O Kandɔɔ 6:5 - BII BILA

⁵ Mí Mɛlɛka ca maa kɔlvesɛi vanndacieea va hiovɔɔ laci o ceendo coo tuŋ, mó ca maa lepalaa-lepala, yiyannda vɔɔnnda va nda o lakɔl-tan la va nda lueiyo o dɛnɛ vɔɔndo nin.

O Kandɔɔ 6:5 Referans Kwoze

Matie 15:19

Kani o kɔllo nin yiyannda vɔɔnndan, yeemɛi diyaa n'vanndacie-e, tiɔmɔɔ, suundaa, vuilen, seile lakafalen timbio a vannda diolan tɛɛmbuuo fula ni.

Yeremi 4:14

«Yerusalɛm, dindin kɔl, haliko ma sɔla cindaa. Háá telen kuɛɛ kpeekpei n solin yɛnin yiyannda vɔɔnndan o kɔl?

Yeremi 17:9

Ɲɛ-ɲɛ hui vana maa kɔl vanacieo le. Vana nɔla ndu singio le, vana nɔla ndu bɛɛ bila biyɔɔ le.

Vana Kɔlkaloo 9:3

Dɛnɛ vɔɔn komal vannda kpow o paalen bɛngu-o co hoo ni: ɲɛ pilɔɔ kpé komal vanndacieea ni. Yɔŋ vɔɔndo a diɔmii sondo vesɛiye koni nda co tosaa telen nda co yoomu-o ni, o kon kɔɔli, a vinnun.

Vana Kɔlkaloo 7:29

Mí ca ma Hala cɔw vanndacieea a sandaa, kɛ nda pila co ɲɔɔ kayakayaa ni.›»

O Kandɔɔ 8:21

Mɛɛ Mɛlɛka tuei hoeyii kɛndɛi sálà kon cun, mó dimi aa: «I dow lɛnin lɛŋnden danga le kela vɔɔn vanacieo le. Kani cɔn o felengiyɛi nin, yiyan tosaa yɔŋ vɔɔndo kposon co ndu o kɔl ni. I tɛɛmbuu lɛnin ɲaa yoomaa kpede mɛɛ ya tosa o laan nuaa yɛ le.

Condii lisai 53:2

Diɔmnda co dimio o kɔlta ndalan nin aa: «Hala co le.» A cuu laasian, má tosa dɛnnda nɔɔlɛilan, vana-vana co dɛnɛ kɛndɛ tosa o nda tɛɛn te.

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

Esekiɛl 8:9

Mó dimul-la aa: «Luɛi mà mɛɛndan dɛnnda lamààla bɛndula nda co tosaa nanu-an!»

O Kandɔɔ 13:13

Nduyɛ, vanaa laasiannda yungoo Sodɔm va ni. Yɔŋ vɔɔndo pila nda va tosaa a Mɛlɛka ni.

Esekiɛl 8:12

Mó ɲuna ya aa: «Po vanacieo, a ce ɲɛ kaasoŋaa kɔlkalua Israɛlla co tosa o ɲumndan nin-ndo nɛ? Vana-vana nɔ piɔmndo o cɛi ndɔ máándo nin, kani a co dimio aa Mɛlɛka co naa cɔ le, o faŋal lɛŋnden hɔlla.»

Talelan 6:18

kɔl tuu tuula yɔŋ vɔɔnndan-ndo, pelun ɲaanun le kɔlan dɛnɛ vɔɔndo tosaa-on,

Tɔŋ miingua 29:19

Mɛlɛka cɛlnin le ndu hakio malɔɔ le. Kɛ kɔltuw Mɛlɛka-o a paŋala ndɔɔ toalnin vana kon coo. Dangala sɛvan o sɛbɔɔ ho nin-ndan la toalnin ndu coo, mì Mɛlɛka ɲumi diola ndɔlan o ceendo coo.

SƐBƐ YƆB-O 15:16

vɛ̀ɛ̀ o laalan yɛnin vanacieo, ó laasian hoo mó fula o báánin-ndo? Ó co hoo dɛnɛ sandaa lepɛŋndo kolɔɔ maa mamɛn-ndo!

Matie 24:37

Kani, mɛɛ ɲɔɔ yɔŋnun o palɛi Noe-e yɛ, lende hunɔɔ Po vanacieo vanin ni.

Luke 17:26

Ɲɛ yɔŋnun o palɛi Noe-e-o, ndu yɔŋnunnin vɛlɛ o palɛi Po vanacieo ni.

1Piɛr 3:20

Kɔlta tosa lɔ́ɔ́ kon nila kalulan-ndan, telen biuvɔn Hala-o va vɔ hiovɔɔ laci-o, o palɛi Noe va dɛ̀ndɛ̀ bɛndu vanaa bɔɔ luei lenin too siɔlɔɔ-e bɛngu. Vanaa ŋɔmaa kpé a sɔla cindaa o mɛmma man nin ni.

SƐBƐ YƆB-O 22:15

Vɛ̀ɛ̀ a yeema ma lo kelaa o nɛi paandoo coo, nɛi vanaa yɔŋnda vɔɔnda kela coo-o?