O Kandɔɔ 48:19 - BII BILA

¹⁹ Kɛ mí fuɲa ndɔ kɛɛ, mó dimi aa: «Po nuu, i sina. I sina válán. Polale Manase len bɛɛ le vanin sɛ́lɛ́ taw, ndu bɛɛ vanin vana tɔ́ɔ́ bɛndoo. Kɛ pɔmbɔ ndɔ hiawnin va vana tɔ́ɔ́ bɛndoo a ndu, vanaa-mangalaa-isɔɔa taw-taw a fulanin o polale pɔmbɔ ndɔlen coo ni.»

O Kandɔɔ 48:19 Referans Kwoze

Tɔŋ miingua 33:17

Ndu yɔŋnun naw tova ndɔ tasoo ni. Màá o sɔla bɛɛlen! Leela ndɔlan maa leela cìí la co ni. A lan o kundunin vanaa-mangalaa-isɔɔa háá nɛɛ lɛŋnden le mɛɛlu-a ni. Lende sɛ́lɛ́ bɛndu-bɛndu fula Efraim o ipulu-o co ni, lende fàngà-kunda fula o Manase nin-ndo co ni.»

O Kandɔɔ 25:28

Esau Isaak ndóò hiow kaola, kani ɲɛmahilu ledoosoo Isaak ndóò yeema ni. Kɛ Yakɔb Rebeka ndóò hiow kaola.

Dɛnnda cɔɔmuanndan 7:8

o polale Sabulɔn-nden coo vannda vaalan tɔ́ a latiɔn (12 000), o polale Yosɛf len coo vannda vaalan tɔ́ a latiɔn (12 000), o polale Bɛnyamɛn nden coo vannda vaalan tɔ́ a latiɔn (12 000). Haa nda hol pondalen ni.

Dɛnnda cɔɔmuanndan 7:6

o polale Asɛr len coo vannda vaalan tɔ́ a latiɔn (12 000), o polale Nɛftali len coo vannda vaalan tɔ́ a latiɔn (12 000), o polale Manase len coo vannda vaalan tɔ́ a latiɔn (12 000),

Esekiɛl 27:10

Vannda Pɛrse, haa Lud a haa Put va vallo vanaa nɔmaa cɔwva tɛɛn, nda va langbaa cɔvaa nɔmnda ni. O nɔmndo ndáà landu kɔ̀ɔ̀la cɔwlan a mɔsilta cɔwlan ni, nda va biilu nɔmndo ni.

Esai 7:17

«Mɛlɛka tuisinin niaa, vanaa niaa a yungu fuɲa niaa-o palɛi sangɛi coo, kabi polale Efraim-nden le sɛiyan a polale Yuda len, palɛi vaa lende kei-yɔ niaa coo le. Masaa Asiri cuunin niaa kpundɛ kon ni.

Tɔŋ miingua 1:10

Mɛlɛka Hala niaa vangala niaa, mí la kui taw. La co nin sɛ́lɛ́ taw maa loeon o halataala.

O Kandɔɔ 48:14

Kɛ mí Israɛl fuɲa ndɔ siɛndi ba kɛndɔɔ, mó handu ndu Efraim o lebol, nduyɛ ndu va cuaambɔɔ ni. Mó siɛndi ba mɛllo, mó handu ndu Manase o lebol. A va Manase va kon kaasonɔɔ-o kpow, mí Yakɔb singafila balan lende.

O Kandɔɔ 17:4

«Kpema ya co nɔm yiilu-o co hoo ni: a siŋnunnin fuɲa-mamaa le vanaa-mangalaa-isɔɔa súúlan taw.

O Kandɔɔ 28:14

Polale nɔmnden le kuinin maa cundoo lɛŋ. Le tiwnin o tàndà oo tàndà nin: a ba paalen le can-ndo, a ba le del-lo, a ba too a á ba luaŋ-ndo. Yungulan o lɛŋnden coo kpow la sɔlanin duaa nɔm a polale nɔmnden o ba bɛngu.

O Kandɔɔ 46:3

Mí Hala dimul ndu aa: «Ya co Hala ni, Hala fuɲa nɔm-ndo pɛɛn. Lelan, siòòŋii bii nɔm le kɔlan Esipte le. I co tosa mì polale nɔmnden le kui lon taw-taw.

O Kandɔɔ 48:18

Mó dimul fuɲa ndɔ aa: «Tosa lende le Pua, kani Manase co kaasonɔɔ ni. Lelan handu ndu ba nɔm kɛndɔɔ o lebol.»

O Kandɔɔ 25:23

Mí Mɛlɛka dimul ndu aa: «Vannda súúlan tan tiɔn a co nɔm o dembe ni. Vanaa-mangalaa-isɔɔa súúlan tan tiɔn n co violɔɔ ni. O pilɛ hiawnin o pilɔɔ kpaayaa. Po tasoo calnin pɔmbɔ ndɔ o labɛngunin.»