O Kandɔɔ 49:10 - BII BILA

¹⁰ Tinda lemasaa feŋannin Yuda o ba le. Tinda kon lonin o polale ndɔlen coo háá mì vana nɔ tinda kon kpeekpei-yo hin. Vana vanaa-mangalaa-isɔɔa kpow vanin bɛɛlen keo-vo pɛɛn.

O Kandɔɔ 49:10 Referans Kwoze

Kundalan 24:17

I ce ɲɛ co hunɔɔ yɔŋnɔn-ndo, kɛ o co vɔ́ le hau le. I co ndu mɛɛndanndo, kɛ o co vɔ kpɛɛlun te. Loei tengɛi fula o cuavaa Yakɔb-a nin, Tinda lemasaa fula o cuavaa Israɛl-la tɛɛn. Tinda kon soŋ yungoo Moab kpaŋun miunndon. O lɔɔ cuavaa-imamaa Sɛt-a kpow kpokpolan.

Esai 9:6

Tofa vɔ ɲɛ o tosanin-ndo: masalen pɛngɛlaa mì le kui, vana co o kpɛŋɛ lemasa David-o coo-o a masale ndɔlen kɔlɲulu nɔ lamɛɛlu loo yɔngoo, yoomuan masale ndɔlen lueiyo a len simio yili, a dɛnɛ sandaa a sakpoyɛi, kandɔɔ sisa háá le fɛɛn a fɛɛn. Dɛnndan ndan Mɛlɛka-Nɔ-Kpaayaa-Kpow-vo tosanin a dialun fulaan ni.›»

Esai 42:1

Tofa vɔ vana ni baalaa, o ya co ikɛi le ndu malaa-o. Ndu co vana ya hɛli-o ni, o ndu nin kɔl nuu dɔawnun ɲaale ni. I tuisi ndu kɔl nuu coo, o pɛɛkunin vanaa-mangalaa-isɔɔa dɛnɛ sandaa.

Condii lisai 60:7

Mulul naa, ma ciindiaa naa a kpaaya nɔmndo, haliko mi naa vanaa n kaola-a sɔla baŋaa.

Esai 33:22

Kani Mɛlɛka co vana kialaa n'yama naa ni, ndu co vana yɔngu naa tɔŋndan-ndo ni. Mɛlɛka co masa naa ni, ndu co vana naa ciindiaa ni.

Hebreea 7:14

Vana-vana sínà maa o polale Yuda len nin Maalii naa fula ni. Nduyɛ telen Moise va sɔɛi vanaa-solia-lasálàá dimio-o, o dimi ɲɛ-ɲɛ a polale len o kɔɔ le.

Sakari 10:11

A taŋnin mɛmma ihɛlma imɔnɔan, Ya Mɛlɛka, i lɔanin tindima mɛmma ihɛllan, limun pee bɛndoo Nil kpow n velanin, kuundian vannda Asiri tambunin, tinda lemasa Esiptea puununnin nda o ba.

Esekiɛl 21:27

Ɲɛ co o ba kɛndɛ ndɔɔ nin-ndo cɔm maa yavaa bii Yerusalɛm, o baŋnin balamaniei lon, mò yɔngu diomndo le vannda diwvo, mò yonda coocoo kpélén. O baŋnin balamaniei o diola luɛyaalan sondoo, o lueinin ndu o píŋndo nin, o cɔawnin kungala saasalan.

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

Rɔmnda 15:12

Mí Esai bɛɛ dimi aa: «Cua imama Yisai-yo hunnin, o cannin le masalen tosaa vanaa-mangalaa-isɔɔa coo-o. Vanaa-mangalaa-isɔɔa kɛsinin ndu kɔllo coo.»

Nsaŋ 12:32

Ya yɛ, telen ya sɔlanin heeloo faŋanndo o lɛŋnden coo-o, i tosanin mì vanndacieea kpow a muli hɔlla o ya lo.»

Sakari 2:11

Niaa vannda Siɔn sei, niaa co icali Babilɔn ciee-a, la ɲaanun mì la faŋan ndon cɔ́-cɔ́!

Yeremi 30:21

O nda pila tɛɛn simlacinɔ ndaa fulanin ni. Vana pilɛ o nda tɛɛn vanin nda bollen ni. I cɛlnin mò sɔɔnguu ya ikɛi, kani te o co mì cɛl vana le, nɛ̀ɛ́ tɔɔndan yɛ yoomu ndɔɔ pisio le ya sɔɔnguuo ikɛi? Mɛlɛka dimi lende ni.

Esai 11:10

O palɛi ken nin, vana fula kon o polale Yisai len nin-ndo vanin maa lɛfɛ le vannda, vanaa-mangalaa-isɔɔa kpow a mulinin hɔlla o ndu lo, o biiloo nin calta ndɔlan la vanin ni.

