O Kandɔɔ 6:6 - BII BILA

⁶ Le hee, mí mɔnɛi bii ndu, mí ndu pila ɲunan ɲɛ vem ndu vanacieo cɔvɔɔ mó soli ndu o ceendo coo-o.

O Kandɔɔ 6:6 Referans Kwoze

Esai 63:10

Kɛ má yɔŋnun vanaa nila kalua, má del kasi a kɔl diandaa ndɔɔ, mí ndu bɛɛ siŋnun yaamɔɔ ndaa, mí ndu pila cɔlɔba nda.

1Samiɛl 15:11

«Mɔnɛi bii ya le hɛli ya hɛli Saul mí siinguu ndu masaa-o. Kani o mulul-la kɔɔ, o tosa sɔɔn ya dimul ndu le tosaa-on te.» Mí sɔɛi ken hiilu Samiɛl kɔllo taw, mó lɔl ɲinkon Mɛlɛka koŋullo o lani pii.

Efɛsea 4:30

La tɛɛmbuu Kɔl-Diandaa Hala-o kɔl te, o niaa sɔla pondalen holɔɔ a ndu le paale baŋaa len-ndo.

Hebreea 3:10

o vɔsilan belehiɔɔlu bɛngu-o. O kon mí fula kɔllo a vannda ha, mí dimi aa: Kɔlta ndalan la co ya kɔlan levil. A sínà nɛila nilan te.

1Samiɛl 15:29

Mɛlɛka co biilu Israɛlla-o dimi lacòò le, o mangala diomndo maa vanaciee le.»

2Samiɛl 24:16

Mɛlɛkanɔ Hala-o siɛndio baa a kpengii Yerusalɛm-nde le Yerusalɛm kon tɛɛmbuuo, mí ɲííye bii Mɛlɛka, mó mangala yiyanndo. Mó dimul mɛlɛkanɔ tɛɛmbua kon aa: «O va nihau nuaa, tuisi baa.» Tuma kon kpafii, mɛlɛkanɔ Hala-o va o kpele lɔaa n'mal Haarawna Yebusiinɔ-o ikɛi.

Kundalan 23:19

Hala co vanaciee le lacòò dimi le. O co vɛlɛ po vanaciee le diom ndɔɔ mangalaa le. O dímì isɔɔ mò kɛɛ ndi tosa le, O sólìn lediom o sondo mò kɛɛ len peelu le.

Yonas 3:10

Telen Hala ce maa Ninivea co mangalanndo, má va dɛnnda ndala vɔɔnndan malɔɔ-o, mó tuinun nda iɲíí le dɛnɛ palaa ndóò kɔngɔlan le nda tuisio coo-o.

Yɔɛl 2:13

La sɛ́ɛ́siàà volɔɔla niaala cuɛinanndan o laan te, kɛ la sɛɛsiaa kɔlta niaalan, mì la muungu Mɛlɛka Hala niaa o ibuŋ. Kani o nɔ kɛndɛi a ɲííye taw. O yala kɔl tuulu le, o nɔ canyɛi taw-taw. O mangalà yiyanndo mò mal dɛnɛ palaa ndóò kɔngɔlan le tuisio-o.

Fulaa 32:14

O kon, mí Mɛlɛka ɲulul kɔl a yungu ndɔɔ, mó mal yiyan va ndu le nda kpundɔɔ tuisio coo-o.

Esekiɛl 33:11

Lelan, dimul nda maa diom Maalii Hala dimi-o co hoo ni aa: «Le yoomu nuu, i hɛnan mì vana kɔlvesɛiyo vi le, kɛ mò mangala kela ndɔ vɔɔndo haliko mò va yoomu. Le hee, la mangalan! La mal kelala niaala vɔɔnndan! Le yɛɛ nɛ niaa yeema yɛ le vuo, niaa cuavaa Israɛlla?»

Yeremi 26:19

Vɛ̀ɛ̀ diyɔɔ masaa Esekia a vannda Yuda a dii Misee le sɔɛi ken ni? A dii ndu le, kɛ má ke Mɛlɛka bɛɛlen taw, má kindin le ndu hɛnanndo. O kon mí Mɛlɛka mangala yiyan va ndu-o, o tuisi lɛ nda dɛnɛ palaa ndóò kɔngɔlan le nda tuisio coo-o coo le. Kɛ te naa naa n dii pɛ langbanɔɔ ho, mɛɛ n co dɛnɛ palaa bɛndoo tuisin coo.»

1Dɛnnda lemasalan 21:15

Mí Mɛlɛka viam mɛlɛkanɔɔ Yerusalɛm le kobi kalaa tɛɛmbuuo. Kɛ o lo ndu tɛɛmbuuo, mí Mɛlɛka tofa, mí mɔnɛi bii ndu a dɛnɛ kon, mó dimul mɛlɛkanɔ tɛɛmbua kon aa: «O va nihau nuaa! Tuisi ba nɔmndo.» A telen kon, mɛlɛkanɔ Hala-o va isisi o kpele lɔaa n'mal Ɔrnan Yebusiinɔ-o ikɛi.

