O Kandɔɔ 50:5 - BII BILA

⁵ fuɲa nuu vem ya mɛnanndo, mó dimul-la aa: ‹Má cè ya hunɔɔ vuo! I cii nin sɛiyo tovɔɔ o lɛŋnde Kanaan-nden nin, lon n bɛnda le ya kɔlan kumbɔɔ ni.› Lelan, a yandi, o cɛl, mì heelu Kanaan, mì kɔ kumbu fuɲa nuu. Te i cii pɛ ndu kumbɔɔ, i muungu nanu.»

O Kandɔɔ 50:5 Referans Kwoze

Esai 22:16

«Yɛɛ nɛ n nɔ yɛ nanu? Vanayɛi súú yɛɛ n nɔ yɛ nanu? Le sabu yɛɛ nɛ n co yɛ nɔm pila sɛiyo tuwnɔnndo o fonda yesaa coo? Le kɔlɔ yɛɛ nɛ n co yɛ yiyaa nuwviaa o soondo nin lɛŋ?

2Dɛnnda lemasalan 16:14

Má kumbu ndu o sɛi ndóò tuwnun o Kobi David-o nin-ndo nin. Má yambu ndu o fonda vanaa toosiaa ansan-nda ndáà kɛsi lasikɔlɔ súú-súù ka-o coo. Má loam ansan taw-taw le ndu bɛɛle keo.

Matie 27:60

mó kɔ kɛsi mun o sɛi ndu pila ndóò tuwnun o powvo nin-ndo nin. O kon kɔɔli, mó ɲindu pow bɛndoo pum o sɛiyo sondoo, mó kɔannun.

Vana Kɔlkaloo 12:7

mì diallon muungu o cundoo nin, nɛɛ n fula-a, mì yoomoo muungu Hala yɔngu ndu-o o ba,

Vana Kɔlkaloo 12:5

Siòònde biinin vannda le helɔɔ o fondala yesalan coo, mà buulan le balɔɔ o nɛilan coo. Yiinde muungunin nda o lebol ihumbu mɛɛ yɔmndo yandu peengela humbulan nuaa yɛ. Diallon lusulnin vannda mɛɛ sóónɔɔ lusulun mò del nuaa yɛ. Mɛɛ kullon deli o yɔmndo nuaa yɛ, lende ceendo hiawnin ni. Paale len, vana-vana kɔanin ciee-piɔ́m, calta ndɔla mɛɛlaalan la co lan ni. Vanaa caŋaa vanin pɔɔ hiiliaa o nɛilan coo.

Vana Kɔlkaloo 6:3

Mì vana pum velu cuawva kɛmɛ, mò viow yoomu vɔsilan taw-taw, kɛ mɛ̀ɛ́-mɛ̀ɛ́ o palɛi ndɔɛi bandu bɛɛ, te o ve o dɛnɛ kɛndɛ nin te, te sɔla bɛɛ kumbɔɔ kɛndɛ le, tɔnɔ yɛɛ co yɛ o kon nin? I ce maa hɔ́ɔ́ velun o vilɛiyo-o co fisa a vana kon.

Condii lisai 79:3

Má cuuŋuu kooma ndan lɛŋ maa mamɛn o kobio Yerusalɛm balɔɔ sɔ́, vana sɔlan le nda kumbɔɔ le.

SƐBƐ YƆB-O 30:23

I sina maa ciee-piɔ́m n co ya yɔ̀ɔ́ ni, nɛɛ ɲaa yoomaa kpede kɔa bɔɔŋianndo-a pɛɛn.

1Samiɛl 14:43

O kon mí Saul dimul Yonatan aa: «Cɔm ya ɲɛ n tosa-o.» Mí Yonatan mulul ndu aa: «Sionnde va ya o ba len ya vow hɔllo o lɛan nin ni, mí deembuu. Te i va vu pɛ, i vu!»

Tɔŋ miingua 4:22

Ya ya, i co vu o fondaa ho nanu, i teŋnin peo Yurdɛn te. Kɛ niaa, la co ndu taŋɔɔ mì la kɔ hiɔlu lɛŋnde kɛndɛle len.

O Kandɔɔ 50:24

Mɛɛ piɔ́m ndɔɔ va le tiiyaa, mó dimul yungu ndɔɔ aa: «I co hunɔɔ vu, kɛ Hala melnin niaa le. O co niaa hunɔɔ soli o lɛŋnden nden nin, mò yɛɛ niaa o lɛŋnde o yiilu sindɛ Abraham, Isaak a Yakɔb kpemaa le nda yɔngoo len nin.»

O Kandɔɔ 48:21

O kon kɔɔli, mí Israɛl dimul Yosɛf aa: «Piɔ́m nuu bendu lɛ le. Kɛ Hala co va niaa ikɛi, mò mingi niaa o lɛŋnde fuɲaa niaa mamaa nin.

O Kandɔɔ 3:19

Lɔ́ɔ́ pá ma sɔlá nin ɲɛdiaa nɔmndo, fɔ ma kelun lalle o itendu. A lonin lende háá mà muungu lɛŋ, nɛɛ n fula-a. Kani a puuloo n cɔwnun ni, lelan o puuloo nin n co vɛlɛ muungu ni.»

O Kandɔɔ 50:4

Mɛɛ palɛi biisiei cuu, mí Yosɛf dimul vanaa bɛndua va vallo o Faraɔnnɔɔ lo cɛinin-nda aa: «A yandi, la soli ya o bahavɛiyo ho nin, la kɔ dimul-la Faraɔnnɔɔ maa

O Kandɔɔ 50:6

Mí Faraɔnnɔɔ mulul Yosɛf aa: «Kɔ ma kɔ kumbu fuɲa nɔm mɛɛ o vem nɔm mɛnanndo má cua kpemaa yɛ.»