O Kandɔɔ 48:3 - BII BILA

³ Mó dimul Yosɛf aa: «Paale pilɛ, mí Hala Vana-Kpaayaa-Kpow cɔmnun ya nɛɛ ya va Lus o lɛŋnde Kanaan-nden nin-nda, mó dɔaw ya duaa.

O Kandɔɔ 48:3 Referans Kwoze

Fulaa 6:3

I cɔmnun Abraham, Isaak a Yakɔb. Mí dimul nda maa diola nilan aa Hala Vana-Kpaayaa-Kpow, kɛ ndáà sina vɔ maa diola nilan te la co Mɛlɛka le.

O Kandɔɔ 28:3

Màá Hala Vana-Kpaayaa-Kpow dɔw nɔm duaa, mò nɛŋi nɔm ipulu, mì polale nɔmnden le kui háá mà siŋnun fuɲa-mamaa le vanaa-mangalaa-isɔɔa súúlan taw!

O Kandɔɔ 17:1

Vɔsi Abram suili vɔsilan belaŋɔmahiɔɔlu a laŋɔmahiɔɔlu-o, mí Mɛlɛka cɔmnun ndu, mó dimul ndu aa: «Ya co Hala Vana-Kpaayaa-Kpow ni. Kela kela kɛndɔɔ ya o hɔl, mà tosa ɲɛ hɛnan ya-o.

Dɛnnda cɔɔmuanndan 21:11

O va volio a biilu Hala-o, o va volio vanáà ca ko aa pow báà kala bɛndoo ni, yaspe, o co maa tofan-ndo.

Osee 12:4

O dembe kala nda-o nin pɔ́ Yakɔb koondan bɛ ndɔ pelei ni, telen o siŋnun langbanɔ kálàá-o, mó cɔlɔba nda Hala.

Masaa kialaa n'yamaa 1:23

Má viam fɔlɔn suansuaanda, má kɔ mɛɛndian kobi kalaa kpow, Betɛl kon ndáà veelu paandu ni aa Lus.

O Kandɔɔ 48:2

Má kɔ dimul Yakɔb maa Yosɛf po ndɔ hin ndu yilɔɔ. Mí Yakɔb kindikindin, mó can, mó cal o kpele ndɔɔ coo.

O Kandɔɔ 49:25

A toɲa, Hala fuɲa nɔm-ndo sɔɔnguunin nɔm ikɛi. Vana-Kpaayaa-Kpow dɔawnin nɔm duaa. Màá o tuisul nɔm piɔɔ fulaa coocoo, mò ke nɔm mɛnndan fulaa lɛŋ! Màá o ke nɔm cuawva a cɔlua taw-taw!

O Kandɔɔ 17:6

I co nɔm cuavaa-imamaa kuilul taw, mì vanaa-mangalaa-isɔɔa súúlan taw a fula o polale nɔmnden nin. Masaa bɛɛ a fulanin o polale nɔmnden nin.