O Kandɔɔ 48:16 - BII BILA

¹⁶ mɛlɛkanɔ kanda ya a dɛnnda vɔɔnndan kpow-vo, i piɛi nɔm mà dɔw poambɔa ha duaa. Mì diola nilan, diola Abraham fuɲa ni mama lan, a diola Isaak fuɲa ni lan la lo ceen nda coo. Mà koma kui, mà velu cuawva taw o lɛŋnden nden nin.»

O Kandɔɔ 48:16 Referans Kwoze

Condii lisai 34:22

Dɛnɛ palaa díì vana kɔlvesɛiyo ni, sangaa toal vanaa tol vana sanda yɛlen-nda coo ni.

O Kandɔɔ 49:22

Yosɛf ndu co maa tɛyii yɔm soli kɔmnden taw-vo, tɛyii yɔm co o tɔalaa o peo kɔngɔ-o. Lɛvun ndɔn hel pɛ sɔlɔbɔlɔɔ, n piasa o kungaa coo.

O Kandɔɔ 48:5

Sunsun yɛ, i cua poaa nɔmaa ŋiɔŋaa n velu haa Esipte nanu telen yáà hin-ndɔ loo-a maa poaa nia ya solin o ipulu-a, Efraim nda Manase pɛɛn. Poaa nia nda co ni maa Rubɛn nda Simeɔn.

2Timote 4:18

Nduyɛ Mɛlɛka ciindiaanin ya o dɛnnda vɔɔnndan kpow nin, mò manda ya le luɛyɔɔ o Masale ndɔlen nin o halataala. Màá o sɔla biilu fɛɛn-fɛɛndo! Amiina!

Yosue 17:17

O kon, mí Yosue dimul vanaa fula o polale Yosɛf len nin-nda, a co polale Efraim-nden a polale Manase len-nda pɛɛn aa: «La co sɛ́lɛ́, la nɔ vɛlɛ kpaayaa taw, la sɔ́lànin bungɛi ndi pilɛ daama le,

Hebreea 11:21

A laalanndo Yakɔb dɔw poaa Yosɛf-a a pilɛn-pilɛnnda duaa ni lɔ́ɔ́ pá mó vu ni, mó tiindan o tindà ndɔɔ coo, mó biilu Hala.

Dɛnnda kiilaa 15:17

O kon vanaa tɔ̀a kpow a nuwviaanin ya Mɛlɛka, vanaa-mangalaa-isɔɔa diola nilan la co biilɔnndo tɛɛn-nda.› Mɛlɛka dimi lende ni,

Nsaŋ 17:15

I co nɔm piɛi mà faŋa nda o ceendo coo le, kɛ mà manda nda le Vana vɔɔndo.

Esai 63:9

O sangala ndalan kpede nin, (sangala yɔŋnun maa ɲɛ kindilaa hali le ndu pila lan), mí Mɛlɛka nɔ co ndu o hɔl-lo ciindiaa nda. O kaola ndɔɔ a o ɲíí ndɔɛi nin, mí ndu pila baŋa nda, mó mala nda, mó siilun nda o palɛi hiow paandu-e kpow nin.

Condii lisai 121:7

Mɛlɛka kandanin nɔm le dɛnnda vɔɔnndan kpow, o mandanin yoomu nɔmndo.

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

1Korɛntea 10:9

N tɔɔndàn Mɛlɛka mɛɛ a pum a tɔɔndan ndu yɛ le, mí kɛwva lɔwviaa nda, má vu.

Amɔs 9:12

haliko ma hɛlu ɲɛm tɔ̀un lonin Edɔmnda a vanaa-mangalaa-isɔɔa diola nilan la co biilɔnndo tɛɛn-nda o ba-on. Mɛlɛka, o peelunin sɔɔn mun-ndo soo nuaa ni.

1Korɛntea 10:4

Nda kpow, má kol ɲɛ kɔl pilɔɔ fulaa Mɛlɛka o ba, kani mí nda kpow a kol o pow kpova kɔl fula Mɛlɛka o ba-o, ó va nda liilaa-o pɛɛn. Pow kpova kon yɛ, ndu co Krista ni.

Rɔmnda 8:23

O co ka ɲɛm mun daama le, kɛ naa n sɔla nin Kɔl-Diandaa o tasendɔ-a bɛɛ, naa pilaa n co somisominndo. N co cumndo le mɛɛ Hala siinguu naa cuavaa ndɔa kpeekpeiya yɛ, haliko mi dialun naan sɔla baŋaa.

