O Kandɔɔ 48:15 - BII BILA

¹⁵ Mó dɔaw Yosɛf duaa aa: «Hala Abraham fuɲa ni mama a Isaak fuɲa ni a tosal vallo-o, Hala landu ya hɔlla coo kabi ya co yoomu háá hau-vo,

O Kandɔɔ 48:15 Referans Kwoze

O Kandɔɔ 17:1

Vɔsi Abram suili vɔsilan belaŋɔmahiɔɔlu a laŋɔmahiɔɔlu-o, mí Mɛlɛka cɔmnun ndu, mó dimul ndu aa: «Ya co Hala Vana-Kpaayaa-Kpow ni. Kela kela kɛndɔɔ ya o hɔl, mà tosa ɲɛ hɛnan ya-o.

Kolɔsea 2:6

Lelan, mɛɛ niaa cɛl Maalii Yeesu Krista nuaa yɛ, la kela niko mɛɛ dɛnnda ndɔlan la co yɛ.

Hebreea 11:21

A laalanndo Yakɔb dɔw poaa Yosɛf-a a pilɛn-pilɛnnda duaa ni lɔ́ɔ́ pá mó vu ni, mó tiindan o tindà ndɔɔ coo, mó biilu Hala.

2Korɛntea 1:12

Kani ɲɛ naa n nɔla mì n kelu yongaa a ndu o kɔɔ-o co hoo ni, kɔlta naalan la co seilen timbio mɛɛ naa n kela o ceendo nin yɛ, taam-taama niaa o hɔl. Kela diandaa a kela toɲaa o yɔŋnun ni, o fula Hala o ba-o, n tosa kon a kɔlkalu ivanacieeya le, kɛ o kɛndɛi Hala-e bɛngu.

1Korɛntea 10:31

Lelan, o va dio, o va kolɔɔ, te kon te ɲɛ-ɲɛ niaa va pɛ tosaa, la tosa ndu mì Hala sɔla biiloo.

Luke 1:6

Vanaa sandaa vanaa ŋiɔŋaa kan kpow a yɔŋnun Hala o hɔl ni, a va vɛlɛ tɔŋndan a tanala Mɛlɛka lan biyɔɔ ɲɛkɛndɛi.

Yeremi 8:2

Mà tɛ̀i lan o paalen, o paangei, mì loeon bɛɛ n lɔɔ lan. Kani ɲɛm mun ndáà yeema ni, má del mun kɔɔli, má yiinun a mun, má baŋ mun vulan o labɛngunin. Lelan, vana kondunin paala kalalan te, vana minginin ndan kumbɔɔ le, lon la co lo ni háá mì la siŋnun kɔmbɔɔsio o foofo kon coo.

Esai 33:16

Vana súú vaa lendeo ndu calnin o fondala yesalan coo ni, powta kpovala bɛndulan la vanin calta ndɔlan ni, ɲɛdiaa yɔngunin ndu mì mɛnndan ma kennun ndu.

Esai 30:21

Nila niaalan la tuɛinin diomndo dimio niaa kɔɔli telen niaa yeemanin le kɔlan o ba kɛndɔɔ coo te kon te o ba mɛllo coo-o aa: «La tofa vɔ nɛiyo, la kɔ lecoo!»

Vana Kɔlkaloo 6:7

Le yeemɛi ndɔɛi peeloo daama vanacieo tosa baalaa nuaa ni, kɛ o hini kɔl lɔ́ɔ́-lɔ́ɔ̀ le.

Vana Kɔlkaloo 5:18

Handɔɔ o kon coo, vana-vana Hala ke pɛ bolofaa a ɲɛ-sɔlaa taw, ndu dɔwnun ɲaale o baala ndɔɔ nin. Ó ndɔɔ co kon ni.

Vana Kɔlkaloo 5:12

Sanga bɛndu-bɛndu ya ce o lɛŋnden coo-o co ni, mì vana bolofaa manda ɲɛ-sɔlaa le dɛnɛ palaa ndɔɔ,

Condii lisai 37:3

Laalan Mɛlɛka, mà tosa dɛnɛ kɛndɔɔ. O kon, a calnunnin nila ɲulu o lɛŋnden nin, ma dɔwnun balo a vanakɛndɛyɛi.

Condii lisai 23:1

Condii David-e. Mɛlɛka co ya mandaa ni maa vana mandaa n'saa, ɲɛ-ɲɛ co ya lepɛŋ te.

Condii lisai 16:8

I co Mɛlɛka mɛɛndanndo ya o hɔl tuŋ, le tùú o co ya o ba kɛndɔɔ coo-o, i siɛla le.

1Masaa 3:6

Mí Salomɔn muli aa: «A yɔŋnun vana lo o lediom coo-o a vana nɔm baalaa, o co David fuɲa ni-o. A tosa kon le tùú o kela nɔm o hɔl o sakpoyɛi nin, o dɛnɛ sandaa nin a o toɲaa nin-ndo. Má lo o lediom coo a ndu, má ke ndu hɔ́ɔ̀, mí hɔ́ɔ́ kon va hau icali o kpɛŋɛ ndɔ lemasaa coo.

Tɔŋ miingua 33:1

Duaa Moise vana baala Hala-o dɔw Israɛlla telen pá mó vu-o yɔŋnun hoo ni:

O Kandɔɔ 49:28

Haa kpow yɔŋnun vanaa lebolla o polama tɔ́ a mamiɔmma Israɛlla coo ni. Nuaa fuɲa nda soo o nda lo mó dɔaw nda duaa ni. Mí poaa ndɔa kpede, vana-vana sɔla duaa o ndɔɔ.

