O Kandɔɔ 48:7 - BII BILA

⁷ Yáà cɔnɔnndo Padan-Aram, mí Rasɛl kei vu o lɛŋnde Kanaan-nden nin, Efrata ciee-lekɔɔ. O nɛi Efrata nɔ vɛlɛ diolan aa Bɛtlɛhɛm-ndo coo lon ya kumbu ndu ni.»

O Kandɔɔ 48:7 Referans Kwoze

Matie 2:18

«Yéélan la co sɔɛi Rama, Koŋullo a caŋnda fúkpàà-fùkpààlan la co sɔɛi lon, Rasɛl co cuavaa ndɔa caŋndo ni, o kɛɛ ɲɔɔlu nda co ndu-o, kani cuavaa ndɔa cuu.»

O Kandɔɔ 35:9

Mí Hala ndóò cɔmnun vɛlɛ Yakɔb telen o va fulaa Padan-Aram-ndo, mó dɔaw ndu duaa.

Misee 5:2

Lelan Mɛlɛka malnin vanaa ndɔa háá mì vanalanɔ bɛnda kon le violɔɔ-o velu. O kon mì puapilɛa ndɔa tɔ̀a vanin o biyɔɔ nin-nda muungu cuavaa Israɛlla tɔ̀a ikɛi.

1Samiɛl 17:12

Nduyɛ, David po Yisai Efratiinɔ-o o va ni, Bɛtlɛhɛm o tàndá Yuda-o nin Yisai kon ndóò fula ni. Poaa nda ŋɔmaa ndóò nɔ ni. O paale Saul-ten, ndóò yuuva nin taw.

1Samiɛl 10:2

La co nɛiyo biyɔɔ sisa le kɔlan, telen niaa tiiyanin Sɛlsa o pɛɛngulan a tàndá Bɛnyamɛn-ndo-o, la komalnin vanpiaandua nda ŋiɔn o sɛi Rasɛl-lo ikɛi, mà dimul nɔm aa: ‹Sofɛlɛa n co nuwviaa-a cennun. Le nɔm kínɛí fuɲa nɔm co nin buulanndo ni. O co dimio aa: Ko yɛɛ ya tosa yɛ mì ce po nuu?›

1Samiɛl 1:1

Langbanɔɔ pum va icali o tàndàá Suf nin, Rama o tàndá n'pembu Efraim-ndo nin, diolan aa Ɛlkana. Po Yeroham-ndo o va ni, Yeroham kon fuɲa ndɔ va Elihu ni, fuɲaa Elihu va Tohu ni, Tohu kon yɛ Suf yɔŋnun fuɲa ndɔ ni.

Ruti 1:2

Elimelɛk langbanɔ kon ndóò nɔ diolan ni, laa ndɔ diolan Noemi, poaa ndaa ŋiɔnda o pilɛ diolan aa Malɔn, o pilɔɔ aa Kilyon. Efratiia nda va ni, fulaa o sɔndɔkɔlɔɔ Bɛtlɛhɛm o tàndá Yuda-o nin. Mɛɛ nda tiiya o lɛŋnde Moab len nin, má cal lon.

O Kandɔɔ 25:20

Isaak ndóò nɔ vɔsilan belehiɔɔlu, mó yil Rebeka o nɔ̀u. Cua Betuɛl Aramiinɔ fula Padan-Aram-ndo a yemaa Laban Aramiinɔ Rebeka kon va ni.

O Kandɔɔ 33:18

Mɛɛ Yakɔb faŋan Padan-Aram, mó tiiya a kɔlɲuloo o kobio Sikɛm nin, o lɛŋnde Kanaan-nden nin. Mó kɔ kila dɔ́ɔ́ngɔ́ ndɔɔ o kobio hɔl-ndɔ.

O Kandɔɔ 35:20

Mí Yakɔb baŋ pow sálàá o sɛi ndɔɔ coo, pow sálà biisi Rasɛl kon co vɔ háá paalen nden.

O Kandɔɔ 48:6

Cuavaa n vialunin o nda kɔɔli-a, nɔm pila nɔnin kan ni. O diola bɛndaa cuu nda o kɔɔ-a bɛngu nda sɔlanin kɛ́ɔ ni.

1Samiɛl 16:4

O kon mí Samiɛl tosa mɛɛ Mɛlɛka dimul ndu yɛ, mó kɔa Bɛtlɛhɛm. Kaasoŋaa kɔlkalua va o kobi kon nin-nda cɔu ndu hunɔɔ, má hun ndu bɔŋaa a buulanndo. Má dimul ndu aa: «Màá hunɔɔ nɔmndo va sɔɛi kɔlɲulu fɔ́!»