Matie 6:13

Mal naa mì n del o tɔɔndan nin te, kɛ baŋa naa masa ɲinaa vɔɔnda o ba. [Kani nɔm nɔ masalen, kpaayaa a biiloo le fɛɛn a fɛɛn ni. Amiina!›]

Malasi 3:1

«Má cè ya kiila nuu vomɔɔ! Ndu co ya pemalen bulio laci ni. Maalii niaa co nuwviaa-o co cɔnɔn o lepilɔɔ, mò kɔ luɛi o cɛi ndɔ biilaa nin, kiila niaa co cumndo-o co hunɔɔ kpema nuu yii a niaa. La nua vɔ ndu hunɔɔ! Mɛlɛka-Nɔ-Kpaayaa-Kpow-vo co sɔɛi nuaa ni.

Yeremi 14:9

Le yɛɛ n tosa yɛ maa vanapɔnɔ nɔ mayoomu loo, maa kuubanɔ cɔw nɔla vana ciindiaa loo? Nduyɛ a co naa tɛɛn, nɔm Mɛlɛka, le nɔm naa n co ni, mal naa le.»

Esai 47:4

Vana naa baŋaa diolan aa Mɛlɛka-Nɔ-Kpaayaa-Kpow-vo, O-Diandaa Israɛlla.

Condii lisai 34:7

Vana bala fondoo koŋul pɛ, Mɛlɛka tuei ndu diom, o soli ndu o buulannda ndɔlan kpow nin.

Condii lisai 34:2

Telen oo telen, i vanin Mɛlɛka balikaa mello, lisa ndɔɔ vanin ya o sondo lɔ́ɔ́-lɔ́ɔ̀.

2Dɛnnda lemasalan 7:14

te vanaa nia diola nilan la co piɔlnɔnndo coo-a tuisin pɛ tootoo, mà piɛi, mà nuwviaa ya, taa mangala pɛ kela nda vɔɔndo, ya Mɛlɛka, i lonin o halataala mì mulul nda piɛilen, mì mal nda haki le haki ndaa, mì singi lɛŋnde ndalen.

Tɔŋ miingua 33:17

Ndu yɔŋnun naw tova ndɔ tasoo ni. Màá o sɔla bɛɛlen! Leela ndɔlan maa leela cìí la co ni. A lan o kundunin vanaa-mangalaa-isɔɔa háá nɛɛ lɛŋnden le mɛɛlu-a ni. Lende sɛ́lɛ́ bɛndu-bɛndu fula Efraim o ipulu-o co ni, lende fàngà-kunda fula o Manase nin-ndo co ni.»

Tɔŋ miingua 28:10

O kon, vanaa-mangalaa-isɔaa co o lɛŋnden coo-a kpow a canin maa diola Mɛlɛka lan la co niaa coo, mà yɔŋ siòònde a niaa lelan.

Kundalan 1:46

a va vaalan kɛmɛ leŋɔmpum a layàá a vannda kɛmɔɔ leŋuɛɛnu a beleŋuɛɛnu (603 550).

Fulaa 1:7

O kon kɔɔli, mí vanaa tɔ̀a lo lon-nda koma kui taw-taw, má sɔla kpaayaa. A lo kuiyo tei, má tiw o lɛŋnde len nin sɔ́.

O Kandɔɔ 32:28

Mí langbanɔ kon ɲuna ndu aa: «Vɛɛ n nɔ yɛ diolan?» Mí Yakɔb mulul ndu aa: «Diola nilan Yakɔb.»

O Kandɔɔ 22:11

O kon mí mɛlɛkanɔ Hala-o veelu ndu coocoo aa: «Abraham sei. Abraham sei.» Mí Abraham cɛl aa «Yòó!»

O Kandɔɔ 22:15

O kon kɔɔli, mí mɛlɛkanɔ Hala-o lo vɛlɛ coocoo, mó veelu Abraham veelu diinndɔɔ,

O Kandɔɔ 46:3

Mí Hala dimul ndu aa: «Ya co Hala ni, Hala fuɲa nɔm-ndo pɛɛn. Lelan, siòòŋii bii nɔm le kɔlan Esipte le. I co tosa mì polale nɔmnden le kui lon taw-taw.

2Samiɛl 4:9

Mí David mulul poaa Rimɔn Beerotiinɔ-a, Rekab nda Baana puapilɛ ndɔ pɛɛn, mó dimul nda aa: «Le Mɛlɛka co yoomu-o, o baŋa ya o sangalan nin kpow-vo,

Yeremi 15:21

I baŋanin nɔm vanaa vɔɔnda o ba, mì ciindiaa nɔm vanaa diyaa o ba.»

1Masaa 1:29

Mí masaa mɛnalan ndu aa: «Te Mɛlɛka baŋa ya o sangalan kpow nin-ndo co yoomu,

Condii lisai 34:8

Mɛlɛkanɔ Hala-o co isisi vanaa nɔ siòòŋii Mɛlɛka-e-a ikɛi, ndu baŋa nda o dɛnɛ vɔɔndo hɔl-ndɔ ni.