O Kandɔɔ 49:8 - BII BILA

⁸ Nɔm Yuda yɛ, nɔm puapilɛa nɔmnda candunin ni. A nangunin yaamɔaa nɔmnda mundulan a yoomuma nɔmndan. Poaa fuɲa nɔm-nda baŋnin vulan nɔm o labɛngunin.

O Kandɔɔ 49:8 Referans Kwoze

Hebreea 7:14

Vana-vana sínà maa o polale Yuda len nin Maalii naa fula ni. Nduyɛ telen Moise va sɔɛi vanaa-solia-lasálàá dimio-o, o dimi ɲɛ-ɲɛ a polale len o kɔɔ le.

O Kandɔɔ 27:29

Màá vanaa-mangalaa-isɔɔa tosal nɔm baalaa, mì vannda tundun nɔm o labɛngunin! Màá piɔlnun ladio puapilɛa nɔmnda coo, mì ndepilɛa nɔmnda baŋ vulan nɔm o labɛngunin! Vana-vana dɔw nɔm pɛ danga, dangaa co le ndu. Vana-vana dɔw nɔm pɛ duaa, duaa co le ndu.›»

1Dɛnnda lemasalan 5:2

Nduyɛ, Yuda ndóò hiow puapilɛa ndɔa kpow kpaayaa, o polale ndɔlen nin masa bɛndu Israɛlla fula ni, kɛ le Yosɛf fonda ikaasonyaa va nin ni.

Yosue 10:24

Ndáà solio masaa ŋuɛɛnua kan, má yàà nda o Yosue lo. Mí Yosue veelu Israɛlaa piaandua kpow, mó dimul simlacia vanaa cɔvaa o kɔɛ latulu o cɔwvo-a aa: «La sɔɔnguu mì la handu masaa ŋuɛɛnua ha pelon o n'kɛsu.» Má sɔɔnguu, má handu nda pelon o n'kɛsu.

Tɔŋ miingua 33:7

Mó dɔaw polale Yuda len duaa aa: «Éé Mɛlɛka! Yaŋ polale Yuda len nilan. Mingi nda o vanaa ndaa lo. Màá bala ndalan la cɔlɔba le nda! Màá nɔm pila va vana malaa ndaa le yaamɔaa ndaa cɔlɔbaa!»

O Kandɔɔ 29:35

Mó cua vɛlɛ folio, mó vialu hɔ́ɔ́ piaandoo. Mó dimi aa: «O laan ndu, i candunin Mɛlɛka. Lelan o ke ndu diolan ni aa Yuda (velanndo pila diola lan la velan a dimio ni aa: O candu).» O kon kɔɔli, mo pɛngi violɔɔ.

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

Dɛnnda cɔɔmuanndan 5:5

O kon mí bɛndua yuuvɛiyaa kan o pilɛ dimul-la aa: «Caŋ te, tofa yàlá fula o polale Yuda len nin-ndo, o co pulun David-on-ndo. O nɔla mò kumbi sɛbɔɔ ho a tɔɔmaselela ndɔla ŋɔmmɛwlan.

Hebreea 10:13

Lon o co lo cumndo ni, mì Hala kɛsi yaamɔaa ndaa ndu o pelon bɛngu.

Esekiɛl 21:29

Le hee, la tuei-yɔ diom Maalii dimi-o, Mɛlɛka pɛɛn: ‹Le tùú niaa yiyalan ya tɛɛmbuu niaa, mí la soli hakila niaalan ceen-ndo, le tùú niaa cɔm yɔŋnda vɔɔnda niaalan kpendekele o dɛnnda niaalan kpow nin-ndo, le tùú niaa pila yɔngu vannda yiyanndo a hakila lan o kɔɔ-o, la co ndu delɔɔ o ba mò bii niaa.

Esai 9:7

«Maalii yɔngu cuavaa Yakɔb-a yoongoo, mí yoongu kon del Israɛlla coo.

Condii lisai 76:1

Condii Asaf-e, í fula o condun simlacinɔ vanaa n'condua nin-nde. A ɲɛ-caa iyoo o soli condei he ni:

2Dɛnnda lemasalan 30:11

Kɛ nduyɛ, mí vanaa pum, fulaa o polama Asɛr, Manase a Sabulɔn-ndan nin a tuisin, má kɔa Yerusalɛm.

2Dɛnnda lemasalan 17:2

Mó kɛsi kundala vanaa cɔwva o kobila mayoomula va o tàndá Yuda-o nin-ndan kpow nin. Mó kɛsi vɛlɛ vanaa cɔwva o lɛŋnde len nin a o kobila Asa fuɲa ndɔ ndóò hɛlu polale Efraim-nden o ba lan nin.

