O Kandɔɔ 6:11 - BII BILA

¹¹ Kɛ vanndacieea telen kon a va a laasiannda Hala o hɔl, yɔŋ vɔɔndo va tosanndo nɛɛ-nɛɛ ka.

O Kandɔɔ 6:11 Referans Kwoze

Esekiɛl 8:17

Mó ɲuna ya aa: «Po vanacieo, a ce vɛlɛ hee le? Vɛ̀ɛ̀ polale Yuda len le hini vɔ kɔl a dɛnnda nɔɔlɛila nda co lan tosaa nanu lan te? A cii lɛŋnden pei ca a kɔlvesɛiyo, a co pɛngi ya kɔllo tuuloo le. Nda pila co lɛwve sɔɔnguuo o milinnda ndalan.

Habakuk 2:8

Le tùú niaa poondiaa lɛŋii bɔɔ-bɔɔ ɲɔɔn o laba-o, niaa bɛɛ, lɛŋii tɔ̀ɛi poondiaanin ɲɛm niaan le vanaa niaa diw-va, le kafala niaa tosa o lɛŋnden nin-ndan a le delɔɔ niaa del kobio a vanaa co lenin-nda coo-o.

Rɔmnda 3:19

Nduyɛ, n sinà maa sɔɔn kɛ́-kɛ̀ tɔŋndo dimi, vanaa co o tɔŋndo bɛngu-a n dimulun ni, haliko mi sondolan kpow la kumbun, o kon mì vana-vana sɔla yaalaa Hala o hɔl.

Rɔmnda 2:13

O co le tɔŋndo tueyɔɔ le vana sɔla dío Hala o hɔl te, kɛ vanaa co tɔŋndo biyɔɔ-a, nda Hala kenin dio ni.

Esekiɛl 28:16

Kɛ le yulale va nɔm yelelallo len, má pia a kɔlvesɛiyo, má tosa hakio. Le hee, mí faŋa nɔm o pembii Hala-e coo, nɔm mɛlɛkanɔ kanda ɲɛm Hala-on-ndo, mí soli nɔm o powta ŋɛlɛngi-ŋɛlɛngilan tɛɛn po.

Esai 60:18

Vana tui lɛnin dɛnɛ kɔlvesɛiyo tɔ́ɔ́ o lɛŋnde nɔmnde nin te, vana tui lɛnin dɛnɛ tambɛiyo a ɲɛ puusiɛiyo tɔ́ɔ́ o pɛɛngula lɛŋnde nɔmnden te, a kenin kpakila nɔmndan diolan aa «Cindaa» mà ke diola luɛyaala nɔmndan diolan aa: «Lisaa.»

Luke 1:6

Vanaa sandaa vanaa ŋiɔŋaa kan kpow a yɔŋnun Hala o hɔl ni, a va vɛlɛ tɔŋndan a tanala Mɛlɛka lan biyɔɔ ɲɛkɛndɛi.

Habakuk 2:17

Dɛnnda vɔɔnnda niaa tosa Liban-ndan la mingulunnin niaa pila: la diw visia mí la tɛɛmbuu lɛŋnden, kobilan a vanaa va lenin-nda kpow.

Habakuk 1:2

Éé Mɛlɛka! Háá lɔ́ɔ́ kuɛɛ ya lo yɛnin nɔm veeloo le malaa sɔlaa nɔm o ba? Nɔm yɛ a co lani yaŋɔɔ le. Háá lɔ́ɔ́ kuɛɛ ya lo yɛnin yondaa a dɛnɛ vɔɔn co tosanndo-o o kɔɔ? Nɔm yɛ a co naa baŋa le.

Yeremi 6:7

Maa mɛɛ soon kólaa soli mɛnndan vasu-vasu yɛ, lende o soli dɛnɛ ndɔ vɔɔndo vasu-vasu ni. Vana tui sɔɛi celen ndon te, fɔ vannda saangiaa a dɛnɛ vɔɔndo tosaa, ɲɛ ya co cɔu lɔ́ɔ́-lɔ́ɔ̀-o co ɲɛ nɛyaa a boolɔnndan ni.

Condii lisai 140:11

Màá dɛngulta sɔngɔɲɔnndan la deli nda coo! Màá a kɔ o yinnden nin, o soon yingilaa nin, nɛɛ nda cen ndɛnin lɔ́ɔ́-lɔ́ɔ̀ le-a!

Condii lisai 55:9

I va keleŋa poondan mì yáà nuwviaa nɛɛ viannannda. I va hoeyii fùkù-fùkùei a felenfelenndo hiovɔɔ keleŋaa.

Condii lisai 11:5

Mɛlɛka co vana sandaa a vana kɔlvesɛiyo taasio dɔvɔɔ. Vana yeemaa dɛnɛ vɔɔndo-o nɛinun ndu.

O Kandɔɔ 13:13

Nduyɛ, vanaa laasiannda yungoo Sodɔm va ni. Yɔŋ vɔɔndo pila nda va tosaa a Mɛlɛka ni.

O Kandɔɔ 10:9

Doosunɔ-málà bɛndoo pila o yɔŋnun Mɛlɛka o hɔl ni. Lelan vannda ndáà dimi taloo ni aa: «Doosule yelelal vana maa Nimrɔd siŋnun doosunɔ-málàá Mɛlɛka o hɔl-lo.»

2Dɛnnda lemasalan 34:27

Le tùú sɔɛi ndu Mɛlɛka dimi a fondaa ho a á vanaa co lenin-nda o kɔɔ-e i pilan ndu masaa kɔllo, mó tuisin tootoo mɛlɛka o hɔl-lo, le tùú o tuisin tootoo mó sɛɛsian volɔɔlan lekɔɔ-o, le tùú o yaŋ vɛlɛ Mɛlɛka nilan-ndo, Mɛlɛka bɛɛ tuei ndu diom. Sɔɛi Mɛlɛka dimi-e co ken ni.

O Kandɔɔ 7:1

Mí Mɛlɛka dimul Noe aa: «Nɔm a yungu nɔmndo kpow, la luɛi o dɛ̀ndɔ̀ɔ́ nin, kani nɔm pilɛ kpé ya ce vana sandaa ya o hɔl o vannda ha kpow tɛɛn ni.

Fulaa 32:7

Mí Mɛlɛka dimul Moise aa: «Tol ma muungu, kani vanaa n soli haa o lɛŋnde Esipte len nin-nda laasian.

Tɔŋ miingua 31:29

Kani i sina maa te i vi pɛ, la co koma laasian, mì la faŋan o nɛi ya cɔm niaa-o coo. La tɛɛmbuunin Mɛlɛka kɔllo siɔdii laci a dɛnnda niaala vɔɔnnda niaa vanin tosaa lan, mì dɛnɛ palaa tol niaa coo taw-taw.»

Masaa kialaa n'yamaa 2:19

Kɛ te masa kialaa n'yama kon ndóò vi dɔ́ɔ́ pɛ, ndáà cɔɔlu muungu o laasianndo nin a halaa celennda sooloo a nda vulan baŋɔɔ o labɛngunin. A ve ɲɛ-ɲɛ faŋa lecoo o dɛnnda ndala vɔɔnndan nin a o kela nda lanila kaloo nin te.