuɲa ni a tosal vallo-o, Hala landu ya hɔlla coo kabi ya co yoomu háá hau-vo,

SƐBƐ YƆB-O 12:4

Kpòkóó, i co koŋullo o Hala lo le mulio sɔlaa ndu o ba, kɛ o koŋul kon nin, i siŋnun ɲɛ mamaa caaŋaa nia o sondo fɔ́! Ya vana sandaa, ya tɛɛmbuu hoo isɔɔ loo kɛi dɛ!

1Masaa 3:6

Mí Salomɔn muli aa: «A yɔŋnun vana lo o lediom coo-o a vana nɔm baalaa, o co David fuɲa ni-o. A tosa kon le tùú o kela nɔm o hɔl o sakpoyɛi nin, o dɛnɛ sandaa nin a o toɲaa nin-ndo. Má lo o lediom coo a ndu, má ke ndu hɔ́ɔ̀, mí hɔ́ɔ́ kon va hau icali o kpɛŋɛ ndɔ lemasaa coo.

2Dɛnnda lemasalan 25:2

Mó tosa ɲɛ bɛnda Mɛlɛka o hɔl-lo, kɛ o ve a kɔl ndɔɔ kpow le.

O Kandɔɔ 10:1

Kpundɛ mɛmma bɛndoo hiovɔɔ, mí poaa Noe-a, Sɛm, Ham a Yafɛt a vialu cuawva. Yungula ndalan la yɔŋnun ndan ni:

O Kandɔɔ 5:1

Sɛbɛ diola cuavaa Adam-nda a cuavaa ndɔa imamaa co hoo ni: paale Hala cɔw vanndacieea len, mó toosiaa nda a velan ndɔɔ.

Tɔŋ miingua 18:13

Lelan niaa, la va a mandaa le Mɛlɛka Hala niaa.

2Samiɛl 22:24

I yɔŋnun vana sakpoo a ndu, mí mandan le dɛnɛ vɔɔndo tosaa.

Condii lisai 37:39

Mɛlɛka o ba cinda vanaa sandaa fula ni. Ndu co fonda mayoomu ndaa o telen dɛnɛ palaa nin ni.