O Kandɔɔ 6:4 - BII BILA

⁴ Boondii ken vanaa vilɛi-vilɛiya va o lɛŋnden coo ni. Mí ndáà va vɔ vɛlɛ o kon kɔɔli. Nda yɔŋnun kuubaa cɔvaa masindɛa ni, tɔ́ɔ́ pila ndáà nɔ ni. Tuma poaa Hala-a hun cua cuavaa laandua vanndacieea o nɔ̀lan-ndo nda velu vanaa vilɛyaa kan ni.

O Kandɔɔ 6:4 Referans Kwoze

Kundalan 13:33

Mí n ca vɛlɛ vanaa vilɛi-vilɛiya lon, cuavaa-imamaa Anak-a pɛɛn, a fula o polale vanaa vilɛyaa kan nin-nda. Tuma naa n tiiya vanaa kan o hɔl-lo, naa pila n va cɔnnɔnndo maa n'sóónɔ, lende koni nda bɛɛ va naa cɔu ni.»

Tɔŋ miingua 3:11

Ɔk va kon masaa Basan-ndo ndu pilɛ kpé lo yoomu o Refaimnda nin ni. Kpele n'cilinndo kpele ndɔ hinia va ni. O co vɔ háá paalen nden o kobio Raba nin, kobi poaa Amɔnnda pum pɛɛn. Kpele kon bandii ndɔɛi va dunndo leŋɔmahiɔɔlu, buo dunndo lehiɔɔlu, dun vanacieo pɛɛn.»

1Samiɛl 17:4

Mí vana cɔwvo pum fula o dɔ́ɔ́ngɔ́ Filistia nin, mó hun sim kundala tiɔnnda vanaa cɔvaa kan tɛɛn, diolan ndɔlan aa Koliat. O kobio Kat nin ndóò fula ni. Bandii ndɔɛi va le dunndo leŋɔmpum a suon piasaa lepilɛ.

Kundalan 16:2

le Moise simullo. Mó cua vɛlɛ Israɛlaa celen kɛmɛ lediin a beleŋuɛɛnu, bolii lapangɛi a vanaa ndáà ke bɛɛlen o kafolan coo-a vanaa kan va ni, vanaa tɔ́ɔ́-a nda va ni.

O Kandɔɔ 11:4

Má dimulan vɛlɛ aa: «N tangulun kobio, mì n baŋnun cɛi coocoo, mì bolle ndɔlen le tiiya háá o halataala. N tosa pɛ lende, n pɛlnun ladio, handɔɔ o kon coo, n ve lɛnin a saŋnannda o lɛŋnden coo le.»

Tɔŋ miingua 2:11

Emimmaa kan bɛɛ, maa Refaimnda vannda ce nda ni mɛɛ nda ce cuavaa-imamaa Anak-a yɛ, kɛ vannda Moab va nda veeloo ni aa Emimnda.