Mɛɛ piɔ́m ndɔɔ va le tiiyaa, mó dimul yungu ndɔɔ aa: «I co hunɔɔ vu, kɛ Hala melnin niaa le. O co niaa hunɔɔ soli o lɛŋnden nden nin, mò yɛɛ niaa o lɛŋnde o yiilu sindɛ Abraham, Isaak a Yakɔb kpemaa le nda yɔngoo len nin.»
Tofa vɔ, ya pila co nɔm ikɛi. Fonda oo fonda n kɔɛ pɛ, i mandanin nɔm. I minginin nɔm vɛlɛ o lɛŋnden nden nin. I melnin nɔm te háá mì peelu kpema ya cuel nɔm-ndo.»
Cal o lɛŋnde len nin. I vanin nɔm ikɛi mì dɔw nɔm duaa. Kani nɔm a cuavaa nɔmaa imamaa ya yɔngunin tàndàlan ndan kpow ni. Lende ya peelunin kpema ya cuel Abraham fuɲa nɔm-ndo ni.
O nɔ fuɲa le, o nɔ kala le, o nɔ yungu le, o nɔ fuɲa mama le. Vana sínà telen o velun te, vana sínà a piɔ́m ndɔɔ o kɔɔ le. Maa po Hala-o o co ni, vana-solia-lasálàá fɛɛn fɛɛn-ndo o co ni.
Vanaa-solia-lasálàá vannda ke kan o-tɔ́ndɔɔ-a, vanndacieea daama nda co ni, paale vanin mà vi. Mɛlkisedɛk bɛɛ sɔla o-tɔ́ndɔɔ o ɲɛm kɛndɔn nin, kɛ ndu, o co yoomu le fɛɛn a fɛɛn, maa mɛɛ o co o sɛvaa yɛ.
La tofa vɔ, ya Yosue, i co hau hunɔɔ faŋan o ceendo ho coo. Kɛ niaa, la sina o kɔlta niaalan kpow nin a o yoomu niaa kpow nin maa sɔɔn kɛndɛn Mɛlɛka Hala niaa ndóò dimi le niaa-on kpow, i pilɛ bɛɛ i ló le kɛɔ peelɔnndo le.
O palɛi n co tosa yoomu o ceendo coo-e kpow nin, vana-vana nɔlanin nɔm simullo le. I vanin nɔm ikɛi mɛɛ ya va Moise ikɛi yɛ, i faŋannin nɔm ikɛi le, i melnin nɔm te.
Mó cua Sarai laa ndɔ a Lɔt po pɔmbɔ ndɔ-o, má kɔa a ɲɛ-ɲɛ sɔlaa va nda o ba, má kɔa vɛlɛ a cɛa ndáà pendu Haran-nda. Mɛɛ nda tiiya o lɛŋnde Kanaan-nden nin,
Mɛɛ o sina maa piɔ́m ndɔɔ co le tiiyaa, mó veelu Yosɛf po ndɔ, mó dimul ndu aa: «Taa ce ya pɛ ɲia, mɛɛ handu ba nɔmndo o lɔlu nuu bɛngu, mà mɛnan maa a co lo o lediom coo ma cɔm ya maa a ce ya ɲia, maa a kumbunin ya o lɛŋnde Esipte len nin nanu le.