6 Màá i sɔɔnguu nda bɛɛ ikɛi o dúmbú nda yii-o coo le! Màá i yiyan bɛɛ a cuungian ndaa o kɔɔ le! Kani a diw vanndacieea a kɔl nda tuwvo, má kili navaa tovaa tɔndikɔɔlion a kɔl nda fulaa.
Mí Yakɔb dimul Simeɔn nda Levii aa: «La pìndul-la cɔwvo fɔ́! La siinguu ya vana vɔɔn bɛndoo pilacieaa lelɛŋnda o hɔl, Kanannda a Perisiia pɛɛn. Nduyɛ, vanpiaandua bɔɔ co ya o ba le. Te vannda ha mɔsɔŋan pɛ le ya tolɔɔ coo, a co ya nɔla, mà dii ya a yungu nuu kpede.»
La luei bollen o yɔm lebol pilɔɔ bɛngu niaa vanaa laalan te-a le. Kani ɔ́ɔ̀ bɛnda co ɲɛ sandu-o a ɲɛ sendu loo tɛɛn-ndo? Ɔ́ɔ̀ canyɛi co ɲɛ-tengaa a ɲumndan tɛɛn-nde?
«Éé ya, demboo! Kpòkóó ya, demboo! I co somisominndo a ɲɛ nɛyaa, kɔllo kindun ya véŋ-véŋ. I tiwba meiyo a hee le, kani i tuei bulula-hɔŋaalan diom, a yonda cɔwvo.
I va pɛ kɔllo keelaa, sɔɔn ya yiyanndon co mun ni: n va kɔlan naa vannda taw, í va nda simndan laci le kɔlan o Cɛi-Hala-o nin. N va yondaa a ɲaaloo mí va balikaa malɔɔ naa sɛ́lɛ́ bɛndu va kon kafoo tosaa-o.
Tósà a ya mɛɛ n tosà a vanaa kɔlvesɛiya yɛ le, vanaa yɔŋ vɔɔnda pɛɛn. Vanaa kan co vannda sɔɔn kɔlɲulon dimullo, kɛ kɔlvesɛiyo co o piaa nda o lakɔl cá.
Toɲa oo toɲa co nda o lasondo le, kɔlta ndalan la co lapiaa cá a tuula vɔɔnndan, bolola ndalan la co maa sɛi piɔlɛi, sɔɔn caan koni n co nda o lasondo ni.
Dɛnɛ kɛndɔɔ co le vana kon, vana kela o silala vanaa kɔlvesɛiya coo loo, vana sim o nɛi vanaa lahakia coo loo, vana cel o kunda vanaa mamaa n'vannda tɛɛn too.
Mí David bii vanaa ɲaanun o soa coo-a n'van vàá pilɛ a kɛmɛ leŋɔmmɛw a vanaa cɔvaa celen vaalan bidiin o vanaa cɔvaa Hadadesɛr-a tɛɛn. Mó bii soa ndáà bɛɛndiaa le cɔwvo-a kɛmɛ, mó manda kan le ndu pila. O kon kɔɔli, mó kili soa tɔ̀a kpow tɔndikɔɔlion.
Mi David poonda ɲɛla ɲaanannda ndɔla soa nan-ndan vàá pilɛ, mó bii vanaa ndɔa ɲaanun o soa coo-a vàála ŋɔmmɛw a vanaa cɔvaa n'pelua ndɔa vaalan bidiin, mó mal nda o kaasoo. Mó kili soa nan ɲɛla ɲaananndan-nda kpow tɔndikɔɔlion, fɔ soa kɛmɛ daama o mɛi le ndu pila ni.