2Dɛnnda lemasalan 15:9

Mí Asa cuungiaa Yudaa a polale Bɛnyamɛn-nden, mó cuungiaa vɛlɛ Israɛlaa fula o polale Efraim-nden nin, o polale Manase len nin a o polale Simeɔn-nden nin mí ndáà kɔa o vionnɔnndo nin ndu o ba bɛngu-a, kani Israɛlaa bɔɔ-bɔɔ cɔu maa Mɛlɛka Hala ndɔɔ va ndu ikɛi, má del ndu kɔɔli.

2Dɛnnda lemasalan 14:8

Mí Sera Etiopiinɔ kuel nda a vanaa cɔwva milionndo o pilɛ a á ɲɛla ɲaanannda soa nan-ndan kɛmɛ leyáá, mó tiiya háá Maresa.

2Samiɛl 24:9

Mí Yoab hun downun masaa David kona aa: «O Israɛlla tɛɛn, vanaa cɔvaa caa mɔɛi cɔwve hiŋndo ɲɛkɛndɛi-ya va faw-faw vanpiaandua vaalan kɛmɔɔ leŋɔmaa. O Yudaa tɛɛn yɛ, a va faw-faw vaalan kɛmɔɔ leŋuɛɛnu.»

2Samiɛl 22:41

Nɔm co yaamɔaa nia tovɔɔ ya laci ni, i co vanaa nɔ nɛyɔn nuu-a diwvo.

2Samiɛl 5:3

O kon mí kaasoŋaa kɔlkalua Israɛl kpow a kɔa Hebrɔn nɛɛ masaa David va-a, mí David yii kpemaa a nda Mɛlɛka o hɔl Hebrɔn ndon. O kon kɔɔli, má pɔla David, mó siŋnun masa Israɛlla.

Masaa kialaa n'yamaa 20:18

O kon mí Israɛlla kɔa Betɛl, má ɲuna Hala le vanaa tasea va lakɔ o polama ndan tɛɛn le vanaa fula o polale Bɛnyamɛn-nden nin-nda delɔɔ coo a cɔwvo-a sinaa. Mí Mɛlɛka hɛli polale Yuda len.

Kundalan 26:22

Yungula fula Yuda o ipulu lan la yɔŋnun ndán ni. Kpow-kpow, a va vanpiaandua vaalan belaŋɔmmɛw a laŋɔmpum a kɛmɛ leŋuɛɛnu (76 500).

Kundalan 10:14

Polale Yuda len fɔlɔn le cɛn kɔlan a lɛfɛ ndaa ni a kundala va polale len kɔɔli lan. Kundala lan la yɔŋnun ndan ni: kundala Yuda lan, simlacinɔ ndaa va Naasɔn, po Aminadab-o ni,

Kundalan 1:27

Má cɔm vanpiaandua vaalan belaŋɔmmɛw a lahiɔɔlu a kɛmɛ leŋɔmpum (74 600).

O Kandɔɔ 46:12

Poaa Yuda-a yɔŋnun Ɛr, Onan, Sela, Perɛs a Sera ni. Kɛ Ɛr nda Onan ndáà vi nin o lɛŋnde Kanaan-nden nin. Mí Perɛs vialu Hɛsrɔn a Hamul.

O Kandɔɔ 42:6

Yosɛf va lɛŋnde Esipte len kpow bollen ni. Ndóò nɔ hɔlten o balo nda va cuavaa lelɛŋnda pisio o ba-o coo ni. Mí bɛndaa ndɔa hun baŋ vulan ndu o labɛngunin, má tundu bolle lɛŋ.

Kundalan 26:20

Cuavaa-imamaa tɔ̀a Yuda-a va haa a kundala ndala n'vanayalan ni: Sela, ndu yɔŋnun fuɲa-mamaa le yungula Selaniia ni, Perɛs, ndu yɔŋnun fuɲa-mamaa le yungula Perɛsiia ni, Sera, ndu yɔŋnun fuɲa-mamaa le yungula Serahiia ni.

1Dɛnnda lemasalan 28:4

Nduyɛ, o yungu fuɲa nuu nin kpow, ya Mɛlɛka, Hala Israɛlla hɛli ni mì va masaa Israɛl coo le lɔ́ɔ́-lɔ́ɔ̀. Kani mó hɛli polale Yuda len le simlacilen tosaa. O polale Yuda len nin, mó hɛli fuɲa nuu, o poaa fuɲa nuu tɛɛn, mó naŋ kɔl le ya siinguuo masa Israɛlla kpow.

Yosue 15:20

Kobila poaa fula o cɛila yɛ́-yɛ́la va o polale Yuda len nin-nda sɔla kɛ́ɔ lan la co lan ni: