O Kandɔɔ 48:12 - BII BILA

¹² Mí Yosɛf cua poaa ndɔa ŋiɔnda fuɲa ndɔ o vulan tɛɛn, mó baŋ vulan ndu o labɛngunin.

O Kandɔɔ 48:12 Referans Kwoze

O Kandɔɔ 42:6

Yosɛf va lɛŋnde Esipte len kpow bollen ni. Ndóò nɔ hɔlten o balo nda va cuavaa lelɛŋnda pisio o ba-o coo ni. Mí bɛndaa ndɔa hun baŋ vulan ndu o labɛngunin, má tundu bolle lɛŋ.

Efɛsea 6:1

Niaa cuawva, mɛɛ mì la bii sɔɔn vanaa velu niaa-a Mɛlɛka o hɔl, kani dɛnɛ bɛnda-o co kon ni.

Talelan 31:28

Cuavaa ndɔa cɛn pɛ a candu ndu, pɔnɔ ndɔ bɛɛ cɛn pɛ o sangala ndu aa:

2Masaa 4:37

Mí cuaa kɔ del Elise o labɛngunin, mó tiiya lɛŋ dí. O kon kɔɔli, mó cua po ndɔɔ, mó fulan.

1Masaa 2:19

Mí Bat-Seba kɔa o Salomɔn ndo le ndu diom Adoniya sɔɔ ndu o sondo-o tiiyallo. Masaa cɔu dɔ́ɔ́ kala ndɔ, mó can isisi ɲaali, mó kɔa ndu bɔŋa, mó baŋ vulan ndu o labɛngunin, o kon kɔɔli mó muungu, mó kɔ cal o kpɛŋɛ ndɔ lemasaa coo. Má cuu kala ndɔ kon kpɛŋɛ lemasa celen, má kɛsi ndu po ndɔɔ o ba kɛndɔɔ coo, mó cal lenin.

Tɔŋ lasálàá 19:32

La ce pɛ vanaa yuuvɛiya, la cɛn o fondala niaala calaa lan, la ke nda bɛɛlen. La ke ya Hala niaa bɛɛlen. Ya co Mɛlɛka ni.

Tɔŋ lasálàá 19:3

Niaa kpow, vana-vana bɛnda mò yɔngu kala ndɔ a fuɲa ndɔ bɛɛlen, mò bii paale pɛngiaalen mò ke len bɛɛlen. Ya co Mɛlɛka ni, Hala niaa pɛɛn.

Fulaa 34:8

Mɛɛ Moise tuei sɔɔn mun, mó tundun, mó baŋ vulan.

Fulaa 20:12

La ke fuɲaa niaa a kalaa niaa bɛɛlen, haliko mi la viow yoomu o lɛŋnde Mɛlɛka Hala niaa co niaa yɔngu len coo.

O Kandɔɔ 33:3

Mí ndu pila hiaw nda laci. O tundun lɛŋ bɛmbɛ leŋɔmmɛw malan o tiiya Esau bɛ ndɔ ikɛi.

O Kandɔɔ 23:7

Mí Abraham can, mó baŋ vulan Hitiaa va lon-nda o labɛngunin,

O Kandɔɔ 19:1

Mí mɛlɛkaa ŋiɔŋaa kan a tiiya Sodɔm icɔllo. Lɔt va icali o dio kobio sondoo. Mɛɛ o ce nda, mó can ɲaali le kɔlan nda demullo. Ndóò tiiyaa, mó kɔ baŋ vulan nda o labɛngunin, mó tundu hɔlla lɛŋ.

O Kandɔɔ 18:2

Mɛɛ o tofa, mó ca langbaa nda yáá isisi tiŋ lándán. Mó can ɲaali o cɛi-kola-toandaa ndɔɔ dio, mó kɔa nda demullo a kiltan. Mɛɛ o tiiya, mó baŋ vulan,

O Kandɔɔ 48:11

Mó dimul Yosɛf aa: «I ve lɛ kɔl maa yáà canin nɔm te, kɛ Hala cɔm ya vɛlɛ cuavaa nɔmnda.»

O Kandɔɔ 48:13

O kon kɔɔli, mó cua nda nda ŋiɔn kpow, mó kɛsin Efraim o ba ndɔ kɛndɔɔ coo, o ba mɛl Yakɔb fuɲa ndɔ-o coo va kon ni. Mó kɛsin Manase o ba ndɔ mɛllo coo, o ba kɛndɛ fuɲa ndɔ-o coo va kon ni. Mó sɔɔnguu fuɲa ndɔ ikɛi a nda.