O Kandɔɔ 49:24

Kɛ kɔɛi ndɔɛi biŋin te, congúla ndɔlan la nɔ vɔ yoomuan, la co vɔ leemu-leemu. Kɛɛmasɔla Hala-Kpaaya Yakɔb-o le. Ndu co vana mandaa n'cɔloo a pow kpova Israɛl tiindan-ndo ni.

O Kandɔɔ 48:16

mɛlɛkanɔ kanda ya a dɛnnda vɔɔnndan kpow-vo, i piɛi nɔm mà dɔw poambɔa ha duaa. Mì diola nilan, diola Abraham fuɲa ni mama lan, a diola Isaak fuɲa ni lan la lo ceen nda coo. Mà koma kui, mà velu cuawva taw o lɛŋnden nden nin.»

O Kandɔɔ 28:22

Pow ya baŋ hoo mì siinguu ndu pow sálàá-o, o siŋnunnin Cɛi-Hala-o, mì va ndu o-tɔ́ndɔɔ yɔngoo o ɲɛm o co va ya yɔngoo-on kpow nin.»

O Kandɔɔ 28:20

O kon, mó cua ciɛɔ́n o Mɛlɛka lo, mó dimi aa: «Te Hala lo pɛ ya ikɛi, te o kanda ya pɛ o kela ya co hoo-o nin, mò yɔngu ya ɲɛdiaa a ɲɛ cuɛinanndo,

O Kandɔɔ 28:3

Màá Hala Vana-Kpaayaa-Kpow dɔw nɔm duaa, mò nɛŋi nɔm ipulu, mì polale nɔmnden le kui háá mà siŋnun fuɲa-mamaa le vanaa-mangalaa-isɔɔa súúlan taw!

O Kandɔɔ 27:4

A hin pɛ a visin mun, a toosial-la mun mɛɛ ya yeema mun yɛ, a ke ya i de. I cii pɛ mun dio, i dɔw nɔm duaa telen pá ya vu.»

O Kandɔɔ 24:20

Mó hulu mɛmma tɔ̀ma lo o bonyii ndɔɛi nin-ndan o ɲɛ cɔlua kol nin-ndo nin a kiltan, mó ɲaanun o soon kólaa, mó kɔ kɔandu mɛnndan le ɲɔɔmɛɛa kpow.

O Kandɔɔ 6:9

Polale Noe len le yɔŋnun nden ni, ndóò velu poaa nda yáá: Sɛm, Ham a Yafɛt. Vana sandaa a vana diandaa Noe yɔŋnun vanndacieea tɛɛn o paale ndɔlen ni, o va kelaa o nɛi Hala-o coo.

1Tesalonikea 2:12

N luei niaa yoomuan, mí n ɲɔɔlu niaa, mí n lo niaa kɔɔli háá mɛɛ o bɛnda Hala o hɔl-lɛ. Hala, o véélú niaa le luɛyɔɔ o Masale ndɔlen nin a o biilu ndɔɔ nin-ndo.

Fulaa 3:16

Lelan, kɔ ma kɔ cuungiaa kaasoŋaa kɔlkalua o Israɛlla tɛɛn, mà dimul nda aa Mɛlɛka, Hala fuɲaa niaa mamaa Abraham, Isaak a Yakɔb cɔmnun ya, mó dimul-la aa: ‹I mɛɛndan niaa, mí ca mɔnɛi nda co niaa lueiyo o lɛŋnde Esipte len nin-nde.›

Fulaa 4:5

Mí Mɛlɛka dimul ndu aa: «Hee n tosanin ni mì Israɛlla sina maa Hala fuɲaa ndaa mamaa Abraham, Isaak a Yakɔb cɔmnun nɔm lekɛ́ndɛi ni.»

1Dɛnnda lemasalan 5:1

Rubɛn yɔŋnun po tasoo o poaa Yakɔb-a tɛɛn ni. Kɛ ndóò hinilan a lanɔɔ fuɲa ndɔ, mí fonda ikaasonyaa hialun ndu, mí fonda kon yɔngun polale Yosɛf len, po Israɛl-lo pɛɛn. O kon, Rubɛn cinnun-ndɛ maa po tase le.

O Kandɔɔ 24:40

Kɛ mó dimul-la aa: ‹Hɛnan Mɛlɛka-o ya tiindan lɔ́ɔ́-lɔ́ɔ̀ coo ni. Lelan, Mɛlɛka co nɔm mɛlɛkanɔ ndɔɔ vomɔɔ laci, mò toosiaa sɔɛi kalɛi, haliko ma sɔla lanɔɔ le po nuu o vanayan nun tɛɛn a o polale fuɲa nuu nin.

O Kandɔɔ 27:27

Mí Yakɔb sɔɔnguu, mó kɔman ndu. Mɛɛ o kɔman ndu, mí Isaak tuɛi volɔɔla ndɔlan cun, mó dɔaw ndu duaa aa: «Po nuu co cunndo vana ca ko aa ciɛi Mɛlɛka dɔw duaa-e ni.

O Kandɔɔ 35:3

N co faŋan nanu mì n kɔɛ Betɛl. N tiiya pɛ lon, i cɔw fonda-loamaa-lasálàá le Hala mulul-la piɛilen lɔ́ɔ́ ya va o dɛnɛ palaa nin-ndo-o, ó lo ya ikɛi o kela nuu nin-ndo pɛɛn.»

O Kandɔɔ 49:22

Yosɛf ndu co maa tɛyii yɔm soli kɔmnden taw-vo, tɛyii yɔm co o tɔalaa o peo kɔngɔ-o. Lɛvun ndɔn hel pɛ sɔlɔbɔlɔɔ, n piasa o kungaa coo.