O Kandɔɔ 48:9 - BII BILA

⁹ Mí Yosɛf muli aa: «Poaa Hala ke ya o lɛŋnden nden nin-nda n ca nuaa ni.» Mí Israɛl dimi aa: «Sɔɔnguu nda ya ikɛi mì dɔw nda duaa.»

O Kandɔɔ 48:9 Referans Kwoze

O Kandɔɔ 27:4

A hin pɛ a visin mun, a toosial-la mun mɛɛ ya yeema mun yɛ, a ke ya i de. I cii pɛ mun dio, i dɔw nɔm duaa telen pá ya vu.»

O Kandɔɔ 33:5

O kon kɔɔli, mí Esau cua hɔlla, mó ca laandaa Yakɔb-a a cuavaa ndɔa. Mó ɲuna ndu aa: «Vanndacieaa kuɛɛ co yɛ haa nɔm kɔɔli?» Mí Yakɔb muli aa: «Kɛndɛi Hala tosal ya vana nɔm baalaa-e n ca nuaa ni. Cuawva ha o dɔw ya o ipulu ni.»

Hebreea 11:21

A laalanndo Yakɔb dɔw poaa Yosɛf-a a pilɛn-pilɛnnda duaa ni lɔ́ɔ́ pá mó vu ni, mó tiindan o tindà ndɔɔ coo, mó biilu Hala.

Esai 8:18

Tofa vɔ, ya a cuavaa Mɛlɛka yɔngu ya-a, naa n co tɔɔmaselelan a ɲɛ cɔm siɔdii lacio-o o lɛŋnde Israɛl-ten nin fulaa Mɛlɛka-Nɔ-Kpaayaa-Kpow-vo o ba ni, o co icali o pembei Siɔn coo-o.

Condii lisai 127:3

Kɛ́ Mɛlɛka ke naa-o cuawva co ni, hɔ́aa co naa fulaa o n'pulu-a vɔ̀ngɔ̀ Mɛlɛka dɔw naa-o nda co ni.

1Dɛnnda lemasalan 25:5

Haa kpow a yɔŋnun poaa Heman-nda ni, Heman va kon masaa David sɔɔn Hala-on tɛɛngullo le kpaaya ndɔɔ sangalaa-o pɛɛn. Mí Hala yɔngu ndu hɔ́aa piaandua tɔ́ a à hiɔɔlu a hɔ́aa laandua nda yáá.

1Samiɛl 1:27

Le poombɔɔ ho sɔlaa ya va Mɛlɛka piɛiyo ni. Ɛ̀ɛ̀ lekɛ́ndɛi, mí Mɛlɛka ke ya ndu.

1Samiɛl 1:20

Mó cua folio, mó vialu poo. Mó dimi aa: «I co ndu diolan ke aa Samiɛl. Kani Mɛlɛka ya piɛi le ndu sɔlaa ni.»

Tɔŋ miingua 33:1

Duaa Moise vana baala Hala-o dɔw Israɛlla telen pá mó vu-o yɔŋnun hoo ni:

O Kandɔɔ 49:28

Haa kpow yɔŋnun vanaa lebolla o polama tɔ́ a mamiɔmma Israɛlla coo ni. Nuaa fuɲa nda soo o nda lo mó dɔaw nda duaa ni. Mí poaa ndɔa kpede, vana-vana sɔla duaa o ndɔɔ.

O Kandɔɔ 30:2

Mí Yakɔb tambu kɔl a ndu, mó ɲuna ndu aa: «Mò va maa o fonda Hala-o ya co ni? O co Hala le tuŋ nɔm violɔɔ le?»