O Kandɔɔ 49:11 - BII BILA

¹¹ O baanin sofɛlɛ ndɔɔ o rɛsɛn tumndo, mò baa sofɛlɛ cuaa o lɛwve ipilɛ. O tɔaanin doma ndɔɔ o mɔiyan nin, mò cɛkɛla doma ndɔ bɛndoo o mɛmma n'rɛsɛnndan nin.

O Kandɔɔ 49:11 Referans Kwoze

Dɛnnda cɔɔmuanndan 7:14

Mí mulul ndu aa: «Vana bɛndoo, a sina válán.» Mó dimul-la aa: «Vanaa kei o yɛle tolaale bɛndulen nin-nda co kan ni. A cii domala ndala bɛndulan tɔɔ, má dindi lan o kooma Saa téndóó nin.

Dɛnnda cɔɔmuanndan 19:18

haliko mi la de visin masaa, visin simlacia vanaa cɔwva, visin vanaa kpaayaa, visin soa a visin vanaa co o soa coo-a, visin vannda kpow, vanaa co o ba ndaa coo-a a cɛa, cuaambɔa a kaasonnda.»

Misee 4:4

Vana-vana vanin icali o rɛsɛŋun ndɔn a o voosun ndɔn bɛngu, vana venin le nda kpeeŋiaa le, kani Mɛlɛka-Nɔ-Kpaayaa-Kpow-vo cii dimi.

1Masaa 4:20

Vannda Yuda a vannda Israɛl a va sɛ́lɔ́ɔ́ taw maa mɛɛ sióónndon co o mɛmma ihɛllan kɔngɔ nuaa yɛ. A va dioo, a va kolɔɔ, a va ɲaaloo dɔwnɔnndo taw.

2Masaa 18:32

háá mi hin, mì hun kɔ a niaa o lɛŋnde velan a lɛŋnde niaalen-nden nin, lɛŋnde maalon, mɔiyan, buloo, rɛsɛnndon, oliveon macuɛiyon a lɛan ma co nin-nden, o kon la vanin yoomu, la vinin te. Lelan la yaŋ Esekia lani le few! Kani o dimi pɛ aa Mɛlɛka co niaa hunɔɔ baŋa, yeemɛi bii niaa le ndu delɔɔ kɔɔli.

Dɛnnda cɔɔmuanndan 14:20

Má kɔ nɛwnɛw mun o kobio kɔɔli, mí koovan ma pia o doolaa nin háá mi ma tiiya soa o sondolan bɛngu, mí ma kɔa kongio háá le ɲɛ tuvaa vàá pilɛ a kɛmɛ leŋɔmpum.

O Kandɔɔ 49:12

Hɔlta ndɔlan la hiow divɔɔ a mɔima siaŋan. Ciŋun ndɔn hiow diondɔɔ a nɔnɔan.

Tɔŋ miingua 8:7

«Ɲɔɔ bendu lɛ le mì Mɛlɛka Hala niaa luei niaa o lɛŋnde kɛndɛlen nin, lɛŋnde mɛnndan ma co nin taw len, lɛŋnde dalalan a peela pɔmbɔlan la co nin taw len, mɛmma man ma co fulaa o pembon coo a o bóltan nin.

Tɔŋ miingua 8:8

Tɔlɔɔla naŋ o lɛŋnde len nin taw lan la co lan ni: maalon, ɔrse, rɛsɛnndon, vooson, krenadiee, oliviee a lɛan.

Tɔŋ miingua 32:14

Mó yɔngu nda nɔnɔma nawva a nɔnɔma saa. Mó yɔngu nda visin macuɛin saa téndéa, visin macuɛin saa kóndóa Basan a visin macuɛin cuinaa toovia. Má pum ɲɛdiaa malun kɛndɛ-kɛndɔɔ, má kol mɔima siaŋan, mɔima fula o rɛsɛŋun kɛndɔn-ndan.

Amɔs 9:13

Mɛlɛka dimi aa: «La tuei-yɔ, palɛi pum co hunɔɔ tiiya, vana váà vanin vana koavaa kɔɔli kpɛɛlun. Vana kiandaa n'rɛsɛnndo vanin vana vanin saŋɔɔ-o ikɛi kpɛɛlun. Mɔiyan ma vanin fulaa o pembun bɛndon coo taw, mì buubuuon kpow n va man solio.

Dɛnnda cɔɔmuanndan 7:7

o polale Simeɔn nden coo vannda vaalan tɔ́ a latiɔn (12 000), o polale Levii len coo vannda vaalan tɔ́ a latiɔn (12 000), o polale Isakar len coo vannda vaalan tɔ́ a latiɔn (12 000),