Nsaŋ 19:15

Kɛ má deŋi o lepilɔɔ aa: «Faŋa naa ndu o hɔl! Faŋa naa ndu o hɔl! Kɔ baŋ ndu o yɔm singafilaa coo.» Mí Pilate ɲuna nda aa: «Vɛ̀ɛ̀ mì baŋ masa niaa o yɔm singafilaa coo?» Mí bolii vanaa-solia-lasálàá muli aa: «Naa n nɔ masa celen o Sesar kɔɔli le.»

Matie 1:21

O co hunɔɔ hɔ́ɔ́ piaandoo violɔɔ, mà ke ndu diolan aa Yeesu, kani ndu ciindiaanin vanaa ndɔa ni, mò soli nda o hakila ndalan nin.»

Esai 62:11

La tuei-yɔ Mɛlɛka, o co sɔɛi he yondaa háá nɛɛ lɛŋnden le mɛɛlu-a aa: «La dimul vannda Siɔn aa ‹La tofa vɔ vana ciindiaa niaa hunɔɔ. Salaa co ndu o ba, vɔ̀ngɔ̀ ndɔɔ co ndu laci.

Esai 60:1

Cɔn ma tenga Yerusalɛm, kani ɲɛ-tengaa nɔmndo cɔmnun, biilu Mɛlɛka-o tol nɔm coo.

Esai 2:2

Ɲɔɔ yɔŋnunnin o palɛi co hunɔɔ siɔdii laci-e nin, mì pembii Cɛi-Mɛlɛka-o co coo-e sim o pembun bɛndon kpow bollen, mì i bandu háá mì i hiow pembun pɔmbɔn. O kon, vanaa-mangalaa-isɔɔa kɔanin ndon sɛ́lɛ́ bɛndoo taw.

Condii lisai 108:8

Hala co sɔɛi o Fonda Diandaa-Diandaa ndɔɔ aa: «I tiwnin ba, i co hunɔɔ Sikɛm piɔw, mì tuu bóllo Sukɔt a pɛltan.

Kundalan 21:18

Nɔm soon kólaa masaa tow-vo, Nɔm vanaa bɛndua tow a siondii ndɛi má yingila nɔm a tindala ndalan-ndo.» Mɛɛ nda cɛn Beɛr, má kɔa Matana.

Matie 25:32

Vanaa-mangalaa-isɔɔa kpow a cuungiannin ndu o hɔl. O sɛinin nda mɛɛ vana mandaa n'cɔloo sɛi saa a cuinnda nuaa yɛ.

Matie 21:9

Mí sɛ́lɛ́ bɛndu va ndu laci a ndu kɔɔli-o va kɔlan a yondaa aa: «Biiloo co le Po David-o! Biiloo co le vana co hunɔɔ o diola Mɛlɛka lan-ndo! Biiloo co le Hala o halataala!»

Matie 17:5

O lo sɔɛi, mí yumbuyumbu ɲɛ-tengaa pum kumbu nda. Mí diomndo pum soaa o yumbuyumbu kon nin aa: «Po ni ya kaola taw-vo co hoo ni, o ya hɛli a kɔlkɛndɔɔ-o. La bíí ndu diom.»

Aasee 2:7

I hiiluunin vanaa-mangalaa-isɔɔa kpede, mì bolofaa ndaa kpow hin nanu, mì pei Cɛiyo ho a biiloo. Ya Mɛlɛka-Nɔ-Kpaayaa-Kpow-vo dimi lende ni.

Daniɛl 9:25

Tofa vɔ ɲɛ n bɛnda le sinaa ma bii bila-o: kabi telen sɔɛi he dimin-ndo aa: «Mí n muungu, mí n tangul vɛlɛ Yerusalɛm», kɔ bii háá a telen vana nda pɔla pɔla diandaa-o fulanin ceen-ndo, telennda vɔsila ŋɔmmɛw-ŋɔmmɛwlan la tan ŋɔmmɛw. O lɔ́ɔ́lan belaŋɔmpum a latiɔn nin, kobio a soon balu kobio-o co vɛlɛ tangulɔn, kɛ o telennda sangala bɛndulan nin.

Esekiɛl 19:14

Yinnden le fula o lɛvun ndɔn nin mí le loam lɛɛndon a kɔmnde ndɔlen, o nɔ lɛ lɛvii kàlà-kálà nɔla mì i va tinda lemasaa-e le. Condii imɔnɛi co hee ni, i vanin solinndo le mɔnɛi biyɔɔ-e.»

2Korɛntea 5:10

Kani naa kpow, mɛɛ mì n kɔ sim kpendekele o fonda kialaa n'yama Krista-o, haliko mo kelu naa iyama a pilɛn-pilɛnnda, mì n sɔla o vana-vana nɔ le sɔlaa-o, o va o kɛndɛ, o va o vɔɔn, mɛɛ naa n kela o ceendo coo yɛ.

