O Kandɔɔ 48:11 - BII BILA

¹¹ Mó dimul Yosɛf aa: «I ve lɛ kɔl maa yáà canin nɔm te, kɛ Hala cɔm ya vɛlɛ cuavaa nɔmnda.»

O Kandɔɔ 48:11 Referans Kwoze

Efɛsea 3:20

Màá Hala co dɛnnda bɛndulan tosaa, mò va bɛɛ hiovɔɔ piɛile naalen a yiyannda naalan coo mɛɛ kpaaya ndɔ co naa nin-ndo co yɛ-o, sɔla biiloo vanaa laalannda tɛɛn a Yeesu Krista o kɔɔ o telenndan kpow nin a le fɛɛn a fɛɛn! Amiina!

O Kandɔɔ 45:26

Má tɛɛngul ndu yoongu kon aa: «Yosɛf po nɔm co vɔ yoomu. Ndu co vana bɛndoo o lɛŋnde Esipte len kpow coo ni.» Kɛ Yakɔb kuŋ te o soli le, kani o ve sɔɛi ndɛi laalan maa toɲa le.

O Kandɔɔ 42:36

Mí Yakɔb dimul nda aa: «La yeema mì de poaa niaa tɔnɔ le? Yosɛf co lɛ le, Simeɔn bɛɛ lo o lekáá. Bàà la yeema vɛlɛ mì la puu ya Bɛnyamɛn o ba? Nduyɛ, ya niaa co mɔnɛi lueiyo nuaa ni.»

O Kandɔɔ 37:35

Mí poaa ndɔa kpow hun ndu ɲɔɔloo, kɛ mó kɛɛ. Mó dimi aa: «I mei le, mɔnɛi co ya lo biyɔɔ háá mì komal po nuu ciee-piɔ́m.» Mó hiaw laci a Yosɛf caŋndo tuŋ-tuŋ.

O Kandɔɔ 37:33

Mí Yakɔb sina maa doma po ndɔɔ ni, mó deŋi aa: «Oi, doma po nuu ni. Visi biyaa bii ndu. Kpòkóó, visio sɛɛsiaa Yosɛf fɔ́!»

O Kandɔɔ 48:10

Le tùú Israɛl ndóò yuuva-o, mí pundaa cal ndu o hɔl, ndóò ci lɛ taw le. Mí Yosɛf sɔɔnguu nda ndu ikɛi, mó kɔman nda.

O Kandɔɔ 48:12

Mí Yosɛf cua poaa ndɔa ŋiɔnda fuɲa ndɔ o vulan tɛɛn, mó baŋ vulan ndu o labɛngunin.

Condii lisai 128:6

mà ce cuavaa poaa nɔmnda vialunin-nda. Màá Israɛlla sɔla kɔlɲuloo!

Talelan 17:6

Maa mɔsil lemasa cuavaa-imamaa co le kaasoŋaa yuuvɛiya ni. Cuawva nda, ɲɛ nda heelanndo co fuɲaa ndaa ni.