O Kandɔɔ 6:18 - BII BILA

¹⁸ Kɛ i yii kpemaa le nɔm ciindiaa. A co hunɔɔ luɛyɔɔ o dɛ̀ndɔ̀ɔ́ nin niaa laa nɔm, poaa nɔmnda a laandaa poaa nɔmnda.

O Kandɔɔ 6:18 Referans Kwoze

Hebreea 11:7

Le laalan Noe ndóò nɔ-o, mí Hala cɔm ndu dɛnnda vanaa ci vɔ le lan. Mí Noe luɛi sɔɛi Hala-e yii, mó toosiaa dɛ̀ndɛ̀ mamɛn bɛndoo le yungu ndɔɔ ciindiaa. Le hee, mí Noe cɔm maa dɛnnda vanndacieea o ceendo coo la niŋ te. O kon mí Hala ca ndu vana sandaa le laalan ndɔɔ.

O Kandɔɔ 7:7

Mó luɛi o dɛ̀ndɔ̀ɔ́ nin a laa ndɔ, a poaa ndɔa a á laandaa poaa ndɔa, yɔŋii ndáà lo o mɛmma kpundɛma man nin.

O Kandɔɔ 17:7

Kpema ya yii hoo-o co va naa tɛɛn naa nɔm, a naa tɛɛn naa cuavaa nɔmaa imamaa le fɛɛn a fɛɛn, haliko mi va Hala nɔmndo a Hala cuavaa nɔmaa imamaa nɔm kɔɔli.

O Kandɔɔ 7:13

Paale len Noe luɛi o dɛ̀ndɔ̀ɔ́ nin nda laa ndɔ, poaa ndɔa yáá-a Sɛm, Ham a Yafɛt, a laandaa poaa ndɔa ni.

Esai 26:20

Lelan, niaa co vanaa niaa-a, la kɔ, la luɛi o cɛila niaala lɔlaalan nin mì la kindan koŋndan niaa kɔɔli, la kɔ vionnun ndon le telen bingi háá mi kɔltuwvo ɲulul.

2Piɛr 2:5

O mɛi ceen paandoo lon lende le, kɛ mó cuu mɛmma bɛnduan o ceen vanaa ndáà síná Hala le-a coo, fɔ Noe va diom Hala-o yondaa-o kínɛí o kanda ni a vanaa celen nda ŋɔmmɛw.

1Piɛr 3:20

Kɔlta tosa lɔ́ɔ́ kon nila kalulan-ndan, telen biuvɔn Hala-o va vɔ hiovɔɔ laci-o, o palɛi Noe va dɛ̀ndɛ̀ bɛndu vanaa bɔɔ luei lenin too siɔlɔɔ-e bɛngu. Vanaa ŋɔmaa kpé a sɔla cindaa o mɛmma man nin ni.

O Kandɔɔ 7:1

Mí Mɛlɛka dimul Noe aa: «Nɔm a yungu nɔmndo kpow, la luɛi o dɛ̀ndɔ̀ɔ́ nin, kani nɔm pilɛ kpé ya ce vana sandaa ya o hɔl o vannda ha kpow tɛɛn ni.

O Kandɔɔ 17:21

Kɛ a Isaak ya co hunɔɔ kpema nuu yii ni, po Sara laa nɔm vilulnin nɔm a boondei he ɲinasiaŋ-ndo pɛɛn.

O Kandɔɔ 17:4

«Kpema ya co nɔm yiilu-o co hoo ni: a siŋnunnin fuɲa-mamaa le vanaa-mangalaa-isɔɔa súúlan taw.