Nsaŋ 19:12

Kandɔɔ o telen kon, mí Pilate va nɛilan nuwviaa le Yeesu malɔɔ, kɛ mí Yuifia yonda o lepilɔɔ aa: «Taa mal pɛ langbanɔɔ ho kɔnndan, mɛɛ a co caaŋoo Sesar le. Vana-vana cennun pɛ ndu pila masaa, mɛɛ yaamɔɔ Sesar ndu co ni.»

Nsaŋ 18:31

O kon mí Pilate dimul nda aa: «Mɛɛ niaa pila kɔ a ndu mì la kelu ndu iyama mɛɛ tɔŋ niaa co yɛ.» Mí Yuifia mulul ndu aa: «Di co naa o kennan mì n kelu iyama le vanaciee diyɔɔ le.»

Esekiɛl 19:11

Mó soli lɛvun kálà-kálàn, mí lɛvun ndɔn mun siŋnun tindala lemasalan. Mó hindu mó hiaw lɛwvon kpow bandei, mí bandii ndɔɛi a lɛvun ndɔn kaakuuvon n siinguu ndu yɔm tɔ́ɔ́ bɛndoo.

Nsaŋ 9:7

mó dimul ndu aa: «Kɔ pulun o fonda mamɛnndo Siloe». Siloe kon co dimio ni aa: «Viomɔɔ». Mí vana sumɛi kon kɔa lon, mó kɔ pulun, telen o va muungoo-o, mó ca.

Tɔŋ miingua 28:57

Kani le sanga yaamɔɔa tuisinin niaa coo o kobila niaala nda tiilanin-ndan nin-ndo, vanalanɔ kon yeemanin le cɛlɛkpɛ lende o velu sɛnɛi-yo a yala vialaa fulanin ndu-o dioo o vionnɔnndo nin.

Yeremi 33:26

La ca ko aa mì kɛɛ poaa Yakɔb-a a poaa David vana ni baala-a? Vɛ̀ɛ̀ i kɛɛnin le simlacia simnin cuavaa Abraham-nda, a Isaak-a a cuavaa Yakɔb-a laci-a hɛlio o poaa ndaa tɛɛn? Kɛì-kɛì bɛɛ! Kani ɲííye co ya a nda, i minginin vanaa ndaa nda kɔɛ o biyɔɔ nin-nda o nda lo.»

Kundalan 24:19

Vana fulanin o pulun Yakɔb-on nin-ndo siŋnunnin masa tɔ́ɔ́ bɛndoo. Ndu diwnin vanaa lonin yoomu o kobilan nin-nda ni.»

2Samiɛl 7:13

Ndu tangulnin cɛiyo le ya ni. I kɛsinin ndu o kpɛŋɛ lemasaa coo a kɔlɲuloo le lɔ́ɔ́-lɔ́ɔ̀.

2Samiɛl 7:16

Le fɛɛn a fɛɛn, cɛi nɔmndo a masale nɔmnden le vanin yili. Kani kpaaya nɔm lemasaa hiilunnin te.›»

1Dɛnnda lemasalan 12:24

Mí kundala vanaa cɔvaa lapum la kɔa David kɔɔli Hebrɔn le ndu masale Saul-ten mingio o ba mɛɛ Mɛlɛka ndóò dimi yɛ. Kundala lan la yɔŋnun ndan ni:

1Dɛnnda lemasalan 12:39

Vanaa cɔwva ha kpow va a bɛɛndiannda, má kɔa Hebrɔn a kɔlta ndalan kpow, le David suilio masa Israɛlla. Israɛlaa tɔ̀a kpow va a kɔl pilɔɔ le David masalen keo.

Condii lisai 60:9

Ya nɔ tàndá Kalaad-o a lɛŋnde Manase len ni. Mɔsil ni cɔwvo co tàndá Efraim-ndo ni, Yuda co tinda ni lemasaa ni.

Condii lisai 78:68

Mó hɛli polale Yuda len, mó kaola pembei Siɔn.

Esai 55:3

La yaŋ nilan, la hun o ya lo, la yaŋnun ya mì la va yoomu. I yiinin kpema fɛɛn-fɛɛndo a niaa, mì tosal niaa dɛnnda kɛndɛla kɛ́-kɛ̀ yáà tuu le David tosallo.

Esekiɛl 21:32

Bémbélan, labémbé láà labémbé! I siinguunin (Yerusalɛm) labémbé kposon. Ɲɔɔ mangalannin pɔɔ kpede lɔ́ɔ́ pá mì vana nɔ yamɛi o ba-o hin, o kon mì sɔɔ ndu vali kialaa n'yamaa o ba.»

Misee 5:1

Éé nɔm Bɛtlɛhɛm Efrata! À co bɛɛ ciee pɔmbɔ o cieon co o tàndá Yuda-o nin-ndon kpow tɛɛn nuaa, kɛ o nɔm nin ya solinin vana bɛnda mo tosa masalen Israɛlla kpow coo-o ni. Vana kon pɛn, ó fula o yungu kɔɔlima ndɔan ma kandun kabi sindɛ-sindɛ-o nin-ndo.