O Kandɔɔ 49:1 - BII BILA

¹ Mí Yakɔb veelu poaa ndɔa, mó dimul nda aa: «La cuungian nɛɛ pilɛ mì cɔm niaa ɲɛ yɔŋnunnin niaa siɔdii laci-o.

O Kandɔɔ 49:1 Referans Kwoze

Kundalan 24:14

Lelan sisa, i co hunɔɔ muungu yungu nuu o ibuŋ. Kɛ telen pá ya kɔa, hun mì dimul nɔm ɲɛ vannda ha tosalnin vanaa nɔmnda siɔdii laci-o.»

Daniɛl 10:14

I hin nihau le nɔm ɲɛ hun yɔŋnunin yungu nɔmndo o siɔdii lacio nin-ndo dimullo, kani vundulen le co vɛlɛ le telen kon.›

Yeremi 23:20

Kɔltuw Mɛlɛka-o cuunin te, háá fɔ mì ɲɛ o kelu le tosaa-o cuu peelɔn. Paale vanin mì la hun bii bila.

Tɔŋ miingua 4:30

Te sangala lan kpow la kei pɛ niaa coo mì la ŋɔɔcian, o kon kɔɔli la muungu o Mɛlɛka Hala niaa lo, la bii diom ndɔɔ.

Dɛnnda cɔɔmuanndan 4:1

O kon kɔɔli, mí mɛɛndan, mí ca dioo pum o kumbiaa o halataala. Mí diom ya tuei sɔɛi o tasendɔ o ya lo maa diom bulu-o dimi aa: «Hel nanu, mì cɔm nɔm ɲɛ hun yɔŋnunnin lɔ́ɔ́ lepum-ndo.»

Esai 2:2

Ɲɔɔ yɔŋnunnin o palɛi co hunɔɔ siɔdii laci-e nin, mì pembii Cɛi-Mɛlɛka-o co coo-e sim o pembun bɛndon kpow bollen, mì i bandu háá mì i hiow pembun pɔmbɔn. O kon, vanaa-mangalaa-isɔɔa kɔanin ndon sɛ́lɛ́ bɛndoo taw.

Condii lisai 105:15

«La pilan vanaa nia ya pɔla-a le, la tósal vanaa-tɛɛngaa-diom Hala-a nia dɛnɛ vɔɔndo le.»

Condii lisai 25:14

Vanaa nɔ siòòŋii Mɛlɛka-e-a, nda Mɛlɛka cɔm sɔɔn ndɔn viannanndon ni, le nda kpema ndɔɔ cɔmndo.

Tɔŋ miingua 31:12

Ma cuungiaa vannda kpow, kandɔɔ a vanpiaandua, vanlaandua, cuaambɔa a mialaa vanin niaa o bɛngu coo o kobila niaalan nin-nda, haliko ma yaŋ nilan o tɔŋ n vanin kon dimio-o, mà pɛɛku ndu le siòòŋii Mɛlɛka Hala niaa, mà bii sɔɔn tɔŋ kon kpow, mà kela lecoo.

Hebreea 1:2

Kɛ sunsun, o palɛi mɛɛlɛi he nin, mó soaa o naa lo a sondo po ndɔɔ. A po ndɔ kon o cɔw ceendo ni, ndu Hala koni hɛli vɛlɛ ni mí ɲɔɔn kpow n va le ndu.

2Timote 3:1

Sínà maa o palɛi mɛɛlɛi, sangala vɔɔn-vɔɔnndan la vanin.

1Timote 4:1

Kɔl-Diandaa dimi vakpa maa vanaa pum malnin laalanndo o palɛi mɛɛlɛi, mà del ɲinaa vɔɔŋaa luei vana o pɔwlan nin-nda kɔɔli, mà del vɛlɛ pɛɛkula ndalan kɔɔli.

Dɛnnda kiilaa 2:17

‹Hala dimi aa: O palɛi mɛɛlɛi, i saŋnin Kɔl nuu vanndacieea kpow coo. Poaa niaa a cuavaa niaa laandua siŋnunnin vanaa-tɛɛngaa-diom Hala-a. Langbaa felengia niaa canin vunduan, bɛndua yuuvɛiya sɔlnin lɔan.

Luke 2:26

Hala Kɔl-Diandaa kon ndóò cii nin ndu cɔm maa: «O vi le, fɔ mo ce Krista, o Mɛlɛka vem-ndo.»

Misee 4:1

«Palɛi pum co hunɔɔ tiiya, mì pembii Cɛi-Mɛlɛka-o co coo-e i hiow pembun bɛndon bandei, mì i hiow pembun pɔmbɔn kpow helɔɔ. Lon vannda súúlan kpow a vanin kɔlan ifili-filiei ni.

Amɔs 3:7

Lende koni i co ni, Maalii Hala tosa ɲɛ-ɲɛ mò kɛɛ vanaa ndɔa baalaa, vanaa-tɛɛngaa-diom Hala-a bulun dɛnɛ kon cɔm te.

Daniɛl 10:1

O vɔsi yàándɔɔ nin o masale Siris, masaa Pɛrse len bɛngu, mí sɔɛi pum dimulun Daniɛl, o nda ke diolan aa Bɛlsasar-o. Sɔɛi ken va sɔɛi toɲɛi a sɔɛi cɔw bɛnduei ni. Mí Daniɛl bii sɔɛi kalɛi bila. Mó sina ndi pɛɛngu o vundulen nin.

Daniɛl 2:47

Mó dimul Daniɛl aa: «A toɲa, Hala niaa co Hala hiow halaa kpow-vo ni. Ndu co masa hiow masaa kpow-vo ni. Ndu co vana cɔɔmuu sɔɔn kɔndɔfillon-ndo ni, kani a cɔm ya dɛnɛ kɔndɔfillo ho.»

Esai 53:1

Nɛ̀ɛ́-nɛ̀ laalan yɛ sɔɛi ndíì dimulun naa-e? Mɛlɛka cɔm vannda kpede kpaaya ndɔɔ.

Esai 39:6

Tofa vɔ, telenndo pum co hunɔɔ tiiya, vannda kɔandunin ɲɛ-ɲɛ co o nɔm ndo cɛinin a ɲɛm fuɲaa nɔmnda cuungiaa háá paale len-ndon, mà kɔɛnnun a mun Babilɔn, ɲɛ-ɲɛ lonin nanu le. Mɛlɛka soo lende ni!

Esai 22:14

Nduyɛ, Mɛlɛka-Nɔ-Kpaayaa-Kpow-vo dimul-la aa: «Háá mi la vi, hakio ho melnunnin niaa haki le!» Maalii Hala-Nɔ-Kpaayaa-Kpow-vo dimi lende ni.

Hebreea 13:1

La hiow laci a kaolianndo vellaa-velle maa n'puapilɛ.

Esai 48:14

Niaa kpow la cuungian mì la yaŋ nilan! O nda tɛɛn, nɛ̀ɛ́-nɛ̀ dimi yɛ paandu le sɔɔn mun yɔŋnɔnndo? Vana ya Mɛlɛka kaola-o tosanin hɛnan nuu le Babilɔn tɛɛmbuuo, ba ndɔɔ soaŋnin Kaldea soŋɔ̀ɔ́ pila.