O Kandɔɔ 6:7 - BII BILA

⁷ Mó dimi aa: «Fɔ mì tɛɛmbuu vanndacieaa ya cɔw haa mí soli nda o ceendo coo-a. I co vɛlɛ visia bɛndua, visia pɔm-pɔmbɔa kela lɛŋ-nda a yowva kpow tɛɛmbuu. I sina ɲɛ-ɲɛ vem ya nda cɔvɔɔ le.»

O Kandɔɔ 6:7 Referans Kwoze

Sofoni 1:3

I co vanndacieea a cɔlua tɛɛmbuu, mì tɛɛmbuu vɛlɛ yowva coocoo a suwva o peelo. I tɛɛmbuunin vanaa kɔlvesɛiya a sɔɔn nda co tosaa mà va vannda lueiyo o pɔwlan nin-ndon. I vɔɔsuunin vanacieo o lɛŋnden coo few-few. Diom ya Mɛlɛka soo-o co kon ni.»

Condii lisai 37:20

A toɲa, vanaa kɔlvesɛiya ɲumnin bómbò, yaamɔaa Mɛlɛka-a piawnin mɛɛ bil puiyaa kɛndɔɔ piaw nuaa yɛ. À ɲumnin bómbò, à ɲumnin bómbò o kumnde nin.

Talelan 16:4

Mɛlɛka toosiaa ɲɛ-ɲɛ fee a kɔlɔ. Hali vanaa kɔlvesɛiya, o toosiaa nda le paale dɛnɛ palaalen.

Talelan 10:27

Siòòŋii Mɛlɛka-e nɔu, kon bɛndi yoomoo ni, kɛ vanaa tosaa dɛnnda vɔɔnda nɛi vu le.

Osee 4:3

Lelan dɛnɛ palaa toalnin o lɛŋnden nden coo ni. Vanaa vanin icali lenin-nda kpow a ɲawnin. Visia yondoo nin a yowva coocoo bɛɛ a ɲawnin. Hali suvaa co o mɛmma ihɛllan nin-nda co hunɔɔ cuvɔɔ.»

O Kandɔɔ 6:6

Le hee, mí mɔnɛi bii ndu, mí ndu pila ɲunan ɲɛ vem ndu vanacieo cɔvɔɔ mó soli ndu o ceendo coo-o.

O Kandɔɔ 7:4

Kani o lo palɛi ndii ŋɔmmɛw mì tuisi piɔɔ bɛndu-bɛndoo o lɛŋnden coo, mò lo siaa háá palɛi belehiɔɔlu a malɔ belehiɔɔlu, mì tɛɛmbuu ɲɛ-ɲɛ co ɲɛ yoomaa.»

O Kandɔɔ 7:21

Mí ɲaa yoomaa o lɛŋnden coo kpow a vu: kandɔɔ a yowva, cɔlua, visia yondoa, visia pɔmbɔa kela lɛŋ-nda, kɔ bii a vanndacieea.

O Kandɔɔ 8:21

Mɛɛ Mɛlɛka tuei hoeyii kɛndɛi sálà kon cun, mó dimi aa: «I dow lɛnin lɛŋnden danga le kela vɔɔn vanacieo le. Kani cɔn o felengiyɛi nin, yiyan tosaa yɔŋ vɔɔndo kposon co ndu o kɔl ni. I tɛɛmbuu lɛnin ɲaa yoomaa kpede mɛɛ ya tosa o laan nuaa yɛ le.

Tɔŋ miingua 28:63

Mɛɛ Mɛlɛka ndóò naŋ kɔl le niaa dɛnɛ kɛndɔɔ tosallo a le niaa vangalaa yɛ, o naŋnin vɛlɛ kɔl lende le niaa yɛɛvɔɔ dɔvɔɔ a le niaa ciiyo diwvo. O kon, o faŋanin niaa o lɛŋnde niaa co kɔlan hiɔlɔɔ len coo.

Tɔŋ miingua 29:20

Mɛlɛka faŋanin ndu polama Israɛlla kpow tɛɛn le dɛnɛ palaa toalnin ndu coo-o, maa mɛɛ dangala co o kpema sɛvan o sɛbɛ tɔŋndo ho nin-ndo la co yɛ.»

1Samiɛl 15:11

«Mɔnɛi bii ya le hɛli ya hɛli Saul mí siinguu ndu masaa-o. Kani o mulul-la kɔɔ, o tosa sɔɔn ya dimul ndu le tosaa-on te.» Mí sɔɛi ken hiilu Samiɛl kɔllo taw, mó lɔl ɲinkon Mɛlɛka koŋullo o lani pii.

Amɔs 7:3

O kon mí ɲííye bii Mɛlɛka, mó mangala yiyanndo, mó dimi aa: «Ken tosannin te!»

Amɔs 7:6

Le hee, mí ɲííye bii Maalii, Mɛlɛka pɛɛn, mó mangala yiyanndo, mó dimi aa: «Hee bɛɛ tosannin te.»

Sofoni 1:2

«I co ɲɛ-ɲɛ basɔɔ o lɛŋnden coo selemenden! Diom ya Mɛlɛka soo-o co kon ni.

Sofoni 1:18

Volin ndan a sianin ndan nɔlanin nda ciindiaa o paale kɔltuwle Mɛlɛka len coo le few. Mɛlɛka loamnin lɛŋnden kpow a yinnde ndɔle paŋalaalen. Ì vanin sɔɛi kpundɛ bɛndu dɛ! Mɛlɛka co vanndacieea co o lɛŋnden coo-a kpow tɛɛmbuu.»

Esai 27:11

Lɛɛndun mun vesa pɛ, vannda yimi ɲaandan mun, vanlaandua hin le mun lomɔɔ. Kani vanaa nɔ kɔlkalu le-a nda co ni, lelan, vana toosiaa nda-o nɔnin iɲíí a nda le, vana cɔw nda-o tosal-lɛnin nda ikɛndɛ le.