O Kandɔɔ 49:23 - BII BILA

²³ Vanaa vuaa n'kɔɔa tiŋ Yosɛf, a nuwviaa ndu sɛɛngianndo lekɔɔ. A co ndu vuuo a labɛɛla a kɔɔn ndan.

O Kandɔɔ 49:23 Referans Kwoze

O Kandɔɔ 37:24

Má kɔ mal ndu o soon yingilaa nin, mɛmma ve o soon kalaa nin te.

Condii lisai 64:3

Vion ya mì faŋan vanaa yɔŋ vɔɔnda ha ikɛi, a vɔkɔ-vɔkɔ vanaa co haa dɛnnda vɔɔnndan tosaa-a-o.

O Kandɔɔ 37:28

Tuma yulaa fula kan Madian-nda va hiovɔɔ-o, má nan Yosɛf, má soli ndu o soondo nin, má pisi ndu cuaa-imamaa ismaɛl-laa kan o ba le volin latámán bidiin. Mí yulaa kan kɔannun a ndu o lɛŋnde Esipte len nin.

Dɛnnda kiilaa 14:22

A va kaandennda yoomuan lueiyo, má va nda silaa le lou o laalan ndaa coo aa: «Mɛɛ mì n ce sangalan taw le luɛyɔɔ o Masale Hala len nin.»

Nsaŋ 16:33

Hee kpede niaa dimullo, haliko mi la sɔla kɔlɲuloo o ya nin. La sɔlanin sangaa o ceendo coo, kɛ la vu n'dial te, ya, i nɔla ceendo.»

Condii lisai 118:13

A va ya ɲindɔɔ le ya malɔɔ, kɛ mí Mɛlɛka mala ya.

O Kandɔɔ 42:21

Má dimulan vellaa-velle aa: «Le dɛnɛ naa n tosal puapilɛ naa lɔ́ɔ́ kon-ndo dɛnɛ palaa ho tol naa coo nuaa ni. Kani n ce ndu o mɔnɛi nin, mó cɛɛŋun naa o lani tei, n yeŋ nilan o cɛɛŋɔn ndɔ kon te. Naa bɛɛ lelan sangaa ho tol naa coo nuaa ni.»

O Kandɔɔ 37:18

O lo levil, mí bɛndaa ndɔa ca ndu. Tuma pá mó tiiya nda ikɛi, má yii ndu dúmbú le ndu diyɔɔ.

O Kandɔɔ 37:4

Mɛɛ bɛndaa ndɔa ce maa ndu fuɲa nda hiow kaola a nda, má cua nɛyɔnndo a ndu. Ndáà dimul lɛ ndu isɔɔ a kɔlɲulu le.

O Kandɔɔ 49:22

Yosɛf ndu co maa tɛyii yɔm soli kɔmnden taw-vo, tɛyii yɔm co o tɔalaa o peo kɔngɔ-o. Lɛvun ndɔn hel pɛ sɔlɔbɔlɔɔ, n piasa o kungaa coo.

O Kandɔɔ 49:24

Kɛ kɔɛi ndɔɛi biŋin te, congúla ndɔlan la nɔ vɔ yoomuan, la co vɔ leemu-leemu. Kɛɛmasɔla Hala-Kpaaya Yakɔb-o le. Ndu co vana mandaa n'cɔloo a pow kpova Israɛl tiindan-ndo ni.