Esai 48:18

Éé, te niáà yaŋ pɛ nilan o tɔŋnda nilan mi niáà bii lan, kɔlɲulu niaa ndóò vanin maa mɛmma pee bɛndu, dɛnɛ kɛndɛ niaa ndóò kuinin maa tindima mɛmma ihɛllan,

Condii lisai 106:45

mó yiyan le kpema ndóò yiilu nda-o. Le tùú o kaola nda taw-vo, mó mangala tuu ndóò tuu kon-ndo,

1Samiɛl 15:35

Háá mi Samiɛl vu, a ciikan ndɛ nda Saul te. Samiɛl va caŋndo taw le Saul. Mí mɔnɛi bii Mɛlɛka le tùú ndóò hɛli Saul mó suili ndu masaa Israɛl-lo.

Tɔŋ miingua 32:36

Kani Mɛlɛka kialunin yamɛi vanaa ndɔa. O tuinunnin vanaa baalaa ndɔa iɲíí lɔ́ɔ́ o canin maa yoomuma ndan maa cuu-o, telen o canin maa cɛ co lɛ le, hɔ́ɔ́ co lɛ loo.

Tɔŋ miingua 32:29

Bau te ndáà nɔ pɛ kɔlkaloo, ndáà biinin dɛnɔɔ ho bila, ndáà dɔawnin ɲɛ co nda cumndo-o taasi.

Tɔŋ miingua 5:29

Te ndáà lo niko pɛ o yiyan kɛndɔɔ ho coo, mì ndáà biilu ya a bɛɛlen, mì ndáà kela lepalaa-lepala o tɔŋnda nilan biyɔɔ nin, ɲɔɔ ndóò naŋnin bɔɔ, haliko mi nda a cuavaa ndaa imamaa ndáà sɔla dɛnɛ kɛndɔɔ le lɔ́ɔ́-lɔ́ɔ̀.

Nsaki 1:17

Ɲɛm-kéan kɛndɔn kpow a ɲɛm-kéan peelunndon kpede, coocoo n co fulaa ni, Pau Hala o ba. Vana cɔw ɲɛ-tengaa kpow-vo. Nduyɛ, o màngàlannin te, hali ɲɛ-pɔmbɔ.

Hebreea 3:17

A nɛ̀ɛ́-nɛ̀aa Hala fula yɛ kɔllo o vɔsilan belehiɔɔlu bɛngu? A vanaa tosa hakio, má sɔla piɔ́mndo o lɛŋnde veselɛilen nin-nda.

Malasi 3:6

«Ya Mɛlɛka, i yɛlɛman te. Niaa niaa, cuavaa Yakɔb-a tuŋ niaa co ni.

Osee 11:8

Vɛ̀ɛ̀ ya nɔla yɛnin niaa kɛɛ, niaa cuavaa-imamaa Efraim-nda? Éé niaa Israɛlla, vɛ̀ɛ̀ ya tiw yɛnin ba mì yii niaa dúmbú? Vɛ̀ɛ̀ ya nɔla yɛnin mì tosal niaa maa kobio Adma, te kon te mì siinguu niaa maa kobio Seboyim? Kɔllo hiilun ya nin, ɲííye bii ya taw-taw.

Condii lisai 119:158

I co vanaa bii isɔɔ le-a tofaa a nɛyɔnndo, kani a co ɲɛ n dimio biyɔɔ le.

Condii lisai 110:4

Mɛlɛka cii mɛnan aa: «Nɔm, a vanin vana-solia-lasálàá le fɛɛn a fɛɛn maa Mɛlkisedɛk.» O mangala lɛnin sɔɛi ndɔɛi ken te.

Condii lisai 95:10

O vɔsilan belehiɔɔlu bɛngu, polale len le hɛnan ya le, mí dimi aa: Vannda ha sinà ɲɛ ya yeema-o le.

Condii lisai 81:13

Le hee, mí mal nda a bɛɛlala ndalan, má tosa yiyannda nda pila lan.

Condii lisai 78:40

Telennda bɔɔ-bɔɔ, a va Hala simullo o lɛŋnde veselɛilen nin, má va ndu tiŋɔɔ o fondala vesɛilan.

Rɔmnda 11:29

Kani ke Hala-o a veelu ndɔɔ mangalan te.

O Kandɔɔ 6:7

Mó dimi aa: «Fɔ mì tɛɛmbuu vanndacieaa ya cɔw haa mí soli nda o ceendo coo-a. I co vɛlɛ visia bɛndua, visia pɔm-pɔmbɔa kela lɛŋ-nda a yowva kpow tɛɛmbuu. I sina ɲɛ-ɲɛ vem ya nda cɔvɔɔ le.»

Yeremi 18:7

Lɔ́ɔ́ lepum, mì soo a lɛŋnden, te kon te a masalen lepum o kɔɔ, mì yiyan le sungɔɔ, le puusiaa a le tɛɛmbuuo.