O Kandɔɔ 49:3 - BII BILA

³ Rubɛn, nɔm co po ni tasoo ni, hɔ́ɔ́ tase ya velu telen yáà nɔ yoomuan-ndo-o, telen kpaayaa va ya o n'dial taw-vo. Nɔm hiow tɔ́ɔ́ a yoomuan ni.

O Kandɔɔ 49:3 Referans Kwoze

Condii lisai 78:51

Mí Hala diw poaa tasea ndaa kpow Esipte, a yɔŋnun hɔ́aa tasea o yungula Ham-ndan nin-nda pɛɛn.

Tɔŋ miingua 21:17

Kɛ o bɛnda mò sina maa po ndɔ tasoo co po tase lanɔ o kaola loo ni. O kon, mò yɔngu ndu ɲɛm ndɔn kundalan latiɔn hiovɔɔ o pilɔɔ coo, kani ndu co po tase o velu a yoomuma ndɔma ivanapɔnɔyan-ndo ni. Lelan, ndu bɛnda ni mo sɔla fonda ikaasonyaa.»

Condii lisai 105:36

O kon kɔɔli, mí Mɛlɛka tosa mí hɔ́aa tasea va o lɛŋnde len nin-nda kpow sɔla piɔ́mndan, a ndáà sɔla o felengiyɛi ndɛi nin-nda pɛɛn.

O Kandɔɔ 29:32

Mí Lea cua folio, mó vialu hɔ́ɔ́ piaandoo. Mó ke ndu diolan aa Rubɛn (kon co dimio ni aa «Má cè poo!»). Mó dimi aa: «Mɛlɛka ce mɔnɛi co ya biyɔɔ-e. I ce maa pɔnɔ nuu co ya nin kaola.»

1Dɛnnda lemasalan 5:3

Poaa Rubɛn-nda yɔŋnun haa ni, po tase Yakɔb-o pɛɛn: Henɔk, Pallu, Hɛsrɔn a Karmi.

1Dɛnnda lemasalan 5:1

Rubɛn yɔŋnun po tasoo o poaa Yakɔb-a tɛɛn ni. Kɛ ndóò hinilan a lanɔɔ fuɲa ndɔ, mí fonda ikaasonyaa hialun ndu, mí fonda kon yɔngun polale Yosɛf len, po Israɛl-lo pɛɛn. O kon, Rubɛn cinnun-ndɛ maa po tase le.

1Dɛnnda lemasalan 2:1

Diola poaa Yakɔb-a la co lan ni: Rubɛn, Simeɔn, Levii, Yuda, Isakar, Sabulɔn,

Kundalan 1:20

Má cɔm polale Rubɛn-nden, po tase Israɛl-lo, má sɛva cuavaa ndɔa imamaa diolan a kundala ndala n'vanayalan a yungula ndalan a pilɛn-pilɛnnda, kandɔɔ vanpiaandua nɔ vɔsilan bidiin-nda a vanaa nɔ hiovɔɔ bidiin-nda, a tiwba le vali cɔwvo tosaa-a.

Kundalan 26:5

Poaa Rubɛn po tase Israɛl-lo-a yɔŋnun haa ni: Hanɔk, ndu yɔŋnun fuɲa-mamaa le yungula Hanɔkiia ni, Pallu, ndu yɔŋnun fuɲa-mamaa le yungula Palluia ni,

O Kandɔɔ 48:18

Mó dimul fuɲa ndɔ aa: «Tosa lende le Pua, kani Manase co kaasonɔɔ ni. Lelan handu ndu ba nɔm kɛndɔɔ o lebol.»

O Kandɔɔ 46:8

Diola poaa Israɛl-la la co lan ni, a hin Esipte-a, Yakɔb nda poaa ndɔa: po tase Yakɔb-o yɔŋnun Rubɛn ni.

Dɛnnda cɔɔmuanndan 3:14

«Sɛval mɛlɛkanɔ vanaa laalannda Laodisee aa: ‹Ɲɛ Amiina, sei lo o lediom coo-o, o co sei toɲaa-o, o ɲɛm Hala soli-on cɔwnun o ba-o dimi-o co hoo ni aa:

Tɔŋ miingua 33:6

Màá polale Rubɛn-nden le va yoomu! Màá le vu le fɔ́! Màá vanaa co lenin-nda kui taw!»

O Kandɔɔ 35:22

Tuma o va icali o tàndà kon nin-ndo, mí Rubɛn po ndɔ suunda a buɛi laandu Rasɛl-lo, Bilha pɛɛn, ó va nin hinilan fuɲa ndɔ kɔɔli-o. Mí Israɛl fuɲa ndɔ tuɛi sɔɛi ken. Yakɔb ndóò velu poaa tɔ́ a à ŋiɔn.

O Kandɔɔ 35:23

Poaa Lea-a yɔŋnun haa ni: po tase Yakɔb-o yɔŋnun Rubɛn ni, a tɔ̀a va Simeɔn, Levii, Yuda, Isakar a Sabulɔn ni.

Tɔŋ miingua 27:13

Vanaa fula o polale Rubɛn-nden, o polale Kad len, o polale Asɛr len, o polale Sabulɔn-nden, o polale Dan-nden a o polale Nɛftali len nin-nda nda simnin o pembei Ebal coo ma dimi sɔɔn dangan.»

Esekiɛl 48:6

Bungɛi polale Rubɛn-nden le sɔlanin-nde vanin o bungɛi polale Efraim-nden le sɔlanin-nde demullo, cɔnɔnndo a ba paalen le can-ndo kɔlan a ba